Здравствениот систем во Чиле е пред колапс

Тале Кристо — Mon, 25 May 2020 09:09:50 +0000

Пандемијата на новиот коронавирус го доведе здравствениот систем во Чиле пред колапс, изјави шефот на државата Себастијан Пињера. – Свесни сме од фактот дека здравствениот систем е под огромен притисок. Многу сме блиску до колапс бидејќи се зголемени потребите и барањата за медицински третман, кревети на интензивна нега и респиратори, истакна Пињера. Во Чиле досега се потврдени речиси 70.000 заразени случаи со Ковид-19, а починати се повеќе од 7.000 луѓе. Главниот град Сантијаго, кој е под строги мерки на изолација, е епицентар на епидемијата во таа земја. Изминатите денови во градот избија немири поради рестрикција и недостиг на храна, при што демонстранти се судрија со полицијата. гт/ 2020-05-25 10:24:00, од Габриела Точко

Намалувањето на платите во Англија ќе удри на здравствениот систем

Тале Кристо — Sun, 05 Apr 2020 08:47:32 +0000

Здружението на професионални фудбалери во Премиер лигата го доведе во прашање повикот на лигата за намалување на платите од 30 отато, како резултат на кризата со КОВИД-19, велејќи дека намалувањето на месечните финансиски плати ќе ги ограничи приходите за Националната здравствена служба (НХС). Претставници на 20 фудбалери во Премиер лигата и директори на ПФА се состанаа со Премиер лигата за да разговараат за ова прашање. Клубовите се договорија во петокот да се консултираат со играчите за евентуално намалување на платите од 30 отсто. Разговорите во саботата не беа дефинирани како преговори и не се очекуваше одлука, но ПФА издаде изјава со која ја доведува во прашање логиката на позицијата Премиер лига. – Играчите се свесни дека комбинираните даноци од нивните плати се значаен придонес за финансирање на важни јавни услуги, кои се во особено критична состојба во овој момент. Намалувањето од 30 отсто на финансискиот надоместок ќе чини многу за НХС и другите услуги финансирани од владата, се вели во синоќешното соопштение. Здружението на професионални играчи додаде дека предложената редукција од 30 отсто за период од 12 месеци ќе изнесува повеќе од 500 милиони фунти во намалени плати и даночни загуби од повеќе од 200 милиони за владата. – Каков ефект ќе има оваа загуба врз НХС за владата? Дали ова беше дискутирано од Премиер лигата и дали го предвиде министерот за здравство Мет Ханкок кога ги замоли играчите да им се намалат платите?, прашува ПФА во изјавата. Здружението, кое првенствено е финансирано од телевизиските права, додаде дека играчите разговараат за тоа како можат да придонесат за глобалната криза. – Сите играчи на ПЛ сакаат и ќе ја одиграат својата улога, придонесувајќи значително финансиски во овие невидени времиња. Сите играчи на ПЛ целосно ја ценат нивната улога и одговорности во општеството за време на тековната криза. Тие се загрижени за сите оние кои се ранливи и погодени од пандемијата, се додава во соопштението.

здраствен систем – Kurir.mk

Здравствениот систем во Чиле е пред колапс

Намалувањето на платите во Англија ќе удри на здравствениот систем