Зелен напиток за имунитет од 3 намирници: Брзо, здраво и освежувачко

Ристе Здравков — Mon, 17 Oct 2022 09:10:08 +0000

Имајќи предвид дека сезоната на настинки и грип е пред нас, важно е да го заштитиме нашиот имунитет како превентивна мерка и да го зајакнеме. За телото да биде здраво и силно во борбата против вирусите и инфекциите, треба да се грижиме за исхраната и внесот на витамини. Еден од најдобрите начини за зајакнување на имунитетот е свежото овошје и зеленчук. Сепак, малкумина можат да изедат големо количество овошје и зеленчук во еден ден, па затоа соковите се идеално решение. Доколку имате соковник или блендер, време е да ги искористите и да подготвите напиток кој ќе го израдува вашето тело и имунитет. Најдоброто нешто е што можете да додадете уште некое омилено овошје и зеленчук. Сè што ви треба за овој здрав напиток е: - 1 шака свеж спанаќ - 1 јаболко - 1 целер Сите состојки ставете ги во блендер или соковник и додадете малку вода. Спанаќот е преполн со многу антиоксиданси како бета каротен, витамини А и Ц, влакна, магнезиум, железо, фолати и многу повеќе. Целерот е одличен сојузник во борбата за добро здравје. Содржи антиоксиданси и полисахариди за кои е познато дека имаат антиинфламаторно дејство, особено флавоноидни и полифенолни антиоксиданти. Јаболкото е овошје полно со есенцијални хранливи материи и витамини кои треба да бидат дел од секојдневната исхрана на секој човек.

Магична глетка над Хрватска – падна метеор со зелен отсјај, видеото со воодушевување ќе го гледате неколку пати

Дарко Андоновски — Thu, 21 Oct 2021 10:33:58 +0000

Интересен астрономски настан се случи вчеравечер на небото над Хрватска, каде според Танјуг, паднал метеор којшто можел да се забележи од речиси сите делови на оваа земја. Бројни набљудувачи објавија дека станувало збор за доста светол објект на североисточниот хоризонт кој горел неколку секунди. Хрватскиот астрономски сојуз објави видео од падот на метеорот и порака околу тоа. „Сакаме да ја информираме јавноста дека се очекува зголемена метеорска активност, бидејќи предвидената максимална активност на метеорскиот дожд Орионид е предвидена за раните утрински часови на 21 октомври“, соопшти Сојузот. Според порталот „Далмација“, метеорот имал зеленкаст сјај, а забележани биле три посилни блесоци.

зелен – Kurir.mk

Зелен напиток за имунитет од 3 намирници: Брзо, здраво и освежувачко

Магична глетка над Хрватска – падна метеор со зелен отсјај, видеото со воодушевување ќе го гледате неколку пати