зелениково – Kurir.mk

ВИДЕО: Хеликоптерот на МВР исфрли над 40 тони вода, локализиран пожарот во општина Зелениково

Ивона Петрова — Tue, 03 Oct 2023 18:18:07 +0000

Одделот за воздухопловни единици на МВР денеска по добиено барање од Центарот за управување со кризи за гасење на пожар меѓу селата Вражани и Моране, општина Зелениково,го упати хеликоптерот Бел-412ЕП и во координирано постапување со пожарникарите од Територијалната противпожарна единица, пожарот е локализиран. Хеликоптерот Бел-412ЕП врз пожарот исфрли над 40 тони вода.

Воспоставена делумна контрола на пожарот во Зелениково

Ивана Ефремовски — Sun, 27 Aug 2023 18:01:20 +0000

Пожарникарите од Бригадата за протовпожарна заштита на град Скопје со подршка на Доброволното противпожарно друштво од Зелениково воспоставиле делумна контрола врз пожарот што избувна попладне во Општина Зелениково, информираат од Центарот за управување со кризи. Пожарот во атарот на селата Смесница, Ново Село и Страхојадица зафатил трева, нискостеблести растенија и ниска шума. Од ЦУК велат дека во овој момент нема потреба од интервенција на воздухоплови. -Состојбата во текот на ноќта ќе ја следат скопските пожарникари. Утре наутро ќе одлучиме на кој начин ќе се пристапи за догаснување на овој пожар во атарот на село Смесница, Општина Зелениково, соопштуваат од ЦУК. (МИА)

Пожарот што избувна во Зелениково се простира во атарот на три села – еве каква е состојбата

Ивана Ефремовски — Sun, 27 Aug 2023 17:09:43 +0000

Пожарот што избувна попладне на територијата на Општина Зелениково се простира во атарот на селата Смесница, Ново Село и Страхојадица. -Еден крак од пожарот е активен во насока на село Смесница, помеѓу селото и пожарот има висока сува трева која може да изгори бргу. Нашите напори се насочени да се обезбеди селото со заорување на критичното место пред селото и правење на изоран појас преку кој пожарот нема да може да помине, изјави директорот на Центарот за управување со кризи (ЦУК) Стојанче Ангелов. Од ЦУК претходно информираа дека е локализиран пожарот над Ајватовци во Општина Илинден, што беше активен два дена откако доцна попладнево беше ставен под контрола и вториот крак. Пожар има и во атарот на Студеничани на непристапен терен. (МИА)

Пожар во општина Зелениково

Дарко Андоновски — Sun, 27 Aug 2023 16:27:38 +0000

Пожар избувнал доцна попладнево на територијата на општина Зелениково во атарот на село Страхојадица, информираат од Центарот за управување со кризи (ЦУК). -Пожарот веќе добива сериозни димензии затоа што веќе е навлезен во квалитетна шума, изјави директорот на ЦУК Стојанче Ангелов. Според ЦУК, локализиран е пожарот над Ајватовци, што беше активен од вчера откако доцна попладнево беше ставен под контрола и вториот крак, -Се работи на негово догаснување, хеликоптерите се повлекуваат од овој пожар, но за жал се појави нов пожар на територијата на општина Зелениково каде упатуваме армиски хеликоптер. Во догаснување на пожарот кај Ајватовци се вклучени скопската Противпожарна бригада како и тим на Дирекцијата за заштита и спасување составен од доброволци од доброволното друштво од Свети Николе, рече Ангелов. Со интервенцијата од воздух е спречено проширување на пожарот кон манастирот над кој се наоѓа селото. -Веќе нема опасност за манастирот и селото и верувам дека многу бргу пожарот ќе биде целосно изгаснат. Ќе се следи состојбата за да не дојде до негово повторно разгорување, посочи Ангелов. Претходно од ЦУК соопштија дека пожар има и во атарот на Студеничани на непристапен терен.

Фатен на дело: Од чанта на жена украл телефон, но казната брзо го стигна

Ивана Ефремовски — Thu, 13 Apr 2023 18:07:36 +0000

На 12.04.2023 околу 15:00 часот на автобуска постојка на ул.„Димитрија Чуповски“, полициски службеници од одделението за криминалистички работи при ЕВР Центар Бит Пазар го лишиле од слобода К.С.(52) од Скопје. Тој бил фатен при извршување џебна кражба, при што од чанта на С.К.(68) од Зелениково, скопско, одзел мобилен телефон. Тој бил задржан во полициска станица и по целосно документирање на случајот против него ќе биде поднесена соодветна пријава.

Мицкоски во посета на општина Зелениково во рамки на активноста „Промените се случуваат, секогаш со народот“

Тале Кристо — Wed, 09 Nov 2022 08:24:58 +0000

Претседателот на ВМРО-ДПМНЕ проф. д-р. Христијан Мицкоски заедно со градоначалникот на општина Зелениково, Коста Маневски во рамките на активноста „Промените се случуваат, секогаш со народот“, ќе извршат увид на градежни активности на речното корито на Зелениковска река, населено место Зелениково.

Денеска без струја делови од Аеродром и Зелениково

Тале Кристо — Wed, 15 Dec 2021 07:13:51 +0000

ЕВН Македонија АД известува дека на денеска (среда), без електрична енергија ќе останат: -во периодот од 09:00 до 15:00 часот, корисниците од село Долно Лисиче и делот кон Драчево (општина Аеродром); -во периодот од 08:30 до 15:30 часот, корисниците на дел од бул. Видое Смилевски Бато спроти ПСС Ново Лисиче - блок 1, 3, 5, 9 (општина Аеродром) -во периодот од 09:00 до 13:00 часот, корисниците на дел од село Зелениково околу Млекара (општина Зелениково);

Делови од општина Аеродром и село Зелениково утре без струја

Магдалена Андонова — Tue, 14 Dec 2021 09:45:51 +0000

ЕВН Македонија АД известува дека на ден 15.12.2021 година ( среда ), без електрична енергија ќе останат: - во периодот од 09:00 до 15:00 часот, корисниците од село Долно Лисиче и делот кон Драчево ( општина Аеродром ); - во периодот од 08:30 до 15:30 часот, корисниците на дел од бул. Видое Смилевски Бато спроти ПСС Ново Лисиче - блок 1, 3, 5, 9 ( опш. Аеродром ) - во периодот од 09:00 до 13:00 часот, корисниците на дел од село Зелениково околу Млекара ( општина Зелениково );

Без струја утре дел од Зелениково и Студеничани

Ивана Ефремовски — Sun, 28 Nov 2021 09:54:45 +0000

Заради технички зафати во дистрибутивната електро мрежа, без електрична енергија утре ќе бидат делови од Зелениково и Студеничани. Како што информираат од Регионалниот центар за управување со кризи, од 8 до 13 часот без струја ќе бида корисниците од дел од село Градовци, Oпштина Зелениково, а од 9 до 13 часот, корисниците од дел од село Долно Количани, делот кон гробиштата, Oпштина Студеничани. Во вторник, без струја ќе бидат корисниците од селата Миладиновци, Текија и Дељадровци во Општина Илинден од 08:30 до 15:30 часот. (МИА)

Приведен 42. годишник од скопско Зелениково – бил баран со потерница, а еве и зошто!

Магдалена Андонова — Tue, 28 Sep 2021 08:23:48 +0000

На 27.09.2021 во 17.00 часот во с.Зелениково, скопско, полициски службеници од Оперативен тим Потраги од ЕВР Аеродром и Драчево го лишиле од слобода З.З.(42) од с.Зелениково. Тој се барал по потерница за издржување затворска казна за сторено кривично дело „кражба“ по член 235 од Кривичниот законик. Лицето било спроведено во Казнено-поправната установа Затвор Скопје за издржување на казната.