здравство – Kurir.mk

Патувајте во Истанбул бесплатно со Здравствен Информативен Центар „Медикал Караџи Турс“ и консултирајте се со врвни специјалисти во болница Мемориал!

Super Admin — Thu, 26 Oct 2023 06:05:58 +0000

Здравствениот информативен центар-ЗИЦ „Медикал Караџи Турс“ заедно со групацијата Меморијал болници со задоволство им даваат можност на сите пациенти кои сакаат да се консултираат со специјалисти од светска класа за нивниот здравствен проблем, да имаат БЕСПЛАТЕН ПРЕВОЗ и ПРОМОТИВНА ЦЕНА СО ПОПУСТ ЗА НИВНИОТ ПРЕГЛЕД. При назначување на ДОПОЛНИТЕЛНИ прегледи од страна на специјалист, пациентите ќе имаат можност да добијат попуст на цената доколку одлучат да ги направат на лице место. Пациенти со: • Онколошки заболувања за консултација со медицински онколог • Очни болести • Ортопедски заболувања • Естетска хирургија • Баријатриска хирургија • Гастроентерологија • Општа хирургија • Пет Скен • Неврохирургија • Трансплантација на бубрег – црн дроб И ЗА СИТЕ ДРУГИ КОНСУЛТАЦИИ И ИСПИТУВАЊА ЗА ВАШИОТ ЗДРАВСТВЕН ПРОБЛЕМ. ШТО ДОБИВАТЕ: • Бесплатен превоз Македониа – Турција – Македонија • Промотивна цена со попуст за преглед / консултација со специјалист од избрана област и попуст на дополнителни прегледи. Сите оние кои сакаат да патуваат мора да ги исполнуваат следниве услови: За медицинската документација однапред ќе се разговара со координатор од Здравствен Информативен Центар „Медикал Караџи Турс“ и доколку има потреба ќе се преведе на англиски јазик. Karaci Tours International ќе се погрижи за логистиката на пациентите и ќе обезбеди нивно удобно и безбедно патување. Пациентите ќе бидат придружувани од координатор на Здравствен Информативен Центар „Медикал Караџи Турс“, кој ќе се грижи за нивниот душевен мир и ќе ги информира за се што им е потребно во текот на патувањето. Програма: На 12 ноември - поаѓање наутро во 06 часот од Гостивар - Автобусот ќе се движи по релација: Гостивар- Тетово- Скопје- Велес- Неготино – Демир Капија- Гевгелија. Слободно време(пауза) во Текирдаг за шопинг, ручек и сл. Ноќевање во регионот на Истанбул, 35 евра по лице, на 13 ноември прегледи во болница Мемориал, враќање на 13 ноември во вечерните часови околу 20 часот, возење во текот на ноќта. ПОНУДАТА НЕ ВКЛУЧУВА: • Лични трошоци • Дополнителни услуги и истражувања Потребни документи за преминување на граничните премини Македонија – Турција: • Патна исправа ( Пасош валиден над 6 месеци ) • За лица под 18 години кои патуваат со еден родител, заверено полномошно од другиот родител. • Патничко осигурување • Karaci Tours International може да им помогне на пациентите да добијат патничко осигурување - контактирајте ги координаторите на Здравствен Информативен Центар-ЗИЦ „Медикал Караџи Турс“ за повеќе информации. Турција-Македонија: • Патна исправа (Пасош валиден над 6 месеци) Искористете ја можноста навреме да се информирате за вашите здравствени проблеми и да ги добиете најдобрите опции за нивно решавање! Сите заинтересирани за повеќе информации и пријавување можат да се јават во Здравствен Информативен Центар-ЗИЦ „Медикал Караџи Турс“: ☎ +389 71 314 005 и за сите други дополнителни прашања.

Министерот Меџити: Заедничките служби на Клинички центар ништо не работат, а сите 66 директори треба да се разрешат!

Ивана Ефремовски — Tue, 17 Oct 2023 16:32:50 +0000

Приорите од првиот ден ми е спојување на клинички центар, што како пример и референтен центар ми е Словенија и Љубљана како клинички центар, истите жители, истата географска големина. Ние не сме ни по паметни, ни побогати од нив и мислам дека треба да следиме нив, не треба да откриеме топла вода, вели министерот за здравство Фатмир Меџити од денешната седница на Анкетната комисија за случајот си клиниката за онкологија, во македонското Собрание, додавајќи дека ние сме земја која што има 66 директори на еден метар квадратен. Меџити истакна дека овие 66 директори на универзитетските клиники во Клиничкиот центар во Скопје треба да се разрешат и дека треба да се укине и Службата за заеднички работи која во изминатиот период ништо не работи освен што од година во година ги зголемува долговите. „Јас сум за тоа дека треба да се тргнат овие директори и сите тие јавни набавки да бидат на ниво на еден заеднички клинички центар а не со Заеднички служби кои ништо не работат, не ги знаат одговорностите, само се загубари и од година во година ги зголемуваат долговите. Затоа ова е конкретна јасна мерка и во иднина ќе видите дека ова ќе биде реалност и како ќе се справиме со сите овие нерегуларности и за кои и јас потполно се согласувам“, рече министерот Меџити.

Д-р Трајановски: Здравството во Куманово не може и не треба да биде маргинализирано од централната власт

Тале Кристо — Sat, 07 Oct 2023 11:00:35 +0000

Здравството во Куманово не може и не треба да биде маргинализирано од централната власт, вели Д-р Стефан Трајановски. Во кумановското јавно здравство има мал број на рентгенолози, анестезиолози, специјалисти по трансфузиона медицина, а воопшто нема торакален, васкуларен или неврохирург. Во однос на дијагностичките процедури нема магнетна резонанца, додека едниот апарат за компјутерска томографија е неисправен, поради што долго се чека на термин за преглед и за дијагностика. ВМРО-ДПМНЕ има знање и капацитет и ќе иницираме проекти за проширување на здравствени услуги кои ги пружа и Општа болница Куманово и Здравствен дом Куманово. Ќе иницираме пополнување на недостатоците во кадровските и техничките капацитети.

Комисија за здравство на ВМРО-ДПМНЕ: Нема лекови за лицата со карцином, граѓаните ја губат довербата во здравствениот систем

Ивана Ефремовски — Wed, 13 Sep 2023 09:22:46 +0000

До Комисијата за здравство на ВМРО-ДПМНЕ постојано пристигнуваат информации за недостиг на лекови, а некои лекови воопшто и ги нема. Засегнатите страни информираат дека нема неколку лекови што се даваат на лица со карцином. Некои се еден вид на хемотерапија таргет терапија, а дел од нив се традиционална хемотерапија, велат од партијата. Во продолжение следува интегрален текст од соопштението на Комисијата за здравство на ВМРО-ДПМНЕ Или нема од следниве лекови на Клиниката за онкологија и радиотерапија: 1.Pemetrexed, таргет терапија и еден вид на хемотерапија. 2.Palbociclib е хемотерапија која е таргетирана терапија и која се дава за одредени видови на канцер. 3.Sandostatin, не е хемотерапија, но се користи кај одреден вид на карциноми. И додека нема терапија за болните од рак, нема ниту информација во врска со скандалот на Онкологија, а со тоа дополнително граѓаните ја губат довербата во здравствениот систем, исто така се губи и довербата во останати институции кои се вклучени во расчистување на скандалот. Министерството за здравство треба да одговори што презема за да ги корегира овие недостатоци. Треба да одговори кои од модерните цитостатици се на позитивна листа за која толку многу Министерот за здравство се фалеше. Зошто од воведувањето на биолошката терапија во 2018 година на Онкологија, Владата не ги адаптира системите на следење за оваа скапа терапија. Дали некој од Власта на СДСМ бил директно заинтересиран да се акумулира енормен долг од 20 милиони евра на оваа клиника.

Комисија за здравство на ВМРО – ДПМНЕ: Молк и втора недела од скандалот Онкологија

Тале Кристо — Mon, 11 Sep 2023 08:42:35 +0000

Пациентите и нивните семејства се жалат дека ниту во моментов ја нема потребната современа терапија за сите пациенти кои што имаат потреба. Според најавите оваа терапија требаше да биде и на позитивна листа за овие дијагнози и покрај тоа што четири министри за здравство неколку години по ред ветуваа дека ќе има нова модерна позитивна листа и најсовремени лекови за болните од канцер на истата. Наместо да најде решение директорката се крие зад вработени на Клиниката кои според неа „ќе одлучувале" за терапија. Директорката е должна да даде одговори: 1. Што има преземено за да има терапија за сите? 2. Зошто се молчи за недостигот на терапија? 3. Кои конкретни чекори ги преземал менаџментот таа како менаџер за да има терапија за сите пациенти кои имаат потреба? Пропустите се резултат на системската долгогодоишна негрижа која очигледно стана пракса кај повеќке категории пациенти исто како и кај пациентите со цистична фиброза, дијабетичарите и други. Затоа клучно е прашањето: 1. Кој ќе одговара за нееднаквиот третман на пациентите и свесното поткопување на јавното здравство токму од институциите кои треба да се грижат и обезбедат терапија за пациентите?

Независниот синдикат на здравствените работници бара покачување на платите, во спротивно најавува протести

Ивона Петрова — Sun, 10 Sep 2023 10:35:26 +0000

Покачување на платата на здравствените работници за 30 проценти, нов колективен договор, бенефициран стаж на вработените во итна медицинска помош, рендген и психијатриските болници, додатокот за инфекција да се зголеми на 4 проценти и итна трансформација на договорите од определено, на неопределено време, бара Независниот синдикат на здравствените работници. Националниот координатор на Независниот синдикат на здравствените работници при Конфедерација на синдикалните организации на Македонија (КСОМ), Боби Бојчевски, на денешната прес-конференција посочи дека се во контакт со останатите синдикати од здравство за организирање протест и доколку по 20 септември нема одговор на нивните барања, ќе излезат на улица. - Здравствените работници се донесени на маргините на живеење и едноставно се дискриминирани. Здравството е дојдено на последната скалила на живеење. Затоа ќе повикаме сите заедно, сите сплотено да излеземе да си ги побараме правата за нормален живот во оваа држава. Повторно ќе пратиме известување до министерство и влада, ако нема одговор, не останува ништо друго, туку на улица, изјави Бојчевски. Просечната плата на околу 25 илјади здравствени работници во земјава, истакна Бојчевски е под просечната во државата, посочувајќи дека почетната платата на здравствените работници е 20 700, на докторите е од 32 до 35 илјади, а специјалистите максимум до 45 илјади. - „Белите мантили“ се со крај на трпение. „Белите мантили“ излегуваат на улица, нагласи Бојчевски. Полош колективен договор од моменталниот во здравството, според Бојчевски, не постоел. Независниот синдикат има околу 2 500 членови и бараат да бидат присутни на разговорите. На новинарско прашање дали Синдикатот ги поддржува протестите за Онкологија, Бојчевски рече дека тие како Независен синдикат ги поддржуваат протестите, нагласувајќи дека и тој лично и други биле на протестите. - Утрешниот протест, исто така, го поддржуваме. Не може еден здравствен профитер, тие 10, 20, 30 луѓе да ги црнат другите 25 илјади вработени во здравствениот систем. Ние го осудуваме случајот, ги поддржуваме протестите и лично ќе бидеме присутни, изјави Бојчевски.

„Министерот најавува реформа на големо, а во делот на лекови се сведува на пет лека или пет генерики“

Ивана Ефремовски — Fri, 25 Aug 2023 17:00:17 +0000

Наместо термин само за кај специјалист, сега ќе имаат и термин за кај матичен, реагира Комисијата за здравство на ВМРО-ДПМНЕ. „РЕФОРМА НА ПЗЗ ПО ТЕРК НА МЕЏИТИ Министерот најавува реформа на големо, а во делот на лекови се сведува на пет лека или пет генерики 1.Карведилол 2.Лосартан 3.Станини(или познати како лекови за маснотии во крвта) 4.Левотироксин 5.Флутиказон И наместо реформа граѓаните добија, уште еден термин Наместо термин само за кај специјалист, сега ќе имаат и термин за кај матичен“ - велат тие.

ВМРО-ДПМНЕ: Неспособност на дело – со СДС и ДУИ стана пракса лекови да се набавуваат откако ќе почине пациент

Ивана Ефремовски — Thu, 10 Aug 2023 06:34:02 +0000

Од Владата на СДС и ДУИ граѓаните трпат само штети. Почина пациентка од треска што ја пренесуваат крлежи, на вработената од Инфективна и се влошува состојбата. Здравствените власти се само политички циркузанти., реагираат од ВМРО-ДПМНЕ. -Здравствените власти без одговори. А треба многу одговори. Дали е точно дека директорката е на одмор и ако е точно каков е тој директор што кога вакво нешто се случува не го прекинува одморот? Каде е министерот за здравство да излезе во јавност или и тој е на одмор? Реагирала ли Комисијата за интрахоспитални инфекции и што е преземено од нивен аспект? Кога веќе зборуваат за етика, најпрво да одговорат дали во работата со вакви пациенти се инволвира доволно обучен персонал, дали ова е етички и кој ќе одговара за тоа? Очигледна и типична, а богами и заразна е неодговорноста на одговорните по функција, ама не и во пракса, од директор до министер, се наведува во партиското соопштение. „Само неодговорност, затоа избори и крај на оваа неодговорност“ - порачуваат од ВМРО-ДПМНЕ.

Николов: Оваа Влада не прави ништо за здравството, се однесува арогантно и кон медицинскиот персонал и пациентите

Ивона Петрова — Mon, 19 Jun 2023 17:51:22 +0000

Македонија кубури со секаков вид на медицински кадар. За медицинскиот кадар нема континуирана обука. Претходно престојуваа во познати здравствени центри и искуството го пренесуваа во Македонија. Но, сега од тоа нема ништо. Сите заминуваат или во приватно или во странски здравствени центри, рече доктор Игор Николов, претседател на Комисијата за здравство на ВМРО-ДПМНЕ на гостување во емисијата За или против што се емитува на телевизија Алфа. Според Николов има повеќе модели да се задржи медицинскиот кадар, но оти не се прави ништо од актуелната Влада. „Моделите за зачувување на кадарот ние ги разгледуваме како Комисија за здравство. Еден е давање стипендии за специјализации на пример. Потоа ќе бидат обврзани знаењето да го применуваат во нашите здравствени институции. Второ, мора да има протоколи за пренос на знаење. Една процедура да не ја прави еден тим, туку да подготвува и друг тим“, вели Николов. Тој укажа и на праксата со тоа што заминуваат лекари некои процедури да не се прават во јавното здравството. „Бевме сведоци, процедури и искуство од јавно да се префрлат во приватно здравство или услугите се преместени од приватното во јавното здравство се разбира за оние кои можат да платат, а здравството треба да е достапно за сите. Граѓаните плаќаат здравствено осигурување“, посочи доктор Николов. Николов укажа дека е исклучително лоша состојбата и за пациентите говорат лошите извештаи на Државниот завод за ревизија. „Ако ДЗР нотира дефицит на лекови, застарена позитивна листа тоа се знае за што зборува. Но можеби евентуално некому ова му одговара. Но трпат граѓаните“, рече Николов. Николов се осврна и на фактот што нема лекови ниту за лицата со ретки болести. „Се прават некои напори, но тоа воопшто не е доволно. Или сите пациенти речиси имаат проблем не само оние со цистична фиброза, туку и лицата со дијабет за нив исто нема од новите лекови, онколошките пациенти исто се соочуваат со проблем и за нив нема нови лекови“, рече Николов укажувајќи дека она што се гледа е само едно арогантно однесување кога станува збор за здравството, или и за медицинскиот персонал и за пациентите.

Доктор Николов ги открива стратешките грешки на владата во здравството: Долги листи за чекање на интервенции, намалена грижа за пациентите…

Ивана Ефремовски — Tue, 23 May 2023 17:47:30 +0000

Прва стратешка грешка е одлуката да се прекине готов проект на Клинички центар и лажните ветувања дека ќе направат нов Клинички центар, таму некаде без план, без проект. Еден од најголемите проблеми кои ни ги посочуваат граѓаните во секојдневните наши средби се долгите листи за чекање за интервенции посебно по ковид 19 односно неможноста да дојдат до здравствена услуга, истакна доктор Игор Николов, претседател на Комисијата за здравство на ВМРО-ДПМНЕ. Неговиот став го пренесуваме во продолжение: За ова никој не презема мерки со цел да се намалат листите на чекање - ова се дел од моите поенти од вчерашната трибина во Струмица, посветена на рестартирање на здравствениот систем во рамки на акцијата „Ова е Македонија за сите". Имаме намалена грижа за пациентите со малигни заболувања - не е ставен во фунција нитуеден од трите акцелератори ниту оној на Kлиниката за онкологија, ниту оној во ГОБ “8 Септември” и ниту пак во Клиничката болница Битола, а сите се набавени пред 2017 година. За овие пациенти има континуиран недостиг на терапија. Нема ленти за дијабетес иако ветувањето беше дека дијабетичарите ќе се лекуваат со модерни лекови. Ова се само дел од погрешните стратегии кои ги видовме во здравството во изминатиот период и за кои нема корективни мерки, а проблемите само се заташкаа без преземање мерки за нивно отклонување. Веднаш по доаѓањето на власт на ВМРО-ДПМНЕ ќе преземеме активности за отклонување на неправилностите со кои секој ден се соочуваат пациентите.