здравствени работиници – Kurir.mk

Денес истекува законски предвидениот рок за исплата на платата на здравствените работници и сите вработени во јавното здравство

Дарко Андоновски — Wed, 15 Feb 2023 19:47:46 +0000

Денес истекува законски предвидениот рок за исплата на платата на здравствените работници и сите вработени во јавното здравство, ова преку статус на Фејсбук го пишуваат од Комисијата за здравство на ВМРО-ДПМНЕ. „Веќе втора недела никаде во јавност не се појавија директорите на ФЗОМ да информираат што точно се случува и зошто не се преземени мерки за да биде спречено ова незаконско постапување на Фондот со кое здравствените работници останаа без финанскиски надомест иако тие беа хероите за време на пандемијата Вака ли државата се грижи за своите осигуреници кои редовно со години наназад плаќаат придонеси за здравствено осигурување за сега да не можат да добијат надоместоци за породилно трудниците и сите ранливи категории кои користат боледување Вака ли државата се грижи за своите херои Дали воопшто ФЗОМ ги исцрпи сите законски механизми за да не дојде до оваа ситуација каде има незаконско дејствие- неиспла на плата или повторно администрацијата нема ниту знаење ниту волја да решава проблеми, а последицата е денешнава слика која ја гледаме сите Зошто директорите не излезат јавно пред здравствените работници и целокупната јавност, туку се кријат позади наводни усни гаранции кои немаат никаква поврзаност со било каков законски основ Додека директорот Фатон Ахмети е надвор од државата ФЗОМ крахира, а здравствените работници надвор од законската легислатива не се исплатени за својот деноноќен труд. Што се случува со податоците на пациентите и здравствените работници, соработници и сите осигуреници или и за заштитеноста на овие лични податоци исто така има само усни гаранции и што е преземено за да спречи овој крах на ФЗОМ, има ли потврда од Агенцијата за заштита на лични податоци дека навистина податоците од здравствен и личен карактер се заштитени односно не е направена нивна злоупотреба или преземање До каде се преговорите со Синдикатите и зошто иако беше најавено медицинскиот персонал од целата држава и јавноста останаа покуси за одговори зошто не го добија ветеното покачување од ноември минатата година Доколку имаа знаење, беа кадарни и професионални и ако сакаа да решаваат проблеми, можеше да се реши и овој проблем што ни се случува денес, но незаинтересираноста и неспособноста е повторно причина за нерешавање проблеми Со заминување на оваа неспособна власт, новата Влада предводена од ВМРО-ДПМНЕ веднаш ќе постави систем со кој ќе се гарантира дека здравствените работници навремено и во законски предвидениот рок ќе ги добиваат своите плати, а осигурениците навремено ќе ги добиваат надоместоците. Посебен механизам за заштита и контрола на податоци веднаш ќе биде воспоставен со цел нивна заштита“, стои во нивниот пост на Фејсбук.

„Политика“: Српските здравствени работници ќе се вратат на работа од одмор само со ПЦР-тест

Дарко Андоновски — Thu, 15 Jul 2021 05:58:42 +0000

Болниците во Србија почнаа да воведуваат правило според кое здравствените работници кои не биле вакцинирани или не се заразиле со коронавирусот, мора да донесат негативен ПЦР-тест при враќањето од одмор, што ќе го платат сами, пишува Политика. Весникот наведува дека мерката ќе важи до септември, затоа што здравствените власти стравуваат дека некој може да го донесе вирусот во болница по враќањето од странство. „Во исто време, се верува дека многумина нема да сакаат да одвојат 9.000 динари за тестирање, дека ќе го променат својот став и дека сепак ќе одлучат за вакцината“, додава Политика. Освен оние кои биле вакцинирани и оние кои го прележале вирусот, од оваа мерка се исклучени и лекарите на кои не им е дозволено вакцинирање поради комплицирана здравствена состојба или ја примиле првата доза. Здравствените работници кои ќе ја игнорираат таа мерка ќе мора да одат на дисциплинска комисија, како и дека може да сносат кривична одговорност доколку заразат пациент.

НА НЕФРОЛОГИЈА 32 ЗДРАВСТВЕНИ РАБОТНИЦИ ЗАРАЗЕНИ СО КОРОНАВИРУСОТ – еве колку од нив се хоспитализирани

Магдалена Андонова — Thu, 04 Feb 2021 15:23:27 +0000

Во моментов 32 здравствени работници од Клиниката за нефрологија се заболени со Ковид-19, информираа за МИА од Министерството за здравство. Двајца од нив се хоспитализирани на Клиниката за инфективни болести и фебрилни состојби, а еден техничар е хоспитализиран на Клиниката за кожни болести. -Работењето на Клиниката за нефрологија се одвива регуларно и нема никаков застој во извршување на тековните обврски. За сите кои отсуствуваат има дополнителен кадар кој го надополнува отсуството, посочуваат од Министерството. (МИА)