НЕМА ВЕЌЕ БАРАЊЕ НА ПРЕЖИВЕАНИ – започнува потешкиот процес по земјотресот!

Дарко Андоновски — Sun, 19 Feb 2023 15:15:45 +0000

Потрагата по преживеани и жртви од земјотресот што ја потресе Турција на 6 февруари е прекината, а тимовите за уривање почнаа да ги расчистуваат урнатините, соопштија денеска локалните власти. - Напорите за пребарување и спасување се завршени во зоната на земјотресот, освен во јужните провинции Кахраманмарас и Хатај, изјави Јунус Сезер, шефот турската Агенција за управување со катастрофи и вонредни состојби (АФАД). Сезер рече дека повеќе од 20.000 персонал продолжуваат да работат на теренот, додавајќи дека напорите за пребарување и спасување продолжуваат во речиси 40 згради. Речиси 250.000 шатори и над 6.000 контејнери се поставени во зоната на земјотресот. АФАД соопшти дека во „зоните на катастрофи“ што ги прогласи владата и опфаќаат 11 провинции, по првиот земјотрес со јачина од 7,8 степени, потоа се случиле уште 6.040 земјотреси. АФАД предупреди дека „исклучително е важно луѓето да бидат подалеку од оштетените објекти и да не влегуваат во нив“. Се предупредува и на дополнителни опасности, како што се свлечишта и одрони. Околу 105.794 објекти, кои беа проверени од турското Министерство за животна средина и урбанизам, се или уништени или толку оштетени што е неопходно да се урнат, со безбедносни мерки, од градежните екипи. Според последните податоци, најмалку 40.689 луѓе загинаа во двата силни земјотреси што ја потресоа јужна Турција на 6 февруари.

ПО ДВА МЕСЕЦИ ИСТРАГАТА ЗАВРШИ: Се огласи таткото на исчезнатиот Матеј Периш

Дарко Андоновски — Fri, 04 Mar 2022 14:17:50 +0000

Матеј Периш (27) исчезна ноќта помеѓу 30 и 31 декември минатата година, кога ги остави пријателите и го напушти клубот „Готик“ Ненад Периш, таткото на веќе два месеци исчезнатиот Матеја Периш, вели дека речиси секој ден оди на местото каде исчезнал неговиот син. Тешко му е да поверува дека паднал во вода, макар тоа било несреќен случај. Тој се уште останува во Белград затоа што, како што тврди, „тука изгубил дете, а не некоја си ситница“. - Се уште ја сакам само вистината и подготвен сум да се соочам со неа. Секојдневно сум во контакт со белградската полиција. Сè уште го бараат копното и Сава и Дунав. Сите информации за тоа каде е виден син ми се покажаа неточни. Истрагата е завршена! Проверија се што можеа – објаснува Периш за Телеграф. Нема докази дека Матеј паднал во Сава. Да потсетиме, повеќе од 60 дена трае потрагата по Матеј Периш, момче од Сплит кому му се губи секоја трага ноќта меѓу 30 и 31 декември 2021 година во Белград.

завршена потрага – Kurir.mk

НЕМА ВЕЌЕ БАРАЊЕ НА ПРЕЖИВЕАНИ – започнува потешкиот процес по земјотресот!

ПО ДВА МЕСЕЦИ ИСТРАГАТА ЗАВРШИ: Се огласи таткото на исчезнатиот Матеј Периш