здравко мамиќ – Kurir.mk

Здравко Мамиќ за Динамо Загреб: Јас сум веќе завршена приказна

Бошко Тасиќ — Sat, 04 Feb 2023 05:45:02 +0000

Долгата и впечатлива ера на контроверзниот Здравко Мамиќ во Динамо Загреб заврши, барем според изјавата на некогашниот прв човек на популарните Модри, кој во последно време од сенка и во бегство раководеше со хрватскиот првак. „Јас сум завршена приказна во Динамо. Веќе неколку месеци имам подготгвен проштален говор напишан на мојот мобилен телефон. Намерно ме уриваат долго време и сега велам дека е доста. Имам право на свој живот. За Динамо дадов се што можев“, изјави Мамиќ. Во неговата ера што траеше од 2003 година хрватскиот гигант стана и европски препознатлив бренд, со постојани настапи во еврокуповите, односно во фазата по групи во Лигата на шампионите и во Европа Лигата. Динамо стана и лидер и пример во регионот за продукција на екстра-таленти и за врвна продажба на играчи за десетици милиони евра. Здравко Мамиќ и неговиот брат Зоран се осудени на казна затвор во Хрватска поради финансиски малверзации во Динамо, но побегнаа во Меѓугорје, во хрватскиот дел од Босна и Херцеговина. Во последно време две струи во Динамо водеа битка за превласт, а таа на браќата Мамиќ загуби, откако сите нивни подржувачи во клубот беа исфрлени.

Браќата Мамиќ заминуваат во затвор- Динамо Загреб останува без тренер пред натпреварот со Тотенхем

Дарко Андоновски — Tue, 16 Mar 2021 08:50:31 +0000

Врховниот суд во Загреб ја потврди казната на браќата Здравко и Зоран Мамиќ за „грабеж“ на Динамо Загреб, што значи дека актуелниот тренер на хрватскиот шампион ќе мора да почне да ја отслужува затворската казна од 4 години 8 месеци. Браќата Мамиќ, заедно со даночникот Милан Пернар и актуелниот директор на Хрватскиот фудбалски сојуз (ХНС), Дамир Врбановиќ, го оштетиле Динамо Загреб за 116 милиони куни, по што газдата на клубот, Здравко Мамиќ доби казна од шест и пол години затвор, но тој е пребеган во Босна и Херцеговина. Зоран Мамиќ пак, оваа недела ги пречекува Тотенхем во осминафиналето на Лига Европа, но според Законот за спорт во Хрватска, тие со правосилни пресуди на затвор не смеат да работат во спортот и Динамо мора за осум дена да го раскине договорот со Мамиќ.

Мамиќ повторно во центарот на вниманието: Од бегалци направив милионери, сега не смеат да ме споменат

Матеја Петровски — Sat, 21 Jul 2018 09:00:20 +0000

Најмоќниот човек во хрватскиот фудбал, Здравко Мамиќ, е огорчен што ниту еден репрезентативец не го споменал, не му се заблагодарил, после освојувањето на среброто на Светското првенство во Русија. Хрватските фудбалери станаа јунаци на нацијата и се во центарот на вниманието на целиот свет, но ниту еден од нив овие денови не го спомена Мамиќ, иако тој на најголемиот дел од нив им е „фудбалски татко“. -Во Динамо сум 48 години. Ме нарекуваа најмоќен човек во хрватскиот фудбал. Сигурно и јас имам некој заслуга за успехот на репрезентацијата. Иако гледам дека не ме споменуваат. Меѓутоа, неспорно е дека ова кулминација на нашиот успех низ базта која ја правевме. Па јас децата како Модриќ, Ловрен, Ковачиќ и Чорлука ги доведов како бегалци од Босна и Херцеговина. Меѓутоа, никој ништо. Сите на некого му се заблагодаруваат, мене никој не ме споменува. Никој не го споменува ниту Шукер, ниту Мамиќ. Морам да бидам искрен и да кажам- присутен е стравот. Не смеат да не фалат, затоа што поединци потоа би биле подложни за напади, кажа Мамиќ во интервју за „Дневни Аваз“. Мамиќ истакна дека се неточни информациите кои излегоа во медиумите, дека тој сакал да го смени Златко Далиќ од позицијата селектор на репрезентацијата на Хрватска. -Се што е напишано за мене околу мојот однос со Далиќ е лага. И не е точно дека јас го поставив. Него го доведе Шукер и тоа е вистина. Мене ми е мило поради него, мило ми е поради репрезентацијата. Не го доведов, но испадна дека не сум се противел на тоа, што е точно. Не е вистина дека сум барал негова смена после турнејата во Америка, додаде Мамиќ.

Судот во БиХ не го дава Мамиќ на Хрватска

Даниел Василев — Fri, 15 Jun 2018 12:00:21 +0000

Судот во Босна и Херцеговина ја запре постапката на изречување на поранешниот претседател на Динамо Загреб, Здравко Мамиќ на Хрватска, каде што е неправосилно осуден на 6,5 години затвор. Оваа информација ја потврди адвокатот на Мамиќ, Ивица Рајиќ. Поранешниот претседател на Динамо по рочиштето во Судот во БиХ изјави дека размислува зошто сето ова му се случува, зашто, како што рече, хрватското државно обвинителство тврди оти фудбалкиот клуб Динамо е оштетен, а Динамо тврди дека не е. -Едноставно се прашувам кој дел сум јас и од кој проект. Се што може да се прекши во една држава, го прекши Здравко Мамиќ, изјави тој, додавајќи дека државното обвинителство на Хрватска во неговиот случај ги прекршило сите можни закони.

Уапсен Здравко Мамиќ

Даниел Василев — Thu, 14 Jun 2018 12:21:34 +0000

Поранешниот претседател на Динамо Загреб, Здравко Мамиќ е уапсен во Меѓугорје, Босна и Херцеговина, јавува регионалната телевизија Н1. Мамиќ го уапсиле припадници на Агенцијата за истраги и зажтита на БиХ (СИПА) по потерница од Хрватска, каде во минатата недела првостепено беше осуден на шест и пол години затвор поради малверзации во спортот. Контроверзниот фудбалски работник е спроведен на суд во БиХ. Претходно, Мамиќ побегна од земјата и не се појави на изрекувањето на пресудата во Осиек итакнувајќи дека не верува во правосудниот ситем во Хрватска. Тој е осуден поради штети наменети на Динамо во износ од 15,5 милиони евра и за затајување данок од 1,2 милиони, а се товари и оти тоа го направил со трансферите на хрватските репрезентативци Лука Модриќ и Дејан Ловрен.

Мамиќ се огласи откако беше осуден на казна затвор

Матеја Петровски — Wed, 06 Jun 2018 11:25:31 +0000

Откако Жупанскиот суд во Осијек го осуди на шест години и шест месеци затвор, Здравко Мамиќ од Меѓугорје и се обрати на јавноста. Според пресудата, Здравко Мамиќ е осуден по сите точки од обвинението, Милан Пернар и Зоран Мамиќ се ослободени од првата точка на обвинението, но се прогласени виновни за намалување на даночните обврски на Мамиќ и примање мито, а Зоран и за давање мито. Здравко и Зоран Мамиќ, како и Дамир Врбановиќ се криви за третата точка од обвинението, односно поделбата на трансферот на Дејан Ловрен, а Здравко Мамиќ и за трансферот на Лука Модриќ. -Нормално дека дојдов во Меѓугорје да го пронајдам мирот и стабилноста и што понормално да поднесам се. Морам да кажам дека се чувствувам добро, дури и повеќе од добро. Згрозен сум од пресудата, ме изненади, но добро се чувствувам. Пресудата ме изненади, но тажен ме прави образложението на пресудата. Морам да видам каков ќе биде мојот одговор, а тоа ќе биде нешто што не е забележано на просторите на Хрватска и Босна и Херцеговина. Тоа ќе биде цивилизирано оружје и не би сакал да бидам во кожата на луѓето кои се ова го подготвија, кажа Мамиќ и додаде: - Би можел да држам монолог зошто мислам дека пресудата е правно неиздржана, монструозна, лажна, подла... образложението на таа пресуда ме прави бесен, опасен и може да се очекува се. Тие препишаа апсолутно се она што обвинителството побара, од збор до збор тоа го преточија во пресуда. Тоа е неверојатно. Боже помогни им на луѓето кои направиле таа пресуда да се случи, Боже прости им затоа што не знаат што прават. Мамиќ смета дека не требало да се случи изрекувањето на пресудата додека не се утврди дали документацијата што ја приложил е вистинита или не. Тој кажа дека останува во Херцеговина затоа што таму го пратил Бог.

Заврши судскиот процес против Мамиќ: Контроверзниот бизнисмен осуден на висока затворска казна, осудителна пресуда и за сите други

Матеја Петровски — Wed, 06 Jun 2018 11:05:43 +0000

Зравко Мамиќ вчера ја напушти Хрватска и пресудата од Жупанскиот суд во Осијек ја чека на Меѓугорје. Изрекувањето на пресудите започна во 12 часот. Здравко Мамиќ доби единствена казна затвор од 6 години и 6 месеци, братот на Мамиќ, Зоран во затвор ќе треба да помине 4 години и 11 месеци, Милан Пернар е осуден на казна затвор од 4 години и 2 месеци, а Дамир Врбановиќ во затвор ќе треба да помине 3 години. Мамиќ ќе мора да ги врати сите незаконски стекнати пари. Му се одземаат два стана. Сопругата Марина Мамиќ во рок од 15 дена од правосилноста на пресудата на државата ќе мора да и ги предаде становите и земјата која Мамиќ ја купил со незаконски стекнатите пари. Инаку, Мамиќ на прес конференција пред два дена тврдеше дека ова е прогон против него и дека судот нема никакви докази за да го осуди, за што и извади транскрипти од СМС пораки на обвинителот Динко Цвитан и член на судскиот совет.

Цела Хрватска го чека утрешниот ден: Мамиќ замина во странство на ден пред изрекување на пресудата, не знае кога ќе се врати

Матеја Петровски — Tue, 05 Jun 2018 20:27:13 +0000

Утре Здравко Мамиќ треба да ја слушне пресудата околу обвинението за кое се терети, а за кое тој вчера објави дека е монтиран случај против него. Тој денеска се јави за Дневникот на хрватската Нова ТВ од Меѓугорје. Тој тврди дека не е во бегство туку дека утре очекува ослободителна пресуда, како и дека нема да биде на нејзиното изрекување. Тој и понатаму тврди дека не е крив. -Баш во овој момент тргнав кон Меѓугорје. Тоа значи дека нема да се појавам на изрекувањето на пресудата во Осијек. -Очекувам да бидам ослободен затоа што во текот на целата постапка е утврдено дека она што ми се става на терет и на мене и на моите други пријатели едноставно не е докажано, односно обратно докажано е дека сме чисти, изјави Мамиќ за Нова ТВ. Прашан дали е во бегство, Мамиќ одговара: „Па секако дека ова е мое привремено заминување во Меѓугорје, не разбирам од што би бегал“. На прашањето кога планира да се врати во Хрватска, тој одговори: „Па кога ќе сакам, кога ќе имам време, кога обврските тоа ќе ми го дозволат.“ Вашата поддршка ми е сила, нема да ве изневерам Мамиќ на својот Фејсбук профил напиша како вечерта пред пресудата одлучил да ја помине во мир на Меѓугорје. Додава дека примил бројни повици и пораки со поддршка и на сите искрено им се заблагодарува. -Драги мои, во исчекување на пресудата во процесот кој се води против мене и моите соработници, оваа вечер одлучив да ја поминам во мир и размислување во за мене најубавото место- Меѓугорје. Во последните 24 часа моите објави ги виделе повеќе од 1.100.000 корисници, примив 3857 пораки со поддршка на Фејсбук, како и многу повици, благослови, приватни пораки на кои не можам да стигнам да им одговорам, но искрено ви се заблагодарувам. Сакам да знаете дека вашата поддршка ми дава сила, како и дека нема да ве изневерам, а истото го очекувам и од хрватското правосудство кое утре мора да ја донесе единствената можна исправна одлука- ослободителна пресуда, напиша тој на Фејсбук. Цвитан: Ќе го тужам Мамиќ Поранешниот главен обвинител на Хрватска, Динко Цвитан реагираше на тешките обвинувања кои вчера во јавноста за него го изнесе Мамиќ. Тој потенцираше дека организации на чело со Цвитан му спремиле прогон и со новинарите подели преписки со обвинителката Тамара Лаптош и судија од советот кој утре на пладне во Жупанскиот суд во Осијек ќе ја прочита пресудата за Мамиќ, поради извлекување на 116 милиони куни од Динамо Загреб. Во СМС пораките за кои Мамиќ тврди дека ги пронашол во поштенско сандаче, видлива е конверзација во која како што Мамиќ тврди, споменатите актери се договараат како да му изречат што потешка казна. -СМС пораките кои ги покажа Здравко Мамиќ се фалсификат кој се гледа од авион, а неговите заклучоци немаат врска со вистината и претставуваат најобична будалаштина. За сите зборови со кои ги навредуваше мојата чест и мојот углед ќе покренам тужба за исплаќање на оштета, за РТЛ изјави Динко Цвитан. Инаку, вчерашната прес конференција која ја одржа Мамиќ тој ја најави како најважна во неговиот живот и дека таа ќе биде причина за рушење на темелите на хрватското правосудство.

Ја одржа најважната прес конференција во својот живот: Здравко Мамиќ изнесе шокантни детали пред јавноста

Матеја Петровски — Mon, 04 Jun 2018 20:51:34 +0000

Здравко Мамиќ денеска точно во 21 часот одржа шокантна прес конференција во која изнесе доста интересни работи. Советникот на Динамо Загреб неколку часа претходно ја најави прес конференцијата за медиумите. -Ќе ја одржам најважната прес конференција во мојот живот, каде ќе изнесам шокантни детали кои ќе ги стресат самите темели на хрватското правосудство. Сакам да ви ја отворам целата вистина и да ви ги доставам сите податоци на увид од кои никој во нашата земја нема да остане рамнодушен, порача Мамиќ. Мамиќ вели дека на неговата адреса во неколку наврати дошла одредена пошта. Како што тврди тој, се работи за конверзација меѓу Динко Цвитан, поранешниот државен обвинител на Хрватска, кој како што вели Мамиќ води приватна војна против него и Динамо, како и Тамара Лаптош, каде се гледа според него дека од судиите се бара да му пресудат. Тој почна да ги чита пораките. -Кога членовите на судскиот совет велат „На темел на што да го осудиме човекот?“, Цвитан вели дека доказите се непоборливи. Судијата вели „Сите докази, се на темел на индикации. Тоа спаѓа во повисоките инстанци“. Цвитан тогаш вели дека тоа „нивни проблем“. Судијата вели „Не сте докажале ништо. Да пробате со Австрија? Ова се индиции, индиции и само индиции. Пола сведоци само читаа што кажаа, не сведочеа“/ Цвитан вели- не, тоа е доволно за преседан. Мамиќ подоцна ја прочита наводната порака од Цвитан во која стои „Не се важни доказите, важно е на кого му застанал на рана. А ти не го заборава својот долг за патот до Жупанскиот суд“. Судијата на тоа рекол дека го оставаат без избор. Цвитан на тоа му одговорил да ги избрише пораките и да ја фрли картичката, како и дека има време да размисли дали е послушник. Инаку, судот на 6 јуни точно на пладне ќе ја изрече пресудата за поранешниот челник на Динамо, Здравко Мамиќ, за неговиот брат Зоран, за поранешниот директор Дамир Врбановиќ и за економистот Милан Пернар.

СКАНДАЛ: Мамиќ по грешка на судот му предаде упаство за Ловрен како да сведочи

Даниел Василев — Mon, 14 May 2018 13:17:54 +0000

Долгодишниот челник на загребскиот клуб Динамо Загреб, Здравко Мамиќ, кому му се суди за проневера од околу 15 милиони евра, сам се инкриминирал на суд. Како што пренесуваат хрватските медиуми, Мамиќ на судењето дошол со многу документи, меѓу кои се најде и оној со упатство за Дејан Ловрен како да сведочи. Ловрен својот исказ го даде на 1. септември, а тогаш рече дека на Мамиќ му позајмил пари кои ги добил од трансферот од Динамо во Лион во 2010. година. Одбраната на Мамиќ побарала документот да се повлече од записникот зашто таму се нашла „грешка“ и оти тоа се обични „белешки“. Меѓутоа, обвинителите тврдат дека на документот јасно се гледаат упатства за Ловрен како да сведочи зашто таму пишувало: „На евентуално прашање од УСКОК“, по што е наведен одговор. Судот веќе покрена кривична постапка против Мамиќ поради сомнение дека на лажно судење го наведувал и ѕвездата на Реал Мадрид, Лука Модриќ. Мамиќ на минатото рочиште беше исфрлен од судницата зашто му викал на судијата и се закануваше оти ќе изврши самоубиство ако биде прогласен за виновен.