здрава – Kurir.mk

Како да ја замените омилената лоша исхрана со здрава исхрана

Ристе Здравков — Wed, 02 Nov 2022 06:56:20 +0000

Еве неколку корисни животни совети кои ќе ви помогнат да тргнете на вистинскиот пат и безболно да изгубите тежина Темата за правилна исхрана и замена на вообичаената и најчесто штетна, мрсна храна со поздрава станува се попопуларна. Најчест проблем е присуството на голема количина брашно и слатки во исхраната, нивното место треба да го заземат зеленчукот, овошјето, протеините, растителните и животинските масти, влакната и сл. Реалноста е дека храната која се состои од сите хранливи материи што му се потребни на човекот ќе го засити телото подолго од брзата храна. Затоа, изборот во овој случај е очигледен, а доколку сепак одлучите да ја промените исхраната и да се префрлите на светлата страна, подобро е да започнете со мали промени. Трик број еден Додадете доволно влакна во секој оброк, т.е. свеж зеленчук (грашок, прокељ, слатка пиперка, брокула, аспарагус, морков), бобинки (малини, капини, боровинки и рибизли) и зеленило (магдонос, киселец, коријандер, спанаќ, копар, рукола). Започнете со мали порции, а потоа постепено зголемувајте ја количината со експериментирање со различни видови влакна. Патем, тука спаѓаат и кафеавиот ориз, леќата, овесот, просото и бисерниот јачмен. Трик број два Следниот чекор може да биде да се намали количината на конзумирана сол и шеќер, кои ги изоструваат рецепторите, а сите јадења без нив автоматски изгледаат безвкусно. Солта може да се замени со соја сос, а шеќерот може да се замени со мед и засладувачи за почеток, а потоа целосно да се напушти. Сите со слатко непце кои не можат да го замислат својот живот без колачи, слатки, парче торта или сладолед треба да разберат дека практично нема ништо во овие производи. По нивната употреба, ситоста е минимална, а содржината на калории често е многу висока. Затоа, тие треба да се заменат со други здрави слатки, вклучувајќи овошје и сушено овошје, кои се одличен извор на влакна и антиоксиданси. Трик број три Не треба наеднаш да го исфрлите брашното, бидејќи постои голем ризик да ве фати криза и да го изедете – најверојатно ноќе – она што претходно не сте го јаделе. Затоа постепено елиминирајте ги питите и лепчињата. Прво намалете го нивниот број, а потоа префрлете се на производи со додаток на трици или леб од цели зрна или леб со кора, како што е хељдата. Тие не само што не додаваат вишок килограми, туку помагаат и за чистење на телото и нормализирање на функционирањето на цревата и гастроинтестиналниот тракт. И воопшто, обидете се да јадете разновидна и урамнотежена исхрана, така поретко ќе ве посетуваат мислите за слатки или производи од брашно. Покрај тоа, ваши вечни придружници ќе бидат добрата фигура и доброто расположение. Извор: thehealthystation.com

ЛЕСНА, ВКУСНА И ЗДРАВА ВЕЧЕРА! Направете маринирани тиквички со сирење – ќе уживате во секој залак!

Ристе Здравков — Mon, 30 May 2022 13:12:26 +0000

Кога станува збор за вечера, ви предлагаме лесен оброк од маринирани тиквички, кои ќе ги задоволат сите ваши сетила СОСТОЈКИ: две лажици бел вински оцет две лажици сок од лимон две чешниња лук две лажички мајчина душица третина од чаша маслиново масло 800 гр тиквички 250 гр фета сирење сол, бибер ПОДГОТОВКА: Измијте ги тиквичките и исечете ги на подебели прстени. Во сад измешајте маслиново масло, оцет, сок од лимон, мајчина душица, издробен лук, лута пиперка, сол и бибер. Додадете ги тиквичките и оставете да се маринираат 45 минути. Потоа печете ги на скара или во грил тава, по три до четири минути, од секоја страна. Префрлете ги во соодветен сад, прелијте со малку маринада, посипете со изронета фета и послужете веднаш.

Ова е најздравата исхрана на светот

Ристе Здравков — Tue, 27 Nov 2018 18:55:02 +0000

Дознајте кои намирници би требало да ги јадете, но и кои намирници треба да ги избегнувате за да бидете здрави и вити како луѓето кои живејат околу Средноземното море. Медитеранската исхрана воглавно се фокусира на внесување на маслиново масло како важен извор на корисни масти и оваа исхрана е единствената на која Светската здравствена организација досега не ѝ пронашла ниту една маана. Едноставно, таа е најздрава од сите! Ви ги претставуваме основните начела до кои се држи медитеранската исхрана, како и намирниците кои луѓето кои се хранат според неа, ги избегнуваат. Медитеранскиот регион е познат по своите здрави рецепти и навики во исхраната која се истакнува со своите сезонски, традиционално подготвени и сосема природни прозиводи. Начинот на исхрана врзан со овој регион бил дел од разни научни истражувања уште од 70-тите години на минатиот век, а заклучоците на истражувачите биле дека луѓето кои живеат во овој регион имаат низок степен на прекумерна тежина и хронични болести како дијабестес, срцеви заболувања и покачен холестерол. Медитеранската исхрана подразбира житарки, грав, овошје, зеленчук и риба. Се поттикнува да се јаде помалку црвено месо и производи од црвено месо, затоа што имаат преголема количина масти, калории и холестерол. Како традиционален начин на исхрана, медитеранскиот внес на храна го намалува процентот на холестерол и крвниот притисок го одржува на стабилно ниво, без лишување на телото од важните хранливи состојки кои му се потребни. Ова се основите начела и правила на оваа исхрана. Медитеранската исхрана подразбира: Внесување мали количини јогурт и посебни видови сирења, затоа што содржат калциум. Внесување интегрални житарици и скроб од типот на тестенини, леб, ориз, булгур, компир. Конзумирање риба, на скара или варена, се јаде повеќе пати неделно, а најмногу се препорачува туна, лосос или скуша, додека пак сосема се избегнува пржената риба. Неколку пати неделно се јадат варени јајца. Конзумирање црвено месо, но најмногу еднаш неделно. Да се јадат по два вегетаријански оброци барем еднаш неделно. Да се јаде зеленчук, лековите билки, житарици, свежо овошје. Ова го намалува холестеролот и помага до намалување на килограмите. Оревите се задолжителни, затоа што содржат висок процент масти, а освен нив се пожелни и лешници и бадеми, но во умерена доза. Да се јаде варен зеленчук. Секогаш да се користи маслиново масло, наместо зејтин и слични масла. Свежо овојше наместо колачи и други слатки. Да се пие кафе/чај, но без шеќер и во умерени дози. Намирници кои никогаш не се наоѓаат на менито на медитеранска кујна: Преработена храна Пржена храна (помфрит, пилешки крилца, сѐ што се пржи во длабоко масло) Брза храна Пијалоци со висок процент на шеќер, како газирани пијалоци и нивните диетални веријанти, како и индустриско произведените сокови. Колбаси, сланина и хамбургери Торти и колачи Високо калорични обработки на месо