здрава исхрана – Kurir.mk

Здрави намирници кои можат да ја загрозат здравствената состојба на човекот – со нив не треба да претерувате!

Ристе Здравков — Thu, 09 Mar 2023 09:44:58 +0000

Нема ништо лошо да ни се случи доколку со текот на времето изедеме чоколадо, колач, чипс, но важно е да не ги консумираме секојдневно и премногу и дека оброците треба да се направени врз основа на здрави намирници кои докажано се богати со хранливи материи. Изборот не е мал, но можеби не сте знаеле дека ниту со нив не треба да претерувате затоа што и тие можат да предизвикаат здравствени проблеми. За кои намирници станува збор? Вода со лимон Жените обожуваат да ја пијат и со неа често го започнуваат денот затоа што слушнале дека така се губат килограмите, иако експертите тврдат дека нема особено делување освен тоа што лимонот го подобрува вкусот на водата. Никој не вели дека оваа комбинација не треба да се пие, како и за сè друго, но не смее да претерувате со неа. Големите количини напиток можат да ги оштетат забите, да ја оштетат површината на забот и да го отворат патот за појава на кариес. Овесни снегулки Многу од луѓето ги јадат за појадок затоа што брзо се подготвуваат, а со додатокот на овошје во нив се подготвува одличен десерт. И, треба да ги јадете затоа што се богати со растителни влакна, магнезиум и цинк. Меѓутоа, често содржат многу калории, особено доколку купувате веќе готова смеса за каша која може да биде полна со т.н. скриени шеќери. Затоа ве советуваме да купите обични овесни снегулки без никакви додатоци и да си подготвите слатка или солена каша, но да не користите повеќе од 50 грама овесни снегулки по оброк затоа што во 100 грама има речиси 400 калории. Риба Рибата е исклучително здрава, содржи витамини Б1, Б2, Б6, Б12, омега три масни киселини, но сепак не треба да биде на вашето мени секој ден. Доколку консумирате еднаш или двапати неделно риба, со тоа ќе го намалите ризикот од смрт предизвикан од проблеми со срцето за 36 отсто. Токму толку е доволно затоа што преголемата количина може да доведе до труење со жива, особено доколку јадете поголеми риби кои се хранат со помали риби.

Пет причини зошто треба секој ден да јадете по една банана

Дарко Андоновски — Thu, 02 Dec 2021 08:39:03 +0000

Бананата е извор на есенцијални витамини и минерали како што се витамините А и Б, калиум и магнезиум. Тоа значи дека се добри за крвниот притисок, ја регулираат телесната тежина, го подобруваат варењето и работата на срцето. Често се користат и во индиската кујна. Може да направите смути, десерт, да ги јадете сирови или како чипс. Ова се пет причини зошто треба да јадете банани: Подобра работа на срцето Бананата е богата со влакна, магнезиум и калиум кои можат да го подобрат здравјето на срцето како ниту една друга храна. Според истражувањето на Harvard School of Public Health, бананите го намалуваат ризикот од кардиоваскуларни заболувања. Калиумот помага за регулирање на срцевите отчукувања, крвниот притисок и го одржува мозокот буден. Слабеење Бананите имаат многу малку калории што е одлична вест за оние коишто сакаат да ослабат. Банана со просечна големина има нешто повеќе од 90 калории и е богата со влакна што влијае на варењето и дава чувство на ситост. Подобро варење Бананите се богати со вода и влакна што е одлично за дигестивниот систем. Растителните влакна апсорбираат вода. Исто така помагаат во обновување на електролити како калиум кои често се губат поради дијареја или повраќање. Помагаат за анемија Бананите имаат висок процент на грозје и можат да помогнат за лечење на анемија. Бананите можат да поттикнат производство на хемоглобин во крвта. Витаминот Б6 го регулира нивото на глукоза во крвта што може да им помогне на луѓето со анемија. Подобар сон Бананите се богати со калиум кој ги опушта мускулите по напорниот ден. Витаминот Ц во бананите ја поддржува здравата функција на мозокот така што произведува серотонин, хормон кој влијае на циклусот на спиење и на расположението. Содржат триптофан, аминокиселина која помага во одржување на помнењето и регулирање на расположението.

Изгубете вишок килограми без строги диети: Заменете ги мастите, шеќерот и слатките со оваа храна

Магдалена Андонова — Thu, 29 Apr 2021 07:37:50 +0000

Пролетта е во голема мерка овде, иако не изгледа така во однос на временските услови, сепак, времето неизбежно тече, а летото и убавите денови се приближуваат. Ова е обично периодот кога повеќето луѓе бараат брзо и ефикасно решение за губење на вишокот тежина, кое се насобрало во текот на зимата. Ако сакате да се ослободите од одреден вишок, нема потреба од радикални и строги диети. Доволно е да направите мали промени во вашата дневна исхрана, што нема да ви биде тешко, а кои ќе направат да се чувствувате подобро и истовремено да изгубите вишок килограми. Нутриционистката Саманта Кејси откри со што да ги замени путерот, шеќерот во колачи и слатки. Таа предлага дека кога ќе се грижите за исхраната, но и поинаку, путерот да го замените со пире од авокадо. -Ќе ја намалите содржината на маснотии, ќе ја зголемите содржината на растителни влакна и хранливи материи, ќе земате витамини К, Е и калиум. Лошите масти ќе ги замените со здрави, заситени. Авокадото има неутрален вкус, па можете да го користите и во солена и во слатка верзија. Може да се премачкува на леб, да се става во колачи, да се користи за намаз - вели нутриционистот. Една од најважните работи е да го намалите шеќерот во рецептите или да го замените со некој друг засладувач. Можете да користите пире од јаболка, еритрирол, стевија, фруктоза или мед. Сите горенаведени ќе му дадат сладост на десертот, а вие ќе внесете помалку калории. Исто така е важно да се напомене дека еритролот има гликемиски индекс од 0, и нула калории. Во колачињата можете да додадете ореви, како што советува Саманта, кои се богати со омега-3 масни киселини, влакна, магнезиум и железо. Покрај тоа, тaa препорачува да се намали обичното брашно од пченица и да се обидат да направат колачи, леб и торти со поздрава алтернатива како кокосово или бадемово брашно или хељда… Бело брашно и производи од шеќер ве натераат да јадете повеќе - одеднаш ви ја зголемуваат енергијата, а потоа многу брзо повторно сте гладни.

Дури и ако немате време, придржувајте се до овие 5 правила за здрава исхрана

Предраг Кукиќ — Sat, 11 May 2019 14:25:52 +0000

Денеска е научно докажано дека не мора да ги броите калориите и да јадете минијатурни порции за да ги намалите килограмите. Секако, тоа не значи дека треба секојдневно да ставате акцент на исхрана која се базира на јаглехидрати и шеќер. Она што треба да го направите за почеток е да го намалите консумирањето на шеќер и да се опуштите – резултатот би можел да ве изненади. Еве ги и наједноставните нитриционистички совети кои сите можеме да ги применуваме затоа што се толку едноставни и лесно применливи што нема простор за изговорот дека немаме време. Консумирајте интегрален наместо бел ориз Оризот е одлична намирница за оние кои немаат премногу време за готвење, а не сакаат да јадат брза храна со мала нутритивна вредност. Добра вест е дека не мора да се откажете од оваа намирница -0 едноставно преминете на нејзината поздрава варијанта! Не заборавајте на замрзнатото овошје Кога следен пат ќе одите во продавница, освен свежо купете и замрзнато овошје. Ќе трае подолго а може да ви биде одличен спас во сите оние забрзани утра. Пригответе си вкусно и здраво смути кое ќе ве исполни со енергија. Купувајте салати кои едноставно се приготвуваат Добро е познато дека салатите можат да бидат одличен оброк. Но нејзиното приготвување често може да бара повеќе време отколку што имаме. Од таа причина бејби спанаќот е една од подобрите идеи, не треба да се сече ниту термички да се обработува, а ако му додадете туна или чаден лосос со малку зачини, можете да биде одличен оброк за ручек или за вечера. Купувајте плански Направете листа од здрави намирници и кога одите во набавка, придржувајте се до него или, уште полесно, ако имате можност, нарачајте ги онлајн. Исто така, денеска и има и се повеќе ресторани кои нудат поволни опции за здрави оброци кои можат да ви послужат во деновите кога немате време или волја за подготвување на храна. Имајте резерви на готови јадења Не, не мислиме на готови јадења од продавница полни со конзерванси, туку на оброци кои самите сте ги подготвиле дома, а кои можат да стојат по неколку дена, или пак можете да ги замрзнете. Многу е едноставно: направете поголема количина од некое јадења иу ќе имате ручек за неколку пати.