здравко савески – Kurir.mk

Савески: Повеќе од 50 илјади луѓе се невработени, волкава бројка сме немале од 2012 година

Дарко Андоновски — Sat, 21 Nov 2020 19:02:57 +0000

Активистот Здравко Савески преку статус на Фејсбук пишува дека од 2012 година не сме имале толку голема невработеност. -Толку висока невработеност сме немале осум години, од 2012 година. Речиси 50.000 повеќе невработени се регистрирани во Агенцијата за вработување од почетокот на годината. Сега наградното прашање. 50.000 лица за македонски стандарди ви е големина на еден средно голем град. Зошто нема социјално незадоволство, првенствено од овие 50.000 луѓе што изгубиле работа?, стои во неговиот пост на Фејсбук.

Толку висока невработеност сме немале осум години, од 2012 година. Речиси 50.000 повеќе невработени се регистрирани во... Posted by Zdravko Saveski on Сабота, 21 ноември 2020

Савески: Шарената револуција е предадена и изневерена, заќутеа штом седнаа на фотелјите

Ивана Ефремовски — Thu, 12 Apr 2018 13:56:05 +0000

Здравко Савески, граѓанскиот активист, член на Левица и еден од најборбените учесници во протестите низ изминатите години, смета дека Шарената револуција покрената пред две години сега е изневерена бидејќи многу од тогашните заложби не се реализирани. Исто така тој забележува што многу од граѓанските активисти сега седнаа во владините фотелји. -Шарената револуција е предадена и изневерена. Но, колку и да е оправдано плукањето по оние што заќутеа штом седнаа на фотелјите, треба да се постави и прашањето: при толкава слепотија на толкав број луѓе дека СДСМ се нема променето и дека т.н. граѓански активисти работат во дослух со нив – па како е можно да се очекува дека Шарената револуција нема да биде предадена и изневерена?, прашува Савески на социјалните мрежи.

Савески од Левица: Богоевски не е независен пратеник, тоа е класична манипулација пред граѓаните

Курир — Tue, 23 Jan 2018 10:50:46 +0000

Во вечерашното гостување во емисија „Анализа“ на телевизија 24 Вести, членот на Левица, синдикалец и активист на Шарената револуција, Здравко Савески буквално го разобличи и лажниот револуционер и пратеникoт од редовите на СДСМ Павле Богоевски. Савески револтиран од власта рече дека таа е крајно арогантна и со леснотија ги троши парите на граѓаните. Савески рече дека Богоевски воопшто не бил солидарен како соборец и дека неговото наводно позиционирање како независен пратеник е класична манипулација пред граѓаните. - Наводно си независен пратеник, не знам некако твоето досие на гласање кажува дека баш и не си многу независен освен ако ти и сличните како тебе не сте му дале ново значење на терминот независен од типот на -дека ништо не зависи од вас, рече Савески. Павле Богоевски немаше одговор на ова и го премолче. Савески додаде дека тој и многу други активисти на така наречената шарена револуција и обичните граѓани на Република Македонија, освен ароганцијата што ја има владата на СДСМ не можат да ја поднесат и леснотијата во трошење народните пари, поставување на луѓе пријатели во органите на власта без конкурси, а доколку има конкурси тие се наместени, поставување на вицепремиер - крупен капиталист, кој треба да ја контролира економската политика во корист на газдите. - Значи ги имаме парите сме им ги зеле на граѓаните и сега ќе си ги трошиме како што сакаме. Тоа е нешто што многу граѓани разочарува, бидејќи тврдеа дека биле различни, кажа Савески. Савески во текот на дебатата истакна дека Левица е партија на сиромашните, работниците и обезправените, а дека моменталната власт на СДСМ е партија на крупниот капитал, потенцирајќи дека тој не прифаќа да служи на тие интереси. Според Савевски шарената револуција ја критикувала ВМРО-ДПМНЕ и дека тоа требало да продолжи и со актуелната власт, но дека тоа Богоевски, кој е сега во власта не го прави.