желби – Kurir.mk

Одвојте време за себе: Колку е важно за врската да се посветите на сопствените желби и навики

Ристе Здравков — Wed, 06 Jul 2022 10:51:50 +0000

Романтичните врски кои прераснаа во взаемна посветеност се убава работа. Имате романтичен партнер и во исто време најдобар пријател кој е секогаш тука за вас и се почитувате, поддржувате и се советувате. Се ставате на прво место. Сепак, постои здрава граница во романтичните врски што дозволува таа врска да се одржува, а тоа е личниот простор што треба да го имате и двајцата. Без ова, вашата идила лесно може да се сруши, бидејќи премногу се фокусиравте еден на друг и целосно се запоставивте себеси. Ги запоставивте своите хоби, ритуалите кои ве правеа среќни, постојано правевте компромиси и на крајот заборавивте се што е само ВАШЕ. Со текот на времето, кога ќе го сфатите ова, можете да забележите како, освен на вашето лошо расположение, тоа влијаело и на емоциите меѓу вас двајца. Ова се работите на кои треба да внимавате за да ја зачувате индивидуалноста во врската. 1. Најдете време за работите кои најмногу ве прават среќни Дали имате хоби во кои уживавте, а кои сега паднале од вашиот приоритет или список со желби? Додека планирате состаноци со вашиот партнер, одвојте време и за работите што сакате да ги правите. Ако сакате да потрошите, на пример, еден час неделно правејќи нешто што е само за вас, известете го вашиот партнер за тоа. Во здрава врска и во нормална врска, единствениот одговор што треба да го добиете е оној што е поддршка. Времето што го поминуваме одвоено од партнерот всушност може да додаде многу богатство на вашето време заедно. 2. Знајте дека „време на само“ не мора да значи буквално тоа Може да ги вклучи и пријателите и семејството – едноставно е вашето време што сте го одвоиле да го потрошите како што сакате. Без разлика дали станува збор за кафе со близок пријател или за викенд патување за да го посетите вашиот брат или сестра кој живее во друг град, имате право да поминувате време со другите сакани доколку тоа ви ги наполни батериите. Лоша работа е ако партнерот бурно реагира кога ќе му кажете дека времето ќе го поминувате со други, а не со него. 3. Имајте на ум дека и вашиот партнер може да сака некој личен простор Ако сметате дека ви треба личен простор во врската, знајте дека и вашиот партнер може да го чувствува истото. Имајќи го тоа на ум, кога зборувате дека ви треба време сами, прашајте го партнерот како се чувствува. Потоа разговарајте за начините како намерно да го вклучите времето што сте разделени во вашите распореди, така што кога ќе се вратите заедно, ќе имате нови авантури за кои треба да си раскажувате.

Ањели: Во време на пандемија клубовите треба да се потпираат на желбите на навивачите

Тале Кристо — Mon, 08 Mar 2021 14:18:03 +0000

Претседателот на Јувентус, Андреа Ањели, зборуваше за тоа како се сменил фудбалот за време на пандемијата на коронавирус. – Заедничката работа ни овозможи да ја завршиме сезоната 2019/2020 и да ја започнеме следната. Но, проблемите поврзани со коронавирусот сè уште остануваат. Фудбалот мора да се смени. На стадионите сè уште нема навивачи. Треба да работиме на организирање спектакуларни натпревари, во спротивно ќе ги загубиме нашите навивачи. Затоа, разговараме за оваа насока со УЕФА. Треба да ги ставиме навивачите во центарот на вниманието. Сегашниот систем не е погоден за современите навивачи, го цитира „Фудбал Италија“ Ањели. Јувентус е еден од неколкуте европски фудбалски гиганти кои има голем број навивачи низ целиот свет.

ФОТО: Пејачката и водителка Бојана се пошегува со сопругот, му ги откри детските желби

Ивона Петрова — Sun, 23 Aug 2020 14:13:51 +0000

Македонската пејачка и водителка Бојана (Атанасовска) Скендеровски убавото и топло време го користи заедно со семејство да ужива на одмор. Таа на социјалните мрежи таа објави фотографија од нејзиниот сопруг кој заедно со ќеркичката се разладуваат во вода седнати на гума за пливање. -Кога имаш неостварени желби од детство, после вака ќе правиш, напиша Бојана и симпатично се пошегува со сопругот. Нејзината посилна половина сигурно одлично се забавува и како вистински татко на својата мала принцеза и ги исполнува желбите за водени лудории.

Ѓорѓиевски: Нема да дозволиме да го загрозите животот на народот само за да ги задоволите болните желби на Заев

Тале Кристо — Mon, 01 Jun 2020 17:11:16 +0000

Периодот со пандемијата кој се сметаше за ,,пик" не го коментирав, бидејќи јас и моето семејство, како и сите граѓани на Република Македонија, строго и посветено ги почитувавме мерките за заштита од коронавирусот и апелите на здравствените работници за сериозноста од истиот. Тоа значи неизлегување од дома, без дружење со пријатели и што помал контакт со моите родители. Држењето до мерките на сите граѓани беше сѐ до моментот кога Филипче, Караџовски и цела Комисија одлучија да одат по паметот на Зоран Заев и прогласат победа над пандемијата, реагира членот на ИК на ВМРО-ДПМНЕ Орце Ѓорѓиевски. Во продолжение ви ја пренесуваме целата објава Ѓорѓиевски. И сега вие од власта не можете и не смеете да се криете зад народот и да барате вина во него, бидејќи не тој - вие бевте тие кои прогласија победа. Не ви е крив ниту Наќе Чулев, ниту претседателот Мицкоски што вие сте неспособни, затоа што не тие - вие бевте тие кои вчера голораки и со маска под нос делеа флаери и го поткупуваа народот. Напротив, треба да сте му благодарни што не прифати брзи избори и со тоа го заштити целото население. Ако Мицкоски и ВМРО се ширачи на корона и се виновни, сега ние ќе бевме во карантин, не врвот на СДСМ. Логично, нели? Вие, СДСМ, го ставите цел македонски народ во безизлез, што од пандемијата, што од осиромашување и сега сакате да го носите во смрт само поради спас на вашите фотелји и одговорност преку брзи избори. Но, одговорност ќе има. Овојпат ќе има. Сега е време за оставка од целата Комисија за заразни болести и формирање на нов тим од експерти, а не политичари. Ако сакавте да правите политичар од Караџовски можевте да го ставите на пратеничка листа, а не да прави експерименти врз народот по насока на врвот на партијата. Ние сакаме избори на кои ќе броиме гласови, а не позитивни тестови на корона. Разберете дека нема да дозволиме да го загрозите животот на народот само за да ги задоволите болните желби на вашиот лидер Зоран Заев. На крај, почитувани граѓани на Република Македонија, сакам да ви порачам да се чувате затоа што сме оставени сами на себе и на оваа власт ѝ е приоритет личниот профит, а не ние, народот. Почитувајте ги мерките затоа што вирусот сѐ уште е присутен и тој не бира вера, нација ниту политичка партија.

Дрво на желбите: Изберете плод и дознајте дали ќе се исполни вашата желба

Предраг Кукиќ — Fri, 12 Apr 2019 18:37:37 +0000

Замислете желба, пронајдете го својот број и дознајте дали ќе се оствари вашата желба. Кој плод го избравте? 1. Имате адекватна самодоверба, вашата желба со сигурност ќе се исполни, зошто сте упорни и ќе дадете сѐ од себе за сонот да стане јаве. 2. Вие сте енергична личност и сигурни во себе. Не верувате во судбина, туку дека сте сами креатори на сопственит живот, и подготвени сте да направите сѐ што треба за да го исполните сонот. Ова се однесува на сѐ, дури и на оние нешта кои изгледаат нереално, вие можете тоа да го остварите. 3. Вие сте тип на луѓе кои се навикнати да живеат и да дејствуваат во согласност со околностите. За жал, тие често се одлучуваат да „се движите по течението на вода”, затоа не се обидувајте да ја промените својата судбина, иако сте во можност да го сторите тоа. Обидете се да бидете повеќе ориентирани кон целта, да верувате во себе и вашите способности – исите желби може да се остварат. 4. Вие сте многу „строга“ личност како спрема тие околу вас така и спрема себе. Ако сакате нешто, не се откажувате и со сета сила се трудите да го остварите замисленото. Не се откажуваје, одите кон вистинскиот правец. 5. Вашата импулсивност често ви е пречка во остварување на вашите цели. Не се брзајте себеси ниту другите околу себе, вдишете и издишете и вашата желба со сигурност ќе се исполни ако успорите и се ослободите малку. 6. Во животот сте многу среќна личност, но понекогаш и мрзеливи. За да ви се исполни желбата мора да превземете нешто и да се движите кон целта, остварување на желбата. 7. Вашата желба ќе се исполни, само потребно ви е време, бидете трпеливи. 8. Изгледа како секогаш да сте фокусирани на исполнување на вашата желба. Заборавете на неа и престанете да се оптоварувате со тоа и едноставно опуштете се и резултатот ќе го видите за кратко време. 9. Вашата желба наскоро ќе се исполни, а после тоа ќе се прашувате „како е возможно“. 10. Бидете скромни со желбите, можеби барате премногу. Замолете го универзумот за некоја поскромна желба и ќе ви се исполни. 11. Вашата желба сѐ уште не ви е исполнете само поради една причина: немате вложено никаков напор за нејзино остварување. 12. Вашата желба е скоро исполнета.

Ќе ви се исполнат желбите: Се верува дека јули е волшебен месец, а посебно овие датуми

Катерина Бојаџиева — Thu, 05 Jul 2018 14:22:59 +0000

Нашите предци ги сакале прославите и обичаите кои ги правеле како би се сочувале од несреќа и болести, барајќи ја на тој начин милоста на боговите. Пролетта и летото секогаш биле резервирани за разни ритуали, а посебно волшебни биле јули и август кога го славеле собирањето на макотрпната работа. Ова се датумите кои во јули ќе бидат посебно волшебни и значајни: 12 јули- Не очекува Петровден, за кој се врзани интересни ритуали. Би требало рано да станете и уживате во зрaците на сонцето кое излегува. Познат е обичајот на берење цвеќиња, од кои се прават венчиња. Додека го плетете венецот, замислувате желба, а истиот треба да го чувате во куќата, додека желбата не ви се оствари. Емотивно неисполнетите лица треба да наберат цвеќе, да го стават на перница и така да преспијат. 20 јули- Во словенската митологија ова важи за Перунов ден, па можете да му обратите за сила и да го замолите за три желби. Се верува дека кој на тој ден поседи под даб, ќе добие сила и добро здравје за време на годината. 29 јули- Се советува да се набере жито, да се врзе во сноп со црвена лента, а потоа да се стави во некој агол на куќата. Ова наводно ќе го заштити вашиот дом од лоша енергија.

Пред нас е посебна ноќ: За да ви се исполнат желбите направете го ова пред полноќ

Катерина Бојаџиева — Fri, 26 Jan 2018 17:41:44 +0000

Според календарот на МПЦ (Јулијанскиот календар) денеска е 13 јануари. Денеска е Св. маченици Ермил и Стратоник. Овие двајца маченици пострадаа во близина на Сингидунум, денешен Белград, во 315 година. Свети Ермил бил ѓакон кој многу се прославил со добродетелниот живот. Штом чул за него, императорот Ликиниј наредил да го затворат. Ноќта во затворот стражарот Стратоник го видел Ермила како разговара со еден ангел, по што се обратил и поверувал во Христа. Наредниот ден Ермил бил ставен на маки. Гледајќи како го измачуваат, Стратоник не можел да ги задржи солзите, со што било откриено неговото обраќање. После жестоко измачување и двајцата биле удавени во Дунав. Овој ден се празнува и како денот пред Богојавление, па некаде се верува и дека пред полноќ, како и пред Богојавление, треба да се помолиме на овие маченици. Се верува дека моќта на овие светители прави чуда, односно дека пред нас е ноќ кога секоја желба се исполнува.

Новогодишни верувања: Пред полноќ направете го ова и ќе ви се исполнат најголемите желби

Дарко Андоновски — Sun, 31 Dec 2017 11:09:34 +0000

Едно такво веривање е да ставите 12 ливчиња со 12 желби испишани на секое од нив под перницата. Наредното утро извадете три ливчиња, се верува дека оние желби кои ќе ги извчечете ќе ви се исполнат во текот на годината. Друго новогодишно верување е да ставите 4 карти со ликот на крал под перницата и да преспиете. Наредното утро извлечете една карта, ако извлечете крал лист, тоа значи дека вашиот избраник ќе биде постар. Ако е крал детелина, тоа значи дека ќе има брак зад себе. Ако е крал срце означува некој помлад од вас , а а ко пак е крал баклава тогаш тоа че биде некој што го познавате.