здравствени прописи – Kurir.mk

Стружанец не постапил според здравствените прописи, сега кривично ќе одговара

Ивана Ефремовски — Thu, 10 Feb 2022 15:51:15 +0000

ОВР Струга поднесе кривична пријава против А.Р.(27) од Струга, поради постоење основи на сомнение за сторено кривично дело „непостапување според здравствените прописи за време на епидемија“. На 16.01.2022, полициски службеници извршиле контрола и не го пронашле пријавениот во својот дом, со што не ги почитувал мерките изречени за заштита на населението од КОВИД-19.

Маж од Дебар ќе одговара за непостапување според здравствените прописи

Ивана Ефремовски — Wed, 29 Sep 2021 17:16:40 +0000

ОВР Дебар поднесе кривична пријава против Џ.А.(38) од Дебар, поради постоење основи на сомнение за сторено кривично дело „непостапување според здравствените прописи за време на епидемија“. При контрола на лица кои имаат решение за задолжителна самоизолација, извршена на 20.08.2021, полициските службеници не го пронашле пријавениот во неговиот дом со што постапил спротивно на законските прописи за заштита од коронавирусот.

Приведени три лица од Скопје, поради непостапување според здравствени прописи

Тале Кристо — Sat, 01 May 2021 09:57:43 +0000

На 30.04.2021 во 22.05. часот на ул.„Цветан Димов“ од страна на полициски службеници од Полициска станица Бит Пазар биле лишени од слобода Б.С.(48), Н.Х.(42), двајцата од Скопје и Т.Ј.(46), од с.Марино, скопско, поради непостапување според здравствените прописи за време на епидемија. Тројцата биле приведени во полициска станица и против нив ќе биде поднесена кривична пријава по член 206 од Кривичниот законик.

Пет косовски државјани ќе одговараат заради непочитување на здравствените прописи во Македонија

Ивана Ефремовски — Thu, 25 Mar 2021 14:11:07 +0000

Основното јавно обвинителство во Велес до Основен суд Велес поднесе Обвинителен предлог против 5 лица – косовски државјани за кривично дело – Непостапување според здравствените прописи за време на епидемија од чл.206 од Кривичниот законик. Обвинетите на 24.3.2021 година во 23:40 часот со автомобил се движеле по автопат Е-75, при што кај наплатната станица Виничани се сопрени и легитимирани од полициски службеници на СВР Велес.

Поведена постапка против четири лица од Гостивар, не постапиле според здравствените прописи

Тале Кристо — Tue, 23 Mar 2021 09:30:22 +0000

Основното јавно обвинителство Гостивар поднесе предлози за издавање казнени налози за четири лица кои го сториле кривично дело – Непостапување според здравствените прописи за време на епидемија од член 206 став 1 од Кривичниот законик и од Судот побара да им изрече парични казни во висина од по 100 дневни глоби. Обвинетите не ја почитувале забраната за движење на населението од 22:00 часот навечер до 5:00 часот наутро, односно не го почитувале полицискиот час .

Кривична пријава за двајца струмичани поради непостапување според здравствени прописи

Тале Кристо — Thu, 07 Jan 2021 13:35:45 +0000

Секторот за внатрешни работи Струмица до Основното јавно обвинителство – Струмица ќе поднесе кривична пријава против Л.К. (36) и Д.К. (44) и двајцата од Струмица, поради постоење основано сомневање дека сториле кривично дело „Непостапување според здравствените прописи за време на епидемија”, казниво по член 206 од Кривичниот законик, соопшти МВР. На 5 јануари во домот на првопријавениот во Струмица, организирале роденденска прослава на првопријавениот, на која присуствувале повеќе лица што е спротивно на Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од Ковид-19, предизвикана од вирусот SARS-COV-2, случаите и временскиот период на нивна примена. Од прославата, второпријавениот снимил видео содржини на кои се гледа присуство на повеќе лица и така снимените видео содржини ги дистрибуирал низ социјалните мрежи. Од страна на полициски службеници при СВР-Струмица, преземени се мерки за расчистување и документирање на настанот. Обезбедени се објавените видео содржини од организираната роденденска прослава, извршени се службени разговори, а се преземаат и дополнителни мерки за целосно расчистување на случајот, стои во соопштението.

Кривични пријави за две лица од Кочани поради непочитување на здравствените прописи за време на епидемија

Тале Кристо — Sun, 22 Nov 2020 16:57:38 +0000

Надворешната канцеларија за криминалистички работи Кочани поднесе кривична пријава против Т.Е.(44) и Л.Т.(42), двајцата од Кочани, за сторено кривично дело „непостапување според здравствените прописи за време на епидемија”. На 09.11.2020 Т.Е. и Л.Т., иако биле должни да ја извршуват мерката изолација во домашни услови, за што им биле издадени решенија, го напуштиле домот.

Кривични пријави против 3 лица поради непочитување на здравствени прописи

Магдалена Андонова — Thu, 20 Aug 2020 15:34:38 +0000

ОВР Ресен поднесе кривична пријава против М.А.(30) од Ресен, поради постоење основи на сомнение за сторено кривично дело ,,непостапување според здравствени прописи за време на епидемија“. На 14.08.2020 полициски службеници, при контрола во домот на пријавената утврдиле дека не ја почитувала потпишаната изјава за самоизолација. СВР Штип поднесе кривична пријав против Н.Н.(64) и С.Ј.(24), двете од Струмица, поради постоење основи на сомнение за сторено кривично дело „непостапување според здравствените прописи за време на епидемија“. На 10 и 15.08.2020 во домовите на пријавените, полициски службеници извршиле контроли за придржување на мерките за заштита од COVID- 19, но тие не биле затекнати во домовите, со што не ги почитувале мерките на изолација и лекување во домашни услови.

Вкупно 22 лица во Скопје обвинети за непочитување на здравствените прописи

Магдалена Андонова — Tue, 11 Aug 2020 10:55:53 +0000

Основното јавно обвинителство Скопје поднесе предлог за издавање казнен налог против две лица за кривично дело непостапување според здравствените прописи за време на епидемија од член 206 став 1 од Кривичниот законик. Обвинетите, соопштија денеска од Јавно обвинителство на Република Македонија, постапиле спротивно на Одлуката за забрана на одржување и собирање на масовни собири и настани на отворен и затворен простор од секаков вид, со која се опфатени и јавни и приватни собири. – Тие за верскиот празник Курбан Бајрам, во дворно место од семејна куќа, организирале семејна веселба на која биле присутни од 60 до 80 гости. За обвинетите, надлежниот јавен обвинител предложи парични казни од по 100 дневни глоби со поединечна вредност на дневната глоба од 25 евра во денарска противвредност, појаснуваат од Јавното обвинителство. Против две други лица, од кои едното е косовски државјанин, Основното јавно обвинителство Скопје поднело обвинителен предлог за кривично дело непостапување според здравствените прописи за време на епидемија од член 206 став 1 од Кривичниот законик. Спротивно на Одлуката и протоколите за отворање на угостителските објекти за исхрана, со кои се забранува организирање прослави во отворениот и затворениот дел од објектот, се подвлекува во соопштението, тие организирале прослава по повод веридбата на синот на еден од обвинетите во угостителскиот објект во сопственост на другиот обвинет. На прославата присуствувале околу 15 гости. Против 18 лица, пак, Основното јавно обвинителство Скопје поднело предлози за издавање казнени налози поради непочитување на Одлуката за забрана и посебен режим за движење на територијата на Република Македонија. – За време на тогаш важечкиот полициски час, лицата без дозвола се движеле на различни локации во градот. За овие обвинети до надлежниот Основен кривичен суд Скопје предложени се парични казни од 100 дневни глоби со поединечна вредност од 20 евра во денарска противвредност, соопштија од ЈО.

Поднесено обвинение за непочитување на здравствените прописи во хотел во Маврово

Магдалена Андонова — Mon, 27 Jul 2020 12:50:16 +0000

Основното јавно обвинителство Гостивар поднесе Обвинителен предлог против едно правно и едно физичко лице за кривично дело – Непостапување според здравствените прописи, информираат од ОЈО Гостивар. – Обвинетиот, како одговорно лице во правното лице – хотел во Маврово, на 6 јуни, спротивно на тогаш важечките прописи и упатства со кои беа определени мерки за спречување и сузбивање на заразна болест, дозволил присуство на гости во угостителскиот објект, соопштија од обвинителство. (MИА)