заврши – Kurir.mk

Заврши судењето на Канаѓанец обвинет за шпионажа во Кина

Тале Кристо — Fri, 19 Mar 2021 08:00:18 +0000

Во Кина денеска се одржа судењето против Мајкл Спејвор, еден од двајцата канадски државјани обвинети за шпионажа и притворен од декември 2018 година, соопшти дипломатот во канадската амбасада во Кина Џим Никел. Американски дипломат пред судницата во Дандунг изјави дека судењето зад затворени врати започнало во 10 часот по локално време, дека завршило и дека претстои да биде изречена пресудата. Спејвор и поранешниот дипломат Мајкл Ковриг беа обвинети во јуни минатата година за шпионажа и откривање на државни тајни. Нивното приведување беше потег што се сметаше за притисок врз Отава да ја ослободи финснсиската директорка на Хуавеи Менг Ванџу. Таа беше уапсена на барање на САД на 1 декември 2018 година на аеродромот во Ванкувер. Апсењето на директорката на Хуавеи, а потоа и на двајцата Канаѓани, предизвика невидена дипломатска криза меѓу Пекинг и Отава. Судскиот процес е спроведен во време кога американскиот државен секретар Ентони Блинкенодржува средби со кинески колеги во американската држава Алјаска.

Заврши 32. поетска ноќ во Велестово

Тале Кристо — Tue, 25 Aug 2020 06:15:49 +0000

Со настанот „Поезија ̶ Залез“ заврши 32-то издание на Поетска ноќ во Велестово. Иако во услови на пандемија и со скромен буџет, на ова издание на Поетската ноќ во Велестово, се претставија десетина поети, уметници и музичари од Македонија. На првата традиционала вечер беше претставен портрет на поетот Зоран Анчевски. A беше отворена и изложба на скулптури од Димитар Филиповски, а настанот го отвори „Скопје гитар трио“. Втората вечер на манифестацијата се одржа читање на шест современи македонски поети што за првпат беше одржано на една алтернативна локација, викана „Каменон“, избрана намерно за да се направи спој помеѓу поезијата и природните убавини на Галичица и Охридското Езеро. Читањето беше насловено „Поезија ̶ Залез“, на кое настапија: Тоде Илиевски, Владимир Мартиновски, Ѓоко Здравески, Биљана Стојановска, Павлина Атанасова и Јулијана Величковска. Дел од поетите ги споделија и своите впечатоци, па така, поетот Владимир Мартиновски, учесник на бројни интернационални поетски фестивали вели дека и во овие тешки времиња, „Поетска ноќ во Велестово приреди незаборавни мигови на полпат меѓу Охридското Езеро и бескрајот“. -Првата вечер, посветена на поетскиот свет на Зоран Анчевски беше волшебна, а длабочината на неговите песни одекна во височините на Велестово. Втората вечер имавме среќа да го следиме зајдисонцето и заноќувањето од високо, од платото над Каменот, читајќи и слушајќи поезија… Со огромен мерак и јас учествував во поетската гозба, читајќи десетина песни од најновата книга, рече Мартиновски. Младата поетеса Павлина Атанасова, пак, вели: „И без да се чита поезија, Велестово ја носи во себе. Поетската ноќ во Велестово е домаќин на веќе присутното. На залезот кај Каменон зракот што го чува езерото слегува меѓу зборот за кратко… Како што зракот го менува аголот кога влегува во водата, во Велестово зборот го менува својот допир. Станува потивок, а подлабок, како езерото во својата зеница.“ Манифестацијата беше помогната од Општина Охрид, Комерцијална банка А.Д. Скопје, Министерството за култура и пријателите на Поетска ноќ во Велестово.

Заврши пучот во Мали, претседателот Кеита поднесе оставка: Не сакам крв

Тале Кристо — Wed, 19 Aug 2020 06:17:17 +0000

Претседателот на Мали, Ибрахим Бубакар Кеита поднесе оставка откако беше уапсен од побунетите војници, јави државната телевизија. За време на телевизиското обраќање, Кеита рече дека ќе ги распушти владата и парламентот, пренесе Би-Би-Си. -Не сакам да се пролее крв за да останам на власт, рече тој. Кеита се обрати до нацијата неколку часа откако тој и премиерот Бубу Сисе беа однесени во воена база во близина на Бамако, предизвикувајќи осуда од регионалните сили и Франција. -Ако денеска, одредени елементи на нашите вооружени сили сакаат ова да заврши со нивна интервенција, дали воопшто имам избор?, се запраша Кеита од воената база во Кати, крај главниот град Бамако, каде беше приведен претходниот ден. Британските медиуми наведуваат дека не може да се потврди автентичноста на снимката. Претседателот и премиерот беа уапсени во Бамако од одметнати членови на вооружените сили, соопшти претходно претставникот на Африканската унија, Муса Факи Махамат.

Силекс ги заврши настапите во квалификациите за Лигата на шампионите

Тале Кристо — Tue, 18 Aug 2020 18:55:37 +0000

Македонскиот фудбалски клуб Силекс ги заврши настапите во квалификациите за Лигата на шампионите уште во првото коло, откако доживеа пораз од 4-0 (2-0) на гостувањето кај Карабак во Баку, Азербејџан. Стрелци за домаќините беа Ромеро (11), Гуерер (40 и 51) и Емрели (80). По поразот, Силекс ќе игра во второто квалификациско коло од Лигата на Европа. Карабах во второто квалификациско коло ќе игра против подобриот од Шериф Тираспол и Фола Еш од Луксембург.

Бартомеу: Меси ќе ја заврши кариерата во Барса за 3-4 години

Магдалена Андонова — Thu, 06 Aug 2020 14:23:43 +0000

Претседателот на Барселона, Пеп Марија Бартомеу уште еднаш изрази уверување дека големата sвезда на Каталонците Лионел Меси ќе ја заврши кариерата на „Камп Ноу“. Според него, ова ќе се случи во наредните 3-4 години. Во последните неколку месеци, Аргентинецот веќе неколку пати јавно изрази незадоволство од некои чекори преземени од раководството. И ова веднаш предизвика шпекулации за неговото заминување. Тековниот договор на Меси е до летото 2021 година, но минатиот месец Бартомеу објави дека се очекува повторно да се потпише многу брзо. – Не сум само јас што го тврдам тоа. Самиот Меси исто така неколкупати најави дека сака да стави крај на својата професионална кариера во Барселона и ова е единствениот клуб за него. Не се сомневам дека кога ќе ја заврши кариерата – за 3-4 години, тоа ќе биде во Барселона. Меси беше сосема јасен. Тој е овде уште од дете. Тој знае како е да се носат овие бои и да бидат дел од историјата на клубот, изјави Бартомеу за „БеИН Спортс“. (MИА)

ПСЖ ја заврши сезоната со домашен „требл“

Магдалена Андонова — Sat, 01 Aug 2020 07:39:44 +0000

Францускиот фудбалски хегемон Париз Сен Жермен ја заврши сезоната на домашната сцена со „требл“. Откако ја осигураа титулата пред многу време, пред една недела парижаните го освоија Купот на Франција, а вчеравечерта додадоа уште еден трофеј во нивните витрини. Тимот на Томас Тухел триумфираше со Лига Купот во драматично финале против Лион. Редовното време и продолженијата завршија без голови, а при пеналите Кејлор Навас го спаси ударот на Бертранд Траоре и стана херој за ПСЖ. Ова беше последно издание на турнирот, кој ќе биде суспендиран поради зафатениот календар на француските клубови. ПСЖ е рекордер со 9 пехари, со само едно изгубено финале. Парижаните слават пет години по ред помеѓу 2014 и 2018 година, а во 2019 година трофејот стана сопственост на Стразбур. ПСЖ влегува во историјата како победник на деби-изданието на турнирот во 1995 година и во последното финале досега. Лион има само еден Лига Куп од вкупно 6 финалиња, но она што е понепријатно за „децата“ е што ја пропуштија последната шанса да се пласираат во Лигата на Европа. Во првенството, екипата на Руди Гарсија го зазеде 7-то место и нема да учествува на европските турнири во новата сезона. (МИА)

Официјално: Винс Картер ја заврши кариерата

Тале Кристо — Thu, 25 Jun 2020 15:43:55 +0000

По 1.541 натпревар, 8 „Ол-стар“ настапи, неколку пласмани во идеални тимови во НБА, учесник во најнезаборавниот натпревар за забивање и серија искршени обрачи, големиот Винс Картер и официјално објави дека ја прекинува својата активна кошаркарска кариера. Винс ја направи оваа изјава во специјална епизода на „The Ringer“ – „Winging It with Vince Carter“. – Официјално завршив со професионална кошарка, рече легендата и разочара милиони. Така, Винс се повлече од омилениот спорт по 22 години во НБА, каде ги бранеше боите на Торонто, Њу Џерси, Орландо, Феникс, Далас, Мемфис, Сакраменто и Атланта. 43-годишната икона на американската кошарка никогаш не успеа да го допре трофејот во НБА, но тој сигурно ги плени срцата на сите љубители на играта со неговата самопожртвуваност, скромност и атлетизам на подот. – Фактот дека го реализирав мојот последен шут многу помогна во ситуацијата. Ако не го направев тоа сè ќе беше малку поинаку. Ќе ме чешаше, ќе сакав да играм уште една минута, само за да погодам еден шут. Не ми беше грижа како. Како играч кој го одигра својот последен натпревар, секогаш сакате да тврдите дека сте го постигнале вашиот последен шут. И сега можам да кажам дека тоа ме прави среќен, рече Картер за неговиот последен шут – тројка во последните секунди од мечот на Атланта против Њујорк Никс во март.

Првиот групен карантин заврши: Од 160 граѓани никој нема симптоми, уште 14 дена ќе останат во домашна изолација

Тале Кристо — Sat, 04 Apr 2020 18:19:25 +0000

Владата информира дека денеска успешно завршува државниот карантин за 160 македонски граѓани, кои поминаа 14 дена во строги безбедносно-здравствени услови во хотелот „Ибис“ во Скопје (Тафталиџе) и во депандансот во Демир Капија. Граѓаните кои успешно го завршија државниот карантин немаат симптоми и ќе поминат уште 14 дена во домашна изолација, согласно здравствените препораки на епидемиолозите. За потсетување во изминатото деноноќие потврдени се 53 нови случаи позитивни, вкупната бројка на дијагностицирани изнесува 483 лица. За 24 часа регистрирани се 53 нови случаи во земјата. По градови: Скопје -13, Куманово -8, Штип -5, Прилеп – 2, Струга – 14, Тетово – 2, Велес – 1, Гостивар – 2 и Кочани – 6.

Заврши гласањето на парламентарните избори во Австралија

Дарко Андоновски — Sat, 18 May 2019 13:11:07 +0000

Во Австралија заврши гласањето на парламентарните избори, а некои опозициски лидери се уверени дека ќе формираат влада на лев центар, чиј фокус ќе биде намалување на емисијата на гасови кои предизвикуваат ефект на стаклена градина. Околу 11 милиони Австралијци гласаа за избор на нов состав на австралискиот Федерален парламент, по 36-дневна изборна кампања во која главни теми беа климатските промени и состојбата во економијата. Жителите на Австралија избираат 40 од вкупно 76-те членови на Сенатот и сите 151 членови во Претставничкиот дом. За сенаторските места се борат 458, а за членови на Долниот дом вкупно 1.056 кандидати. Главната битка сепак ќе се води за Претставничкиот дом, бидејќи партијата или коалицијата што ќе освои мнозинство во него ќе добие мандат да формира Влада. Како што јави ДПА, последните анкети на јавното мислење покажуваат дека опозициската левоцентристичка Лабуристичка партија на поранешниот синдикален активист Бил Шортен најверојатно ќе извојува тесна победа над владејачката конзервативна коалиција на Либералната и Националната партија, предводена од премиерот Скот Морисон. Владејачките конзервативците во кампањата ветуваа платформа на стабилност и на подобро управување со економијата, додека лабуристите најавуваа засилена борба против климатските промени. Гласањето, кое се одвива на околу 7.000 избирачки места во континенталниот дел на земјата и во прекуморските територии, вклучително и на Антарктикот, започна во 8 часот по локално време. Австралија е една од ретките земји во кои гласањето е обврзно, па така излезноста секогаш е голема. Казната за неизлегување на избори изнесува 20 австралиски долари (14 американски долари).