зелен пазар – Kurir.mk

Контроли на Бит Пазар, Зелен Пазар и пазарите во Тетово и Ченто: Запленети пиротехника и режан тутун кои нелегално се продавале (ФОТО)

Катерина Бојаџиева — Mon, 30 Oct 2023 19:46:09 +0000

Денеска (30.10.2023) полициски службеници од Одделот за криминалистичка полиција- Сектор за економски криминал и корупција и Одделот за сузбивање на организиран и сериозен криминал во координација со царински службеници од Секторот за контрола и истраги при Царинската управа и Државниот пазарен инспекторат на повеќе локации во Скопје спроведоа мерки и активности за сузбивање на криумчарење на акцизна стока и избегнување на давачки за продажба на режан тутун и производи од тутун без акциза и платени давачки. При контролата на Бит Пазар во Скопје констатирано е дека повеќе физички лица на импровизирани тезги вршат недозволена продажба на режан тутун, а со тоа избегнуваат плаќање акциза, како и поголема количина на пиротехнички средства, кои се одземени и по целосно документирање на случаите против лицата ќе бидат поднесени соодветни пријави, како и глоби од пазарните инспектори. Голема количина режан тутун и цигари се одземени и од пет физички лица кои вршеле продажба на импровизирани тезги пред зелениот пазар во Тетово, како и кај две лица на пазарот во населбата Методија Андонов Ченто во Скопје. На Зелен пазар во Скопје пак се одземени околу 180 килограми режан тутун, за што исто така ќе следуваат соодветни поднесоци.

Скопјани нападнати кај Зелен пазар

Ивана Ефремовски — Wed, 14 Sep 2022 14:53:29 +0000

На 13.09.2022 околу 12:50 часот во Полициската станица Центар, И.З.(69) и Н.Н.(65), двајцата од Скопје, пријавиле дека околу 12:35 часот во близина на Зелен пазар, Скопје биле физички нападнати од Т.С.(50) од Скопје. По целосно документирање на случајот ќе биде поднесен соодветен поднесок.

Мицкоски: Инфлацијата е катастрофална, ММФ потврди дека ќе имаме најголема инфлација во регионот, власта е неспособна да се справи и треба да се повлече од институциите

Магдалена Андонова — Wed, 20 Oct 2021 12:32:39 +0000

Инфлацијата е катастрофална иако тоа владата не го признава. Според меѓународниот монетарен фонд ние ќе имаме најголема инфлација во регионот, изјави претседателот на ВМРО-ДПМНЕ; Христијан Мицкоски одговарајќи на новинарски прашања за време на денешната посета на „Зелен пазар“ во Скопје со кандидатката за градоначалник на Центар, Наташа Котлар. Мицкоски додаде дека оваа влада ги исцрпи сите капацитети и можности кои ги имаше на располагање, затоа за да се спаси државата треба да се повлечат од институциите кои ги раководат и на тој начин ќе остават простор на луѓе кои се компетентни. - Тука на пазарот видовме и слушнавме дека цените одат нагоре, а куповната моќ на граѓаните оди надолу. Инфлацијата е факт и единствен лек за да се спречи е овие луѓе кои се уште се во институциите да ги напуштат истите, изјави Мицкоски. Мицкоски истакна дека власта не само што не е способна да се справи со инфлацијата во Македонија, туку не е способна да се справи и со енергетската криза која ни претстои.

На автобуската кај Зелен пазар украл пари, картички и документи од едно лица па го фатиле – поднесено обвинение против 54. годишник

Магдалена Андонова — Thu, 27 May 2021 11:18:12 +0000

Основното јавно обвинителство Скопје поднесе Обвинителен предлог против едно лице за кривично дело – Кражба од член 235 став 1 од Кривичниот законик. Обвинетиот 54-годишник, на 19 мај, на автобуската постојка кај Зелен пазар во Скопје, одзел паричник во кој имало пари, банкарски картички и други документи, со што на едно лице му нанел вкупна штета од околу 2.950 денари. По кражбата, обвинетиот бил фатен од полициски службеници, кои кај него го пронашле паричникот. Јавниот обвинител до Основниот кривичен суд Скопје достави и предлог за продолжување на определената мерка притвор за обвинетиот.

Мицкоски на средба со пазарџиите од Зелен пазар

Ивона Петрова — Tue, 09 Feb 2021 09:10:25 +0000

Претседателот на ВМРО-ДПМНЕ, Христијан Мицкоски денеска ќе го посети Зелен пазар при што ќе оствари средба со пазарџиите. По завршување на средбата ќе биде дадена изјава за медиуми.

Зелен Пазар и околните згради утре без струја

Ивона Петрова — Fri, 02 Oct 2020 09:13:48 +0000

Од ЕВН Македонија АД известуваат дека на ден 03.10.2020 година ( Сабота ) без електрична енергија ќе останат: - во периодот од 11.30 до 15.00 часот, од корисниците од Булевар Кочо Рацин зградите со бр.36,бр.38,бр.40,бр.47 и останатите стопански и нестопански објекти во комплексот Зелено Пазарче и Дирекција на МакПетрол Скопје ( општина Центар ) - во периодот од 14.30 до 18.20 часот, МакПетрол Белимбегово Бензинска Станица МакПетрол и околината . ( општина Илинден )

12 годишно дете прободено во грб кај Зелен пазар

Ивона Петрова — Wed, 24 Jun 2020 08:08:45 +0000

Во полиција вчера околу 20 часот било пријавени дека на плочник во близина на „Зелен пазар“ во Скопје, 12 годишен малолетник бил прободен со остар предмет во пределот на грбот, од непознато лице. -Малолетникот бил пренесен во Градска општа болница„Наум Охридски“ каде од доктор му биле констатирани повреди, информираат од МВР. Се преземаат мерки за расчистување на случајот.

Власта со притисок и кон пазарџиите кои излегоа на протест: „Не фотографираа за да видат кој е излезен надвор“

Дарко Андоновски — Mon, 23 Dec 2019 13:18:42 +0000

Пазарџиите од „Зелен пазар“, иако во мал број, денеска излегоа на предупредувачки генерален штрајк. Според нив, тие се револтирани од новиот ценовник на Скопски пазар со кој, како што велат, драстично им се покачиле цените за закуп на тезга. Тие не се задоволни и од условите во кои што работат, но и од селективниот пристап кон пазарџиите. – Откако беше најавен протестот, се вршеа различни притисоци на тезгаџиите да не излезат, дури и ние денеска што се собравме, им беше дадена наредба на реонските баждарџии да не фотографираат да видат кои сме излезени надвор – вели Маја Стојановска Дашковска, закупец на тезга на „Зелениот пазар.“ Таа додава дека се соочуваат со големи неправилности во однос на работењето на Скопски пазар, затоа што прво тие се оштетени поради тоа што во минатото биле наплаќани цени на тезгите од 100 денари дневен баждар, а раководството потенцира дека се наплаќани 150 денари со што се избегнува паушалното оданочување. – Апелирам до надлежните институции, Финансиска полиција, Управа за јавни приходи, Санитарна и Пазарна инспекција да го посетат пазарот и итно да превземат активности, затоа што доколку секој од нас отвори приватна фирма или дуќан, во текот на една година ќе биде соочен со различни инспекции. Додека во оваа голема компанија во претходните периоди не сме сведочеле дека била направена некаква контрола – вели Стојановска Дашковска и додава дека не знае што ќе биде со нив затоа што излегле на протест и поради тоа што биле фотографирани. Инаку од Скопски пазар посочија дека немаат намера да го менуваат ценовникот, зголемена е цената само на дневниот закуп на тезга. Цената за дневен закуп на тезга е зголемена од 150 на 250 денари. Не може месечниот да биде поскап од дневниот закуп. Цените пак за месечен месечен закуп се движат од 2.500 до 7.000 денари во завиност од тоа каде се наоѓа пазарот и самата тезга, велат од скопски пазар.

Стопанската комора бара да се одложи примената на новиот закон за зелени пазари

Ивона Петрова — Mon, 17 Dec 2018 12:23:32 +0000

Стопанската комора на Македонија бара да се одложи примената на Законот за трговија на зелените пазари, што треба да почне од 1 јануари идната година, заради неможноста да се применат некои негови членови од почетокот на наредната година поради ненавременото носење на подзаконските акти и немањето дефинирани услови како ќе изгледа лиценцата за вршење дејност. Како што информира Даниела Михајловска Василевска од Стопанската комора, барањето за одложување на законот од комората минатата недела официјално е доставено до министерот за економија Крешник Бектеши, но се уште немаат добиено одговор. Се надеваат дека во следните две недели ќе имаат работна средба со министерот, во спротивно велат, дека примената на законот може да придонесе кон „еден вид незаконско работење на организаторите на пазарите“. -Законот е донесен по брза постапка во јануари годинава, а комората не беше консултирана. Се предвидуваше подзаконските акти да се донесат до април, а беа донесени во септември. Сметаме дека три месеци се недоволен период организаторите на пазари да се прилагодат на новите одредби и да го усогласат своето работење и дека треба да претрпат сериозни измени неколку членови од законот. Додека не бидат направени измените законот реално не може да функционира онака како што е сега поставен поради што сметаме дека треба да биде одложен за некое време, рече Михајловска Василевска на деншната прес-конференција. Нагласи дека бараат да се прошири можноста кој се може да тргува на зелените пазарите и да се отстрани од законот делот кој кажува дека не можат да закупат тезга трговците поединци, како и лицата кои остваруваат доход по основ на работен однос, пензија и преку договор на дело. На тој начин, потенцира, сметаат дека ќе се намали за 30 отсто бројот на лицата кои закупуваат тезги и прометот на зелените пазари. Како второ го истакнуваат барањето легитимацијата за закупците на тезги да не се врзува со бројот на тезга, бидејќи коморските здруженија немаат право да одредуваат кој број на тезга ќе му го даде организаторот на пазарот на закупецот. Третото барање е сите три комори на закупци на тезги да можат да издаваат лиценци за тезги, а не само една како што е предвидено во законот и на тој начин да се овозможи плурализам. Четврто барање на комората е да му се овозможи на трговецот што е носител на лиценцата да може да ја пренесе легитимацијата на член на потесното семејство доколку од објективни причини биде спречен да ја врши дејноста, а петтото да се предвиди можност со една издадена легитимација да може да се закупат повеќе тезги на ист пазар во иста општина. Таа посочи дека по серијата заеднички интервенции на надлежните институции полека се напушта трендот на диви пазарџии иако, како што кажа, во Велес се уште претставуваат сериозен проблем и голема нелојална конкуренција на закупувачите на пазарите. Во Македонија има од 20 до 25 илјади закупци на тезги на пазарите. МИА

Ограбена аптека кај Зелен пазар

Ивона Петрова — Tue, 11 Dec 2018 14:44:08 +0000

Во аптека лоцирана кај „Зелен пазар“, непознато лице со закана вчера околу 19 часот извршило разбојништво при што од касата одзело околу 8.000 денари. Се преземаат мерки за расчистување на случајот.