жданец – Kurir.mk

Без вода дел корисниците во населба Жданец

Ивана Ефремовски — Thu, 13 Oct 2022 09:16:46 +0000

Прекинато водоснабдување денеска ќе имаат корисниците од улицата „Девол“ и дел од улицата „Жданец“ во населба Жднец, соопшти ЈП „Водовод и канализација“. Причина за прекинот на водоснабдувањето, како што посочуваат од претпријатието, е дефект на приклучна цевка ф1“ на улица „Девол“ број 54 и ќе трае до санирање на дефектот. (МИА)

Нова автобуска линија за населбите Жданец и Трнодол – автобусот со број 29 ќе се сообраќа низ оваа траса

Дарко Андоновски — Fri, 22 Oct 2021 10:15:38 +0000

ЈСП Скопје информира дека од понеделник (25.10.2021 година) ќе почне да функционира линија 29 која ќе сообраќа од Жданец, па преку Трнодол, до Карпош 3 („Сити мол“) и обратно. Линијата ќе профункционира на барање на жителите на Жданец и Трнодол, за да им се олесни пристапот до централниот дел на општината и градот, а истовремено и како предлог решение за организиран јавен превоз од/до посочените населени места, имајќи го во предвид проектот за новата мрежа на линии од јавниот транспорт во Градот Скопје. Почетна/крајна станица на линијата 29 во Жданец ќе биде на улица „Жданец“, а во Карпош 3 на улица „МАНАПО“, на почетно/крајната станица на линија 7 и 59 кај „Сити мол“. Автобусите ќе се движат по улиците „Жданец“, па до влезот на Трнодол, па по ул. „Козле“, бул. „8 Септември“, бул. „Партизански одреди“ до крајната станица во Карпош 3 и обратно, по истата траса. Ќе се користат посточеките, утврдени постојки на трасата, а возилата ќе сообраќаат по следниот возен ред: *од Жданец: 6 ч, 7 ч, 8 ч, 10 ч, 12 ч, 13 ч, 14 ч, 16 ч и 17 ч. *од Карпош 3: 6.30 ч, 7.30 ч, 9 ч, 11 ч, 12.30 ч, 13.30 ч, 15 ч, 16.30 ч и 17.30 ч.

Без вода населбите Козле, Жданец, Трнодол и Нерези

Магдалена Андонова — Wed, 08 Jul 2020 08:54:33 +0000

Од јавното претпријатие „Водовод и канализација“ информираат дека поради дефект на улицата „Лесновска“ бб (влезот на Трнодол), со прекинато водоснабдување ќе бидат и корисниците на дел од населба Козле (висока зона), Жданец, Трнодол и Нерези. Водоснабдувањето ќе биде прекинато од 10:00 до завршување со активностите.

Изгоре семејна куќа во Скопје: 15 пожарникари на терен во Жданец(ФОТО+ВИДЕО)

Матеја Петровски — Thu, 04 Oct 2018 12:22:23 +0000

Голем пожар го зафати брдото над скопски Жданец. Темен чад може да се забележи веднаш над населбата. Екипите на скопската противпожарна бригада се уште се во скопски Жданец каде предмалку избувна голем пожар. Како што командирот Звонко Томески информира за „Република“, се запалило приземјето на семејна кужа на улицата „Теодосиј Синаитски“. -Се уште сме на лице место во Жданец, се работи на догаснување и расчистување на пожарот со кој брзо се справивме, вели Томески за „Република“. На лице место веднаш се упатиле пет пожарни, а понатамошно ширење и поголема штета спречиле 15 пожарникари.