здрав живот – Kurir.mk

За долговечен и здрав живот потребни ви се овие 10 намирници

Магдалена Андонова — Fri, 03 Jun 2022 09:04:53 +0000

Пет подрачја во светот ја имаат најголемата концентрација на стогодишници. Се работи за така наречени „сини области“ – Сардинија кај Италија, Окинава (Јапонија), Икарија (Грција), Никоја (Костарика) и Лома Линда во Калифорнија (САД). Во секоја област се консумира различна храна уникатна за луѓето таму, но сепак, може многу да се научи од нивниот начин на живот и секојдневната исхрана, за да се види што сѐ ги прави поздрави. Авокадото, кое има долг список здравствени придобивки, е особено популарно во градот Лома Линда. Според статија на „Нејшнал џиографик“, авокадото помага во намалување на холестеролот и содржи 30 отсто повеќе калиум од бананите. Утврдено е и дека авокадото помага во контрола на тежината и ја намалува опасноста од дијабетес тип 2. Гравот е основна храна во повеќето „сини области“ оти обезбедува корисни количини влакна и други хранливи материи кои помагаат во борбата против повеќе болести. На пример на островот Икарија, познато е дека гравот има антиканцерогени и антидијабетични својства, а здрав е и за срцето. Во заедницата Никоја секојдневно се јаде и црн грав, често со тортиљи од ориз и пченка. Црниот грав содржи големи количини влакна и антиоксиданси. На јапонскиот остров Окинава, луѓето редовно јадат лук. Според науката пак, лукот е еден од „најмоќните лекови на природата“ и се поврзува со помала опасност од болестите на староста. Поточно, според напис на „Антиоксиданс“ овој зеленчук има антиоксидантни и антиинфламаторни својства и е познато дека помага во спречување одредени видови рак, дијабетес и кардиоваскуларни болести. Белиот компир е основна храна за луѓето на Икарија, а виолетови компири редовно се консумираат на Окинава. Виолетовите слатки компири содржат фитохемикалии наречени антоцијани, за коишто е познато дека помагаат во спречувањето болести. Слаткиот компир е богат и со витамини А, Б-6, Ц, калиум и растителни влакна. Сѐ тоа помага во одржуувањето низок крвен притисок. Икарјаните користат и маслиново масло, секојдневно. Списанието „Нутриентс“ објавува дека екстрадевственото маслиново масло има долг список докажани здравствени придобивки, што ги прави многу луѓе во Средоземјето – најздравите луѓе во светот. Лососот и другите масни риби обично ги јадат адвентистите во Лома Линда. Овој вид храна содржи високо ниво на омега-3 масни киселини, за кои се знае дека помагаат за здравјето на срцето и ја намалуваат опасноста од срцеви болести, како и воспаленија. На Сардинија, луѓето јадат и пијат производи од козјо млеко, леблебии, сомун, како и т.н. леб од кисело тесто. Овој леб се прави од цело зрно пченица и живи лактобакцили. Според „Нејшнал џиографик“, печењето кисело тесто потоа помага во претворањето на шеќерот во млечна киселина. Таа пак, го намалува гликемискиот индекс, што значи ситост подолго време и стабилно ниво на шеќер во крвта. Доматот содржи ликопен, антиоксиданс познат по своите антиинфламаторни својства, како делотворно средство против крвниот притисок, метаболичкиот синдром и мозочен удар. Тука е и антиканцерогениот бета-каротен.

3 навики што ќе направат да се чувствувате поздраво и подобро: Нека станат ваш секојдневен ритуал

Магдалена Андонова — Tue, 25 May 2021 07:19:04 +0000

Сонот на повеќето е конечно да започнат да водат здрав живот и да се откажат од лошите навики. Како и во многу други работи, првиот чекор по одлуката е најтежок и во оваа намера. Имајте на ум дека секој почеток е тежок кога станува збор за промена. Експертите препорачуваат таква голема авантура за промена на животниот стил да се направи со мали чекори. За почетници, тренери за фитнес и поборници за здрав начин на живот, купувајте удобни патики и одете на дневна прошетка, која со текот на времето може да се претвори во брза прошетка, а можеби малку подоцна и во лесен џогинг. Покрај редовната физичка активност, тие препорачуваат уште три здрави навики кои треба да станат ваши ритуали на патот кон здрав живот. Одмарајте повеќе Што и да правите, потребна ви е пауза, дури и ако правите пауза секој ден за време на работното време. Телото, но и мозокот и психата треба да се одморат. Одвојте половина час во текот на секој ден да се одморите откако ќе се вратите дома од работа. Покрај овој дневен одмор, потребно е да имате краток викенд одмор најмалку еднаш на секои три месеци, а еднаш или двапати годишно долг одмор од 10 или повеќе дена. Јадете редовно, умерено и здраво Неправилната или брзата храна за многумина стана начин на живот. Обврските што треба да ги завршиме што е можно побрзо и заморот што нè обзема на крајот од денот, како и гладот што се јавува поради прескокнување оброци, предизвикуваат потреба за прекумерно внесување храна. Ако сакате конечно да започнете да живеете здрав живот, јадете редовно, пијте доволно течности и заменете ја брзата храна со здрави и умерени оброци. Бидете позитивни Првите две се совети за тоа како да започнете да развивате здрави навики од кои нашето тело ќе има повеќе корист отколку нашето ментално здравје. Колку и да е важна квалитетна храна за здрав живот, подеднакво важно е да се справите со секојдневниот стрес и да се грижите за менталното здравје. На почетокот рековме дека одморот е неопходен за вашиот мозок и психа, но исто така треба да го промените начинот на размислување. Фокусирајте ги мислите на позитивни работи и започнете да уживате во животот. Смејте се што почесто и колку што е можно повеќе.

Оваа супер бабичка ги поместува сите граници и руши рекорди (ВИДЕО)

Ивана Ефремовски — Mon, 24 Jun 2019 14:27:43 +0000

103-годишната Џулија “Хјурикејн” Хокинс ја доби титулата најстара жена која се натпреварувала на американската тркачка патека откако ја завршила трката на 50 и 100 метри на Националните сениорски игри во Њу Мексико. Таа веќе го држи рекордот во својата старосна група во трка на 100 метри. Иако не го победила својот рекорд, во вторникот претрчала 100 метри за нешто повеќе од 46 секунди. Но, во понеделникот, Џулија истрчала 50 метри за 21.06 секунди што е рекорд на Сениорските игри за жени во групата на 100-годишни натпреварувачки – таа е првата жена која се натпреварува во оваа категорија.

View this post on Instagram

Julia "Hurricane" Hawkins swept through the 100m in 40.12, setting her second pending ? record in less than one month‼️The 101-year-old said she "missed my nap for this," and looks like the ? was well worth it! • #usatfmasterstrack #usatf #trackandfield #tracknation #goals #lsu #track #running #motivation

A post shared by USATF (@usatf) on Jul 15, 2017 at 2:11pm PDT

Пензионираната учителка ја одржува својата кондиција преку повеќе работи – од работа во градината во својот дом во Батон Руж до натпреварувачки предизвици. -Постојано сум активна. Имам земјиште од неколку хектари на кое постојано работам. Имам 30 бонсаи грмушки од кои некои се стари 40 или 50 години. Тоа ме држи зафатена, вели Хокинс. Со натпреварувачкиот велосипедизам започнала да се занимава во 80-тите години, учествувајќи на сениорските Олимписки игри. Кога станала единствена натпреварувачка во својата група, нејзините деца предложиле да се испроба и во трчањето. Нејзините колена, грб и колкови се во одлична состојба, а цврстите нозе ги припишува на велосипедизмот. Но, проблем ѝ предизвикува слабиот вид. -Постојано се грижам за тоа. Се чувствуваш помалку способен кога ќе се случи нешто такво. Се наведам дека гледам доволно добро за да останам во линијата, изјавила супербабичката. За својата долговечност, Џулија вели дека главни “виновници” се здравата исхрана и одбегнувањето на цигари и алкохол.

Здрав живот: Словенија во војна против маснотиите во храната

Предраг Кукиќ — Mon, 08 Apr 2019 13:53:01 +0000

По истекот на едногодишниот преоден период во Словенија, денеска стапи во сила Правилникот со кој содржината на трансмасни киселини во прехранбените производи се намалува на најмногу два грама од вкупната содржина маснотии. За контрола е задолжена Управата за безбедност на храната. Националниот институт за нутриционистика наведува дека се работи за најстрога регулација од таков вид во светот, бидејќи ограничувањето не се однесува само на прехранбените производи кои се во продажба, туку и на непрепакуваната храна што завршува во оригиналното пакување на полиците, како и храната во гостилници и ресторани. Институтот истакнува дека Словенија на тој начин направи важен чекор во замена на делумно хидрогенизирани растителни масти во храната со други состојки. Управата за безбедност на храната истакна дека проверката на содржината на трансмаснотиите во храната ќе се применува за увозниците, дистрибутерите и продавачите на храна. Словенечките производители на прехранбени производи велат дека добро се подготвени за новиот правилник и дека подолго време не користат суровини со поголем процент на маснотии, како и дека производите кои не ги задоволуваат критериумите не смеат да се најдат на словенечкиот пазар. Трансмасните киселини настануваат како нус-производ на делумна хидрогенизација на растителни масла и при долготрајно загревање на растителното масло на повисоки температури. Тие имаат многу негативни ефекти врз метаболизмот, особено во развојот на атеросклероза и кардиоваскуларни заболувања.