Зеќир Рамчиловиќ – Kurir.mk

„ДКСК треба да испита дали Зеќир гласа како СДСМ ќе му каже, а Спасовски му ги вработува најблиските во МВР“

Тале Кристо — Wed, 24 Aug 2022 07:09:51 +0000

Зеќир Рамчиловиќ треба да одговори дали од позиција на пратеник на СДСМ, издејствуивал членови на неговото семејство да добијат две вработувања во МВР во рок од 3 години?!, велат во партиското соопштение од ВМРО-ДПМНЕ. Дали овие вработувања на сопругата и синот се резултат на неговото гласање за промена на името и на бугаризацијата? Како тоа во услови на илјадници други невработени лица, токму неговата сопруга и неговиот син биле најкомпетентни за овие вработувања во МВР? Во услови кога огромен број Бошњаци во Македонија, но и Македонци, Албанци, Турци, Срби, Власи, Роми и останати едвај врзуваат крај со крај, за семејството на Рамчиловиќ нема зима. Тој добива народни пари како пратеник, а тие добиваат народни пари како нововработени во МВР. Изгледа рецептот е “Зеќир гласа како СДСМ ќе му каже, а Спасовски вработува негови најблиски“. ДКСК треба да се позанимава со овој случај и да поведе истрага. Овде постои основано сомнение за злоупотреби и влијание, се вели во партиското соопштение на ВМРО-ДПМНЕ.

Пратеникот од власта Рамчиловиќ откако си ја вработи сопругата, се пофали дека и синот станал полицаец (ФОТО)

Катерина Бојаџиева — Sun, 21 Aug 2022 09:24:32 +0000

Пратеникот Зеќир Рамчиловиќ кој гласаше ЗА уставни измени, откако си ја вработи сопругата во МВР, сега се пофали дека и неговиот син станал полцаец. Од тука, се поставува прашањето дали вработувањата доаѓаат како награда за гласањето за уставните измени?! Јавноста има потврден одговор на ова прашање! Сопругата на пратеникот Рамчиловиќ веќе неколку години работи во Министерството за внатрешни работа, т.е. во Секторот за внатрешни работи како самостоен советник во писарница, што според систематизацијата на МВР, работното место на Мерсида Рамчиловиќ е релативно висока позиција во писарницата. Рамчиловиќ неодамна се произнесе и за правичната застапеност потенцирајќи дека е несоодветна за помалкубројните заедници. За подеднаква и правична застапеност на етничките заедници во државната администрација, треба да се земе во предвид процетуалната етничка застапеност кај резидентното население истакнува директорот на Државниот завод за статистика Апостол Симовски. Но, не се сите задоволни како оваа застапеност се остварува. Според независниот пратеник Зеќир Рамчиловиќ, правичната застапеност беше добро замислена идеја со цел за целосна интеграција на сите етнички заедници и еднакви можности при вработување во јавниот сектор, која прерасна во обврска, но во однос на помалкубројните заедници, вклучително и за Бошњаците не ги даде очекуваните резултати. – Ова се должи и на малиот процент на заедниците, при што за воопшто да биде вработен на пр. некој Бошњак институцијата треба да има над сто вработени. Што значи дека во најголем број од институциите, во плановите за работа, скоро да нема можност за нивно вработување. Дополнително се прави и злоупотреба со балансерот при изјаснување за етничка припадност. Лично се залагам за промени во начинот на вработувањата во јавниот сектор, изјави за весникот ВЕЧЕР Рамчиловиќ. За потсетување, Зеќир Рамчиловиќ беше еден од пратеници кои на социјалните мрежи го искажаа својот став дека немаат намера да гласаат за уставните измени и да одат против волјата на граѓаните, но набрзо по ваквата изјава, си го погази зборот и гласаше ЗА уставни измени. Он е меѓу осуммината народни избраници на ВМРО-ДПМНЕ кои во закнодавниот дом го погазија својот став и гласаа „ЗА“ уставни измени. По гласањето, партијата на вонреден извршен комитет донесе одлука пратениците на ВМРО-ДПМНЕ кои ги поддржаа уставните измени да бидат веднаш исклучени од партијата. Во јавноста пак, на големо се коментира дека ваквите вработувања доаѓаат како награда за гласањето за уставните измени.

Стојкова Стефановска до Шкриељ и Рамчиловиќ: Очигледно немаат капацитет да ги разберат моите обраќања, не е лесно да си предавник

Магдалена Андонова — Sat, 16 Jul 2022 19:35:44 +0000

Јас сум доктор на науки од областа на културната антропологија и УНЕСКО-ов експерт за нематеријално културно наследство. Моето образование и етички кодекс како научник и професор налага, пред сE, почитување на културната разноликост и културните експресии. Етничката и културна разновидност е најубавиот атрибут на Македонија, а моето почитување кон различните култури и етнички заедници во Македонија сум го покажала на дело и со резултати, стои во Фејсбук објавата на пратеничката Велика Стојкова Стефановска која е од редовите на ВМРО-ДПМНЕ. Таа напиша дека жали што нејзините колеги пратеници од пратеничката група на СДС Санела Шкријељ и Зеќир Рамчиловиќ очигледно немаат капацитет да ги разберат нејзините обраќања, а во конкретниов случај јасно беше кому се обраќаше бидејќи говорот има и јасна гестикулација. - Идентитетот може да биде етнички, религиозен, родов, политички, социјален, културен... Во овој случај „збунетиот идентитет“ се однесуваше на сите пратеници од ПГ на СДС кој денес предавнички и безсрамно се откажаа од македонскиот идентитет. Ќе ја разберам колешката Санела Шкријељ, неодамна влезе во парламентот, но за Зеќир Рамчиловиќ, кој втор пат врши предавство на Македонија, не разбирам со кој ли ум измислува нешто што не е ниту помислено. Е не е лесно да си предавник, додава таа во својот Фејсбук статус.

Здравковски до Рамчиловиќ: Дали сте свесен дека со вашата поддршка немаме уште вакцини

Дарко Андоновски — Thu, 11 Mar 2021 21:04:05 +0000

Игор Здравковски од ВМРО-ДПМНЕ преку статус на Фејсбук му се обрати на Зеќир Рамчиловиќ и го праша јавно неколку прашања. -Почитуван колега Зеќир Рачиловиќ , затоа што сакате да се занимавате со тоа кој што бил, немате храброст да се произнесете до крај во однос на вашите ставови, па бришете коментари, јас тука ќе Ве спомнам како што беше во веќе избришаните коментар. Почитуван колега, бидете маж до крај и пишете кој какво државјанство има, па да лапнете една тужба за клевета, а од парите од пресудата јас и Вие заедно ќе отидеме во с. Горно Оризари и ќе ги дадеме на граѓаните сите до денар. Ќе одиме онаму каде што Вие лично лажевте и ветувавте брда и долини. Почитуван Зекире дали знаеш дека жителите на Оризари живеат од помошта од Виена? Дали знаеш дека улиците си ги асфалтираат сами? Дали знаете дека нема реконструирано 1 метар канализациона или водоводна мрежа? Дали знаете дека нема стадион ниту пренамена на старата училишна зграда? Додека тука на фб продавате демагогии, дали знаете дека нема 5 ново вработени Оризарци во институциите иако се најбројна етничка заедница во општината после Македонците? Дали знаете дека и нивните сточари и земјоделци имаат исти проблеми како и сите останати? Дали не се срамите што коските на Сеад Кочан му скапуваат по затвори? Дали знаете дека пред два дена почина човек од Горно Оризари заразен со КОВИД-19 на 55 годишна возраст? Дали знаете дека со Вашиот глас и поддршка на оваа неспособна влада не гласавте за подобрување на условите во велешката болница, иако имаше амандман за набавка и инсталација на систем за кислородна поддршка? Дали сте свесен дека со Вашата поддршка немаме уште вакцини и можеби бројката од 3244 починати до вчера можеби ќе беше далеку помал? Јаден сте Зекире... Или можеби е побитно за сметка на се ова жената да биде вработена во МВР, а Вие да се палите на постови на Красимир Каракачанов кој не собра храброст да се извини на Еврејската заедница затоа што пред 78 години неговите предци испратија повеќе од 7000 Евреи во Треблинка? Најмалку што треба да направите Зекире е да ги избришете постовите затоа што немате право Вие да зуцнете по ниеден основ од горенаведените, стои во неговиот пост на Фејсбук.

Почитуван колега Zećir Ramčilović , затоа што сакате да се занимавате со тоа кој што бил, немате храброст да се... Posted by Игор Здравковски on Четврток, 11 март 2021

Рамчиловиќ: Најголемите негативни работи за Бошњаците и муслиманите се направени од левичарските партии!

Ивана Ефремовски — Tue, 10 Mar 2020 12:16:39 +0000

Најголемите негативни работи за Бошњаците и воопшто муслиманите се направени од страна на власта предводена од левичарските партии во Македонија говореше своевремено Зеќир Рамчиловиќ кој на претходните избори стана пратеник како дел од коалицијата предводена од ВМРО-ДПМНЕ, на овие избори се најде на листата на СДСМ на 10 место во Изборната единица 3. Рамчиловиќ соработката со СДСМ ја започна откако гласаше за уставните измени за промена на името на Република Македонија и беше дел од т.н. осумка независни, а потоа ги напушти и нив и беше награден со потпретседателското место во Собранието. Лојалноста кон Заев и СДСМ на Рамчиловиќ не изостана и при гласањето за законот за јавно обвинителство, па затоа и не е зачудувачки што сега се најде на пратеничка листа на СДСМ, анализира ВЕЧЕР. Воедно во овој период стигна и уште една награда, кога медиумите објавија дека неговата сопруга е вработена во Министерството за внатрешни работа, т.е. во Секторот за внатрешни работи како самостоен советник во писарница. Но, да се потсетиме каков став имаше Рамчиловиќ за СДСМ и Зоран Заев и какви ставови тој сега застапува. Имено тој во интервју за порталот „TE SHESHI“ од Албанија, во декември 2016, насловено како „Зошто сум во „десница“, а не во „левицата“ на Заев“ изјави дека најголемите негативни работи за Бошњаците се направени од левицата, а не им ја заборави и територијалната поделба кога беше укината единствената општина Житоше која веќе имаше над 20% Бошњаци. Целата вест прочитајте ја на ВЕЧЕР

Вчера гласаа за уставни измени, а еве што пишуваа пратениците Исмајлоска, Рамчиловиќ и Александрова пред неполн месец

Ивона Петрова — Sat, 20 Oct 2018 11:28:48 +0000

Нола Исмајлоска-Старова и Зеќир Рамчиловиќ беа првите двајца пратеници кои на социјалните мрежи го искажаа својот став дека немаат намера да гласаат за уставните измени и да одат против волјата на граѓаните. Набрзо со статус на Фејсбук истиот став го искажа и пратеничката Емилија Александрова. Сите тројца вчера го погазија својот збор. -Како што се приближува 30 септември се почесто Референдумот е тема на разговор. Во кампањата ја побарав вашата поддршка и чувствувам одговорностд а го споделам својот став. Како пратеник, моја должност е да го почитувам Уставот и да бидат гласот на оние кои ме избрале. Никој не е над волјата на народот, затоа што функцијата треба и мора да биде гласот на луѓето кои живеат во Република Македонија. Верувам во вашата мудрост и немам намера да бидам против вашата одлука на 30 септември, објави Исмајлоска - Старова на Фесјбук додавајќи дека нема да гласа за уставните измени. Втор кој се огласи на социјалните мрежи беше пратеникот Зеќир Рамчиловиќ. -Како припадници на бошњачкиот народ за нас е прифатливо решение само доколку истото е прифатено до мнозинството на македонскиот народ и од мнозинството на сите македонски граѓани. Приоритетот го даваме на македонскиот народ, а потоа на сите македонски граѓани затоа што како Бошњаци сме дел и од нација на друга држава. А, особено што ние Бошњаците сме доживеале и промена на име од Босна во Босна и Херцеговина, промена на име на јазик од босански во земаљски, потоа во српско-хрватски, па и забрана за изјаснување како Бошњаци се до 28 септември 1993 кога ги вративме сите елементи на нашиот идентитет, напиша Рамчиловиќ. -Како народен претставник непосредно избран да ги застапува граѓаните во Собранието, имам дадено свечена изјава дека ќе го почитувам Уставот и ќе ги бранам интересите на Република Македонија. Како пратеник, немам ниту мандат, ниту овластување, а ни лична намера, да гласам за било какви измени во Уставот со кои би се променило уставното име на мојата татковина - Република Македонија, пишуваше пратеничката Емилија Александрова. Овие тројца пратеници се меѓу осуммината народни избраници на ВМРО-ДПМНЕ кои вчера во закнодавниот дом го погазија својот став и гласаа „ЗА“ уставни измени. По гласањето, партијата на вонреден извршен комитет донесе одлука пратениците на ВМРО-ДПМНЕ кои ги поддржаа уставните измени да бидат веднаш исклучени од партијата. Ваквата одлука доцна синоќа на прес-конференција ја соопшти партискиот лидер Христијан Мицкоски.

Рамчиловиќ: Образованието, особено високото образование не е приоритет на СДСМ

Дарко Андоновски — Sat, 14 Apr 2018 11:30:00 +0000

Образованието, особено високото образование не е приоритет на СДСМ. Зоран Заев и СДСМ тоа го покажа со отфрлањето на конструктивните амандмани на ВМРО ДПМНЕ на вчерашната комисија за образование, ова на денешната прес-конференција го објави Зеќир Рамчиловиќ од ВМРО-ДПМНЕ. -Со овој чекор СДСМ не му прави штета на ВМРО-ДПМНЕ, туку им прави штета на студентите, професорите и на образованието во целина. ВМРО-ДПМНЕ подготви и предложи измени кои требаше да го подобрат решението и кои значат развој на образованието во насока на приближување до европските стандарди. Еден од сегментитети кои беа опфатени, а беа опфатени со нашите амандмани беше финансирањето во предложениот закон кое не е до крај дефинирано, ниту во однос на Универзитетот, ниту во однос на коефициентот на платите на наставниот и соработничкиот кадар, што кога ќе се земат во предвид платите на универзитетските работници споредено со други далеку подобро платени позиции во општеството, ја прави сферата на високото образование за жал неконкурентна и непривлечна за вработување на млади кадри, потенцира Рамчиловиќ. Тој додава дека платите на просветните работници во Македонија се меѓу најниските во регионот, а наставниците, за разлика од административците, не добиваат никакви други поволности. Наставниците не добиваат надоместоци за својата прекувремена работа која неретко се одвива и за време на викенд. Амандманот за законски утврдена висина на плати во член 183-а предвидуваше:

Нето платата на помлад асистент на факултет е во висина од една и пол нето плати исплатени во Република Македонија во минатата година.
Нето платата на асистент на факултет е во висина од три просечни нето плати.
Нето платата на доцент на факултет во висина од четири просечни нето плати
Нето платата на вонреден професор на факултет е во висина од четири и пол просечни нето плати.
Нето платата на редовен професор на факултет е во висина од пет просечни нето плати исплатени во минатата година во Република Македонија.

-Односно предложивме загарантирана нето плата за помлад асистент во висина од околу 36 000 денари, за асистент во виснина од околу 72 000 денари. За доцент на факултет предлагаме нето плата во висина од околу 96 000 денари. За редовен професор предлагаме нето плата во висина од околу 120 000 денари, додека за вонреден професор во висина од околу 108 000 денари. Затоа, цениме дека ако овој предлог закон може да ја регулира платата на директор на Агенција за Квалитет кој ќе добива три просечни плати во Македонија, тогаш треба да се утврди и висината на платите на наставниот и соработничкиот кадар во високото образование и тие да добијат плата по европски терк, рече Рамчиловиќ. Тој вели и дека образованието во целина не преставува приоритет на Владата предводена од СДСМ говори и фактот што СДСМ наместо зголемување, постојано крати средства од буџетот. -Лани СДСМ, по само еден месец власт одлучија да го скратат Буџетот наменет за образование за 1,5 милијарди денари. Ако се земе предвид владеењето на ВМРО-ДПМНЕ од 2006-та година до 2017 во континуитет го зголемуваше Буџетот за образование, за од некогашните 13 милијарди денари во време на СДСМ, да дојде на 25 милијарди денари во 2017 година, средства кои подеднакво се инвестираа во сите сфери на образовни. Да потсетам дека во време на владата предводена од ВМРО-ДПМНЕ оваа ставка растеше во континуитет. Ова е само еден дел од конструктивните амандмани на пратеничката група на ВМРО-ДПМНЕ кои произлегуваат од реалните состојби во оваа област. ВМРО-ДПМНЕ стои зад своите предлози, бидејќи тие се издржани и се во насока на унапредувањето на образованието во Македонија, како еден од темелите кој ја гарантира иднината и развојот на државата. Жалиме што СДСМ немаше слух ниту за потребите, ниту за барањата на јавноста и се одлучи на ваков недемократски потег со кој се оневозможува унапредување на образованието, преку подобрување на текстот на предлог законот за високо образование, истакна Рамчиловиќ.

Промоцијата на книгата „Македонија во Географијата на Ал-Идриси“

Даниел Василев — Mon, 02 Apr 2018 14:07:10 +0000

Промоција на книгата „Македонија во Географијата на Ал-Идриси“ од авторот Зеќир Рамчиловиќ од Институтот за национална историја и актуелен пратеник во Собранието на Република Македонија ќе се одржи утре во салата за промоции во „Порта Македонија“. Почетокот на промоцијата е закажан за 12 часот. Промотори се Академик проф. д-р Драги Ѓоргиев и проф. д-р Благоја Марковски, а модератор на трибината е Проф. д-р Лидија Ѓурковска. Книгата е во издание на Институтот за национална историја и Здружението Диван од Скопје, а со финансиска подршка на Министерството за култура на Република Македонија.