здравствен дом скопје – Kurir.mk

Ова се дежурните поликлиники во Скопје за време на празниците

Ивона Петрова — Fri, 30 Dec 2022 10:39:31 +0000

ЈЗУ „Здравствен дом на Скопје”-Скопје известува дека за време на Новогодишните празници ќе се грижи за здравствената состојба на граѓаните во текот на 24 часа. На 31.12.2022 година (сабота) во Поликлиника Букурешт ќе бидат дежурни специјалистичките служби од 08 до 16 часот . На новогодишната ноќ достапни ќе бидат дежурните ординации за здравствена заштита во трета смена, недела и празници во Поликлиниките Јане Сандански, Чаир, Ченто, Шуто Оризари, Ѓорче Петров, Драчево и Бит Пазар. Исто така со секојдневното работно време ќе функционира и единицата за домашно лекување. Поради претстојните прослави на Новогодишните празници, Службата за Итна медицинска помош ги дава следните: П Р Е П О Р А К И - Редовно земање на терапија кај хроничните болни, - Да се внимава со внес на храна кај оние лица кои се придржувале на Божиќниот пост, - Умерено користење на алкохолни пијалоци како би се избегнале несаканите последици-алкохолни труења, тепачки и сообраќајни незгоди, - Посебно се апелира до младата и малолетна популација за некористење на алкохолни пијалоци заради нискиот праг на толеранција кон алкохолот, - Воздржување од користење на разни пиротехнички средства и огнострелно оружје заради избегнување на несакани повреди, изгореници и други потешки последици.

Почнува вакцинацијата против сезонски грип

Ивона Петрова — Tue, 10 Nov 2020 06:12:14 +0000

Бесплатната вакцинацијата против сезонски грип почнува денеска во шесте поликлиники на територија на град Скопје и тоа во Ѓорче Петров, Букурешт, Чаир, Бит Пазар, Ченто и Јане Сандански во рамки на Здравствен дом Скопје. Вакцинацијата ќе се одвива секој работен ден во периодот од 14 часот до 19 часот, информираа за МИА од Здравствен дом Скопје. Министерството за здравство минатата недела соопшти дека вкупно се набавени 40.000 дози на четиритипни вакцини кои се наменети за бесплатна вакцинација на ризичните групи во кои спаѓаат стари лица на возраст над 65 години, лица со хронични заболувања, здравствени работници, бремени жени, деца на возраст од шест месеци до пет години. Вакцините се производ на француската фармацевтска компанија „Санофи Пастер“. Од Центарот за јавно здравје Скопје за МИА информираа дека кај нив денеска почнува и вакцинацијата против сезонски грип со комерцијални вакцини кои чинат 800 денари. Вакцинацијата со овие вакцини ќе се одвива секој работен ден од 07:30 часот до 18 часот. Комерцијални вакцини против сезонски грип набавија и центрите за јавно здравје во другите градови, каде ќе се врши вакцинирањето.

За велигденските празници 24 часовна здравствена заштита во дежурните ноќни пунктови на Здравствен дом Скопје

Катерина Бојаџиева — Fri, 06 Apr 2018 07:36:02 +0000

Во текот на престојните празнични денови службите на Здравствен дом Скопје ќе обезбедуваат 24 часовна здравствена заштита преку дежурните ноќни пунктови во поликлиниките Идадија, Ченто, Чаир, Ѓорче Петров, Бит пазар, Јане Сандански, Шуто Оризари, Драчево и Букурешт, информираат од Здравствен дом Скопје. Нагласуваат дека саботното дежурство на 7 април на сите специјалистички служби ќе се реализира во поликлиниката Букурешт од 8:00 до 16:00 часот и 24 часовна покриеност од Службата за Итна медицинска помош со домашно лекување. Од Здравствен дом Скопје им препорачуват на граѓаните поради изминатиот период на постење да внимааат со внесување на храна од животинско потекло и консумација на алкохол поради здравствени и безбедносни причини.

За велигденските празници 24 часовна здравствена заштита во дежурните ноќни пунктови на Здравствен дом Скопје

Катерина Бојаџиева — Thu, 05 Apr 2018 10:31:01 +0000

Итната медицинска помош со препораки до граѓаните за празниците

Ивона Петрова — Fri, 29 Dec 2017 13:05:16 +0000

Во пресрет на прославите за новогодишните и божиќните празници, службата за Итна медицинска помош упати препораки до граѓаните со цел да се избегнат несакани последици. Препорачува редовно земање терапија кај хроничните болни, лицата кои се придржувале на божиќниот пост да внимаваат со внес на храна, и умерено да се користат алкохолни пијалоци за да нема алкохолни труења, тепачки и сообраќајни незгоди. Посебно се апелира до младата и малолетна популација за некористење алкохолни пијалоци заради нискиот праг на толеранција кон алкохолот, како и да се воздржат од користење разни пиротехнички средства и огнострелно оружје заради избегнување несакани повреди, изгореници и други потешки последици. Службата за Итна медицинска помош со домашно лекување во состав на ЈЗУ „Здравствен дом на Скопје”-Скопје најавува дека за новогодишните празници ќе се грижи за здравствената состојба на граѓаните во текот на 24 часа. На новогодишната ноќ Итната медицинска помош ќе располага со 10 медицински тима и осум дежурни ординации за здравствена заштита во трета смена, недела и празници во поликлиниките „Јане Сандански“, „Чаир“, „Ченто“, „Шуто Оризари“, „Ѓорче Петров“, „Драчево“, „Идадија“ и „Бит Пазар“. Истовремено со секојдневното работно време ќе функционира и единицата за домашна посета. - Се надеваме на беспрекорно почитување и придржување кон дадените препораки како би можеле новогодишните празници да ги дочекаме во весело и пријатно расположение за сите, наведува Здравствен дом Скопје.