завршена – Kurir.mk

Штипските пожарникари успешно ја завршија мисијата во Турција

Тале Кристо — Mon, 13 Feb 2023 13:30:50 +0000

Мисијата на тимот штипски пожарникари во Турција успешно завршена, во разрушените објекти, кои им биле дадени за спасување на луѓе, но и извлекување на починатите станари под урнатините, кои зад себе ги остави катастрофалниот земјотрес во Турција. Командирот на ТППЕ-Штип, Дарко Коцев вели дека одлуката за враќање на македонските пожарникари спасувачи треба да ја донесе Дирекцијата за заштита и спасување и официјална Анкара. Во текот на денот ќе знаат дали мисијата продолжува или ќе се вратат. -Разрушениот објект што ни беше даден веќе ги завршивме и сега под водство на Дирекцијата за заштита и спасување и официјална Анкара очекуваме да кажат дали ќе има наше повлекување или ќе одиме на некој друг објект. Можно е утрешниот ден веќе да тргнеме за Македонија, но сепак ќе одлучат Дирекција за заштита и спасување и официјална Анкара, вели Коцев. Градоначалникот на Општина Штип, Иван Јорданов е задоволна од пожарникарите кои заминаа за Турција. По нивното враќање во државата градоначалникот Јорданов најави нивен прием, бидејќи во тешки моменти помогнале на настраданото население во Турција. -Па како граѓани кои недвосмислено веднаш се одзваа на повикот, заминаа за да помогнат на најпогодените подрачја, со целата нивна одлучност, храброст, солидарност и хуманост која ја покажаа ја должиме почитта кон нив и како град сигурно дека јас како градоначалник ќе организирам прием, за да ги достоинствено пречекаме и да им се заблагодариме за се она што го направија и помогнаа во вакви тешки моменти и помогнаа на најпогодените подрачја во Турција, вели Јорданов. Штипскиот тим пожарникари на 9 февруари пристигнаа во градот Адијаман во Турција, каде на терен беа од утро до мрак. Во петокот учествуваа во акција во која се спаси 38-годишна жена која неколку дена била под урнатините. Работеа на објект кој беше разрушен и се извадија голем број мртви тела.

Поради коронавирусот заврши сезоната за одбојкарските еврокупови

Тале Кристо — Thu, 23 Apr 2020 17:18:50 +0000

Поради пандемијата на коронавирус, Европската одбојкарска конфедерација (ЦЕВ) одлучи да не ги игра преостанатите натпревари од еврокуповите, сезоната 2019/20 година. – Советот на ЦЕВ ги откажа преостанатите натпревари од европските купови во 2020 година, вклучувајќи го и Супер финалето во Лигата на шампионите, откако избувнувањето на коронавирус го прекина натпреварот во март. И покрај фактот дека сезоната во еврокуповите нема да биде завршена, одборот се согласи да одвои повеќе од 80% од очекуваниот награден фонд на екипите кои учествуваа во трите купа. Покрај тоа, Одборот на ЦЕВ се обврза да го задржи наградниот фонд за Европското првенство 2020/21 и одобри дополнителна поддршка за клубовите за претстојната сезона, се вели во соопштението на органиацијата. Финалето на Лигата на шампионите во одбојка требаше да се одржи во Берлин на 16 мај.

Софија Куновска: Мојата соработка со господинот Зоран Заев е завршена работа

Тале Кристо — Tue, 19 Nov 2019 21:01:51 +0000

Поранешната пратеничка на СДСМ Софија Куновска во „Што не е јасно“ на Алфа телевизија рече дека нејзината соработка со Зоран Заев е завршена работа. Таа изјави дека ќе ја радува да не се повтори минатото кога СДСМ на чело со Зоран Заев го промени статутот и наместо квотата од 30% учество на жените беше донесена одлука да бидат застапени со 40%, но во реалноста тоа според неа, никогаш не заживеа. Куновска праша дали навистина СДСМ одлучила да се однесува одговорно кон самопоставените цели или од ракав си поставува цели само за да ги задоволи жените на манифестацијата кога се празнуваше формирањето на Форумот на жени на СДСМ, кога Заев излезе со таа изјава. -Праксата покажува дека вие можете да мислите дека ќе има 50% жени, но прашањето дали ќе бидат жени или мажи станува неважно ако се тоа избраници на шефот на партијата. Начинот на којшто се бираат пратениците досега во два наврати, покажува дека решенијата се изненадување на денот на објавувањето на листите за сите. Дури и за нас коишто сме биле дел од понудата на СДСМ. Не можам да разберам дали шефот на СДСМ, Зоран Заев, ги корегира политиките на премиерот Зоран Заев којшто вети дека во овој состав ќе има 40% жени, но вие гледате дека ниту во Владата, ниту во органите на партијата има многу мало учество на жени. Таа рече дека СДСМ ја напуштила практиката кандидатите да се бираат од општинските организации на затворени конференции зад затворени врати на тајно гласање. Според неа, повторно гласачот нема да има прилика да ги избере, туку партискиот шеф практично ќе го зацементира тоа партиско самоволие и тој личен поглед на листите.