здраство – Kurir.mk

Комисија за здравство на ВМРО-ДПМНЕ: Меџити освен празни флоскули нешто конкретно да преземе за реалните проблеми и се потешката достапност до здравствена услуга за пациентите

Тале Кристо — Wed, 18 Oct 2023 10:17:39 +0000

Пред денешната посета на министерот Фатмир Меџити на Клиника за торакална хирургија му препорачуваме подобро да се подготви за одговори и освен празни флоскули нешто конкретно да преземе за реалните проблеми и се потешката достапност до здравствена услуга за пациентите. Конкретно со аргументи потребни се одговори кои се преземени активности за следните нотирани проблеми на пациентите кои се обраќаат до Комисијата, но и средбите на терен. Нема термини за ехо на дојка. Нема термини за мамографија. Нема термини за биопсија. Пациентите реагираат дека во поголем дел не стигнуваат до преглед и интервенција, а тука треба да се земе во предвид дека изминатиот период долго време немало сала на Клиниката за торакална хирургија. Дополнително загрижува фактот дека бројот на сали е редуциран, а притоа нема еднаквост, односно се дава само на одредени доктори. Повторно апелираме на транспарентност на листите за закажување интервенции и истите да бидат јавни на оваа и на останатите хируршки клиники. Контролните механизми со кои ќе се спречат злоупотреби и во овој случај недостасуваат. Меџити дали ќе преземе нешто или повторно отпосле ќе се правда дека "немал информации" кој по службена должност требало да ги има, следејќи го примерот на еден негов негов претходник кој "не е од тука".

Комисија за здравство на ВМРО – ДПМНЕ: ПР во здравството не лекува!

Тале Кристо — Tue, 18 Aug 2020 14:15:48 +0000

Да работеа како што ветуваа, ќе имавме сега нов Клинички центар и полесно, поорганизирано и поуспешно ќе се спротивставевме на Ковид епидемијата и нејзините последици на најголем директен и индиректен морталитет во регионот. Секако, немаше да се фалат со лимени киосци кои ги претставуваваат како припрема на здравствениот систем.!!! ПР во здравството не лекува..!, велат од комисијата за здравство на ВМРО - ДПМНЕ.

Инвестициите во здравството во Италија се на најниско ниво од 90-те години

Тале Кристо — Tue, 28 Apr 2020 16:52:19 +0000

Инвестициите во здравствениот сектор во Италија се на најниско ниво од 90-те години, објави денеска италијанскиот Национален институт за статистика (ИСТАТ). Трошоците за здравство во 2019 година беа 22,7 проценти од вкупното трошење на јавниот сектор. Здравството и пензиите сочинуваа 59 отсто од јавната потрошувачка во 2019 година, додаде ИСТАТ. Тоа ја чинело Италија вкупно околу 479 милијарди евра. Таа држава е една од најтешко погодените од вирусот со речиси 27.000 смртни случаи.

Комисија за здравство на ВМРО – ДПМНЕ: Министерството и министерот Филипче да пристапат сериозно кон пораките кои што доаѓаат од СЗО во врска со коронавирусот

Тале Кристо — Sat, 01 Feb 2020 10:38:14 +0000

Пораката која што ја упати Светската здравствена организација до министерот за здравство е дека послабо организираните здравствени системи се под силна закана од епидемијата со вирусот Корона, која се шири со голема брзина, реагираат од Комисија за здравство на ВМРО - ДПМНЕ. Во целост ви ја пренесуваме реакцијата на комисија за здравство на ВМРО - ДПМНЕ: Додека останатите здравствени системи на земијте од ЕУ се подготвуваат за ударот од епидемијата со Корона вирус, здравствените власти треба наместо смирувачките пораки да дадат информации дали е во функција Центарот за управување со кризи и кои се насоките од таму? Епидемијата со Корона вирусот е присутна во повеќе европски земји меѓу кои покрај Франција, Германија и Финска, наскоро се проценува дека истиот ќе се појави во Италија, како и соседните земји Грција и Бугарија. Министерството за здравство треба да одговори на повеќе прашања: 1. Дали Клиниката за инфективни болести во Скопје е во можност да прифати СИТЕ пациенти (адултни и педијатриски) кои што се со слична симптоматологија како грип и Корона вирус, а се вирусни инфекции кои што имаат идентичен начин на трансмисија? 2. Дали се упатени насоки за сите здравствени работници во Скопје и во земјата како да се однесуваат при појава на пациент со сомнение за корона инфекција? 3. Што се случува со сите оние патници кои што се враќаат од Кина а слетуваат на аеродромите во Софија, Белград, Приштина и Солун, па потоа преку граница се враќаат во Македонија? 4. Дали останатите профили имаат насоки како треба да се однсуваат, тоа се возачите, цариниците на граничните премини кои можат да бидат дел од трансмисијата на епидемијата? Дали единствено термалната камера на двата аеродрома е доволна? 5. Дали увозот на животни е обезбедени? Апелираме до Владата и до Министерството за здравство, како и до министерот Венко Филипче како најповикан за подоготовка на капацитетите за справување со оваа закана која што се наближува, да пристапат сериозно кон пораките кои што доаѓаат од СЗО и да се ангажираат без одложување да го активираат здравствениот систем за ударот кој што не очекува од епидемијата со новиот Корона вирус.