ждрепка – Kurir.mk

Попладне ждрепка за ЛШ: Можна спектакуларна група со великани за – последен пат! (ФОТО)

Ристе Здравков — Thu, 31 Aug 2023 08:14:29 +0000

Европскиот фудбалски крем денеска од 18 часот со нетрпение ќе ја чека ждрепката за најпрестижното натпреварување, Лигата на шампините, за последен пат со ваква ждрепка, со 32 учесници и осум групи и нова можност за „група на смртта“ со великани во неа. Од идната година ЛШ се менува, ќе има ждрепка само за кој со кого ќе игра во единствената група со 36 учесници, нема повеќе да има ждрепка со групи, па присуството на еден куп фудбалски великани, после синоќешното комплетирање на квалификациите, е најава за суперинтересна сезона во битката за најпожелниот клупски трофеј. Според распоредот на четирите барабани, ждрепката може да спои група на смртта со Баерн Минхен, Реал Мадрид или Манчестер јунајтед, Милан и многу амбициозниот Њукасл, како најспектакуларна за гледање. Или ПСЖ со истите ривали од вториот до четвртиот барабан. Распоредот на клубови по барабани сигурно ќе донесе неколку извонредни групи, еден куп суперпресметки од 19 септември до декември за сите фудбалски сладокусци, а Македонија ќе има еден претставник со „дијамантот“ Елиф Елмас со Наполи кој од првиот барабан ги чека ривалите за својата нова европска сезона, во која влегува како италијански шампион. Европскиот трон го брани Манчестер сити, Шпанија е најбројна со пет екипи после освојувањето на Лига Европа од страна на Севилја, белградска Црвена Звезда е единствениот клуб од поранешните ју-простори, а со Галатасарај и Шахтер единствени од источниот блок. Финалето е закажано за 1 јуни на „Вембли“ во Лондон.

Осминафинална жрепка во Лига Европа и Лигата на конференции

Дарко Андоновски — Fri, 24 Feb 2023 08:41:35 +0000

Во седиштето на УЕФА во Нион денеска со жрепка ќе бидат одредени двојките за осминафиналето во второто и третото по ранг европско клупско натпреварување, Лига Европа и Лигата на конференции. За точно напладне е закажана осминафиналната жрепка во Лига Европа, а еден час подоцна ќе бидат одредени и двојките за осминафиналето во Конференциската лига. Осумте победници во групната фаза во Лига Европа (Арсенал, Бетис, Фенербахче, Ференцварош, Феенорд, Фрајбург, Реал Сосиедад и Унион Сент – Жил) изборија директен пласман и се одредени за носители, а преку плејоф натпреварите кои беа комплетирани синоќа им се приклучија Јувентус, Баер Леверкузен, Спортинг, Севиља, Унион Берлин, Манчестер јунајтед, Рома и Шахтјор Доњецк. Првите натпревари ќе се играат на 9 март, а реваншите се на програмата една недела подоцна. Финалето во Лига Европа ќе се игра на 31 мај на „Пушкаш Арена“ во Будимпешта. Во Конференциската лига директен пласман во осминафиналето обезбедија Вест Хем, Ница, АЗ Алкмар, Слован Братислава, Виљареал, Ѓургарден, Башакшехир и Сиваспор, а преку плејофот им се приклучија Андерлехт, Гент, АЕК Ларнака, Фиорентина, Лацио, Базел, Лех и Шериф. Првите натпревари се на програмата на 9 март, а реваншите на 16 идниот месец. Финалето во Конференциската лига ќе се одигра на 7 јуни во Прага.

Извлечена жрепката за клупското СП во фудбал

Дарко Андоновски — Fri, 13 Jan 2023 13:09:57 +0000

Во фудбалската академија „Мохамед VI“ во градот Сале денеска се одржа жрепката за Светското клупско првенство, кое од 1 до 11 февруари ќе се одигра во Мароко. На Светското клупско првенство во организација на ФИФА ќе настапат седум екипи, победници на најсилните континентални натпреварувања (Реал Мадрид, Фламенго, Казабланка, Сиетл, Оукленд), африканскиот вицешампион Ал Ахли и претставникот од Азија (Ал Хилал). Клупското СП ќе биде отворено со дуелот меѓу Ал Ахли и Оукленд, а победникот во четвртфиналето ќе игра против првакот на КОНКАКАФ, Сиетл, додека подобриот од таа пресметка во полуфиналето го чека европскиот шампион Реал. Во вториот дел од жрепката е јужноамериканскиот шамопион Фламенго, кој во полуфиналето ќе игра против победникот од дуелот меѓу Казабланка и Ал Хилал. Финалето и натпреварот за третото место се на програмата на 11 февруари. Сите натпреварите ќе се играат во мароканските градови Рабат и Тангер. Титулата лани ја освои Челзи, совладувајќи го во финалето бразилски Палмеирас. Најмногу светски клупски титули има Реал – 7, по што следуваат Милан и Баерн со по четири трофеи.

Македонија денеска ги добива ривалите на патот кон ЕВРО 2024!

Магдалена Андонова — Sun, 09 Oct 2022 08:00:46 +0000

Дојде денот кога Македонија ќе ги добие своите ривали против кои ќе се бори да избори пласман на ЕВРО 2024 година во Германија. Од моментот кога селекторот Благоја Милевски пристигна на кормилото на репрезентацијата, укажува на тоа дека националниот тим се подготвува за овие квалификации кои ќе стартуваат во мај, а денеска во 12 часот во Франкфурт ќе дознаеме со кои репрезентации ќе ги одмериме силите. Силни и атрактивни ривали, или репрезентации со кои може да се надигруваме и да бараме позитивен резултат? Тоа е вечната дилема кога станува збор за македонскиот национален тим, но факт е дека никогаш преку регуларни квалификации Македонија не успеала да се пласира на едно големо натпреварување. Единствениот настап на ЕВРО 2020 беше преку Лигата на Нации, кога со победата над Грузија во Тбилиси, македонската селекција обезбеди учество на ЕП, досега единствено. Холандија, Шпанија, Италија, Белгија, Англија, Франција… се дел од селекциите од европскиот „крем“ кои може да се паднат, но има тука и селекции кои може да се минат, па дури и во првиот шешир како Унгарија, Полска, Швајцарија, а од вториот Чешка, Велс, Израел, БИХ, Шкотска… Македонија се најде во четвртиот шешир, и не може да игра против селекциите на Грузија, Грција, Турција, Казахстан, Луксембург, Азербејџан, Косово, Бугарија и Фарски Острови. Може да имаме група и со шест репрезентации, доколку бидеме во една од групите со толку селекции, односно да треба да се влече од шестиот шешир каде што се Андора, Сан Марино и Лихтенштајн. Нашиот млад офталмолог е лидер на тимот кој откри успешна формула за подобрување на видот. Еве како... Репрезентацијата на Русија е исклучена од ждрепката. Нашиот млад офталмолог е лидер на тимот кој откри успешна формула за подобрување на видот. Еве како... 1.ШЕШИР: Холандија, Хрватска, Шпанија, Италија, Данска, Португалија, Белгија, Унгарија, Швајцарија, Полска. 2. ШЕШИР: Франција, Австрија, Чешка, Англија, Велс, Израел, БИХ, Србија, Шкотска, Финска. 3. ШЕШИР: Украина, Исланд, Норвешка, Словенија, Р. Ирска, Албанија, Ц. Гора, Романија, Шведска, Ерменија. 4. ШЕШИР: Грузија, Грција, Турција, Казахстан, Луксембург, Азербејџан, Косово, Бугарија, Ф. Острови, МАКЕДОНИЈА. 5. ШЕШИР: Словачка, С. Ирска, Кипар, Белорусија, Литванија, Гибралтар, Естонија, Летонија, Молдавија, Малта 6. ШЕШИР: Андора, Сан Марино, Лихтенштајн.

Украина побара исфрлање на руската репрезентација од ждрепката за квалификациите за ЕП 2024

Дарко Андоновски — Thu, 15 Sep 2022 10:40:39 +0000

Претседателот на Украинската фудбалска асоцијација (УАФ) Андриј Павелко го искажа неговиот став во врска со можното учество на руската репрезентација на ждрепката за Европското првенство во 2024 година. На 10 септември УАФ побара од ФИФА и УЕФА да го откажат пријателскиот натпревар меѓу репрезентациите на Русија и Босна и Херцеговина. Натпреварот е закажан за 19 ноември во Санкт Петербург. – Одлуката на УЕФА формално се однесува само на официјалните натпревари. Затоа, ова им овозможува на руските фудбалски функционери да преговараат за евентуално одржување на пријателски натпревари. Но, Украинскиот фудбалски сојуз веднаш реагира на ваквите обиди. Сè уште не е донесена официјална одлука за овој натпревар. Но, правиме сè што е можно за да не се одржи натпреварот. Сега правиме напори и на ниво на УЕФА, чија цел е да обезбедиме Русија да не учествува на ждрепката за квалификациите за ЕП 2024, што треба да се одржи на 9 октомври во Франкфурт на Мајна. Слични активности преземаме и во однос на двата пријателски натпревари на женските селекции на Србија У-17 и Русија У-17, кои треба да се одржат на Балканот во октомври, изјави Павелко на официјалната веб-страница на УАФ. Ждрепката за квалификацискиот циклус за ЕП 2024 година ќе се одржи на 9 октомври 2022 година во Франкфурт.

Бугарскиот селектор задоволен од жрепката во Лигата на нации

Тале Кристо — Fri, 17 Dec 2021 08:45:31 +0000

Како „исклучително добра“ бугарскиот селектор Јасен Петков ја оцени жрепката во Нион која за противници на неговите фудбалери во Лигата на нации им ги донесе македонската, грузиската и репрезентацијата на Гибралтар. Петков во изјава за официјалниот сајт на Бугарската фудбалска федерација истакна дека целта на неговиот состав ќе биде да го освои првото место во групата 4 во рамки на Ц-дивизијата. – Мислам дека жрепката за нас е исклучителни добра, без притоа да потценуваме ниту еден од противниците, бидејќи не сме во таква позиција. Задоволни сме, целта ние е да го освоиме првото место. Имаме респект кон сите противници и ќе биде потребно максимално да се подготвиме, изјави Петков. Поради Мундијалот 2022 во Катар, третото издание на Лигата на нации ќе се одигра во забрзано темпо, со четири кола во јуни и завршните две во септември. -Ќе треба да одиграме четири натпревари во серија, и тоа за нас ќе биде предизвик, но ќе бидеме подготвени, додаде бугарскиот селектор. Победниците во четирите групи во Ц-дивизијата ќе изборат промоција во Б-лигата за следната сезона, додека последно пласираните ќе играат бараж за опастанок.

Ждрепката за осминафиналето од ЛШ закажана за 13 декември

Ивона Петрова — Thu, 09 Dec 2021 09:47:09 +0000

Ждрепката за осминафиналето од најсилното европско клупско натпреварување, Лигата на шампионите, ќе се одржи на 13 декември во 12 часот. Екипите, традиционално, ќе бидат поделени во два шешири, во едниот ќе бидат победниците на групите, додека, во другиот второпласираните екипи од секоја од осумте групи. Во групата на носители се Манчестер Сити, Ливерпул, Ајакс, Реал Мадрид, Баерн (М), Манчестер Јунајтед, Лил и Јувентус. Овие екипи нема да можат да играат меѓусебно,и за противници ќе имаат некоја од второпласираните екипи кои се во вториот шешир: ПСЖ, Атлетико Мадрид, Спортинг, Интер, Бенфика, Виљареал / Аталанта, Салцбург и Челзи. Првите натпревари се закажани за 15/16/22/23 февруари, а реваншите на 9/8/15/16 март. Почетокот е во 21 часот по средноевропско време. Ждрепката за четвртфиналните, полуфиналните и финалето е во петок на 18 март.

Во Женева попладне ќе бидат извлечени групите во Лигата на шампионите

Тале Кристо — Thu, 01 Oct 2020 06:44:49 +0000

Европската фудбалска федерација попладне ќе изврши ждрепка за групната фаза во Лигата на шампионите. Ќе бидат формирани осум групи со по четири екипи. Од 32. екипи, 26 се пласираа директно во групната фаза, а уште шест беа одредени според резултатите во квалификациските натпревари. По четири претставници ќе имаат Шпанија, Англија, Италија и Германија, Франција и Русија по три, Украина два, а по еден тим во елитното натпреварување доаѓа од Португалија, Белгија, Холандија, Австрија, Турција, Данска, Грција и Унгарија. Трофејот ќе го брани Баерн Минхен. Почетокот на извлекувањето е закажано за 17 часот.

Вардар ќе биде носител во ждрепката во ЛШ

Тале Кристо — Mon, 22 Jun 2020 18:13:26 +0000

Македонскиот шампион Вардар заедно со Веспрем, ПСЖ и Барселона ќе бидат носители на претстојната ждрепка за групната фаза во ракометната Лига на шампиони. Ждрепката ќе се одржи на 1 јули во Виена, а „црвено-црните“ ќе се најдат во првиот шешир. Двата најдобри тима од секоја група директно ќе се пласираат во четвртфиналето, додека екипите со пласман од трето до шесто место ќе разигруваат меѓу себе за преостанатите четири места за 1/4-финалето. Новата кампања ќе се игра во нов формат со по две групи од по осум тимови, а две екипи од иста земја не можат да се најдат во иста група. Шешир 1: Вардар, Веспрем, Барселона, ПСЖ. Шешир 2: Кил, Киелце, Алборг, Порто. Шешир 3: Мешков Брест, Мотор, Нант, Пик Сегед. Шешир 4: Целје, Загреб, Елверум, Фленсбург.

Извршена жрепка за прелиминарниот круг во Лигата на шампионите

Дарко Андоновски — Tue, 11 Jun 2019 12:37:49 +0000

Во седиштето на УЕФА денес беше извршено извлекување на двојките за мини-турнирот во Приштина преку кој ќе биде одреден еден патник за првото квалификациско коло во Лигата на шампионите. Како што објави УЕФА, во полуфиналето ќе играат: Фероникели (Косово) – Линколн Ред ИМПС (Гибралтар) и Тре Пене (Сан Марино) – Санта Колома (Андора). Полуфиналињата се закажани за 25 јуни, додека финалето ќе се игра на 28 јуни. Сите натпревари ќе се одржат во главниот град на Косово на стадионот „Фадил Вокри“