железара – Kurir.mk

ЦРН ОБЛАК НАД СКОПЈЕ: Пожар во Железара (ФОТО+ВИДЕО)

Тале Кристо — Thu, 23 Feb 2023 14:24:32 +0000

Во моментов над Скопје се издигна црн облак, неофицијално станува збор за пожар. Сопред нашите информации од терен пожарот избувнал во Железара. Наскоро со повеќе информации... [video width="320" height="576" mp4="https://kurir.mk/wp-content/uploads/2023/02/331822124_5864319133686818_5490127414692917872_n.mp4"][/video]

Утре без вода дел од населбата Железара

Ивона Петрова — Tue, 01 Mar 2022 09:43:27 +0000

Поради замена на затворач ф-125 милиметри на улица „Коце Металец“ број 13, утре од 8 часот прекин во водоснабдувањето ќе имаат дел од корисниците во скопската населба Железара. Како што информираа од ЈП „Водовод и канализација“ – Скопје, без вода ќе бидат корисниците на делови од улиците „Коце Металец“, и тоа од броевите 1 до 13 и од 2 до 82, и од „Душан Тасковиќ“, како и „Ремедика“ и поликлиниката „Железара“. Прекинот во водоснабдувањето ќе трае се до завршување со активностите за замена на затворачот.

Инцидент на протестот во Железара (ВИДЕО)

Катерина Бојаџиева — Wed, 21 Jul 2021 16:41:26 +0000

Неколку десетици жители на скопската населба Железара и попладнево со блокада на улицата „Коце Металец“ го продолжија неколкудневниот протест со кој бараат надлежните органи да преземат мерки за ограничување на брзината на движење по оваа улица, која ја поврзува Автокоманда со Бутел. Директен повод за протестот е минатонеделната сообраќајна незгода при која возило „Ауди А5“ движејќи се со голема брзина удри во 45-годишна жена пешак, која им подлегна на здобиените повреди. Организаторите на протестот порачуваат дека нема да дозволат ова да остане уште еден заборавен случај и уште еден згаснат живот и нагласуваат дека е крајно време е да се стави ред на сообраќајот. Тие бараат властите да преземат мерки за ограничување на брзината низ улицата „Коце Металец“ со поставување на лежечки полицајци, зајакнати полицски контроли или со нејзина реконструкција со цел таа да се направи побезбедна за пешаците и велоспедистите. Но, она што денеска дополнително ги изреволтира насобраните граѓани е лице кое со автомобил се обиде да помине и покрај полициското обезбедување. Нејасно е како поминал покрај полицијата која го обезбедува протестот, бидејќи до сега на протестите ниту едно возило не било пропуштено. Па, граѓаните кои протестираа денеска мораа сами да реагираат за да биде вратено назад лицето. Инаку, учесниците на протестот апелираат и до жителите на останатите населби кои се соочуваат со ист или сличен проблем да го кренат гласот и да не дозволат дивеење по улиците. Организаторите на протестот најавуваат дека ќе продолжат со блокада на улицата и во наредните денови во периодот од 16:30 до 18:00 часот.

Граѓани од Железара на протест, од надлежните бараат мерки по сообраќајката со жртва

Ивана Ефремовски — Tue, 20 Jul 2021 15:46:42 +0000

Неколку десетици жители на скопската населба Железара попладнево со блокада на улицата „Коце Металец“ го продолжија неколкудневниот протест со кој бараат надлежните органи да преземат мерки за ограничување на брзината на движење по оваа улица, која ја поврзува Автокоманда со Бутел. Директен повод за протестот е минатонеделната сообраќајна незгода при која возило „Ауди А5“ движејќи се со голема брзина удри во 45-годишна жена пешак, која им подлегна на здобиените повреди. Организаторите на протестот порачуваат дека нема да дозволат ова да остане уште еден заборавен случај и уште еден згаснат живот и нагласуваат дека е крајно време е да се стави ред на сообраќајот. Тие бараат властите да преземат мерки за ограничување на брзината низ улицата „Коце Металец“ со поставување на лежечки полицајци, зајакнати полицски контроли или со нејзина реконструкција со цел таа да се направи побезбедна за пешаците и велоспедистите. Учесниците на протестот апелираат и до жителите на останатите населби кои се соочуваат со ист или сличен проблем да го кренат гласот и да не дозволат дивеење по улиците. Организаторите на протестот најавуваат дека ќе продолжат со блокада на улицата и во наредните денови во периодот од 16:30 до 18:00 часот.

Сообраќајна несреќа во Железара, пешак загинал на лице место

Тале Кристо — Wed, 14 Jul 2021 17:01:42 +0000

Пешак настрада во тешка сообраќајна несреќа попладнево во скопска Железара, објави Пресс24. Според информации на порталот, пешакот загинал на лице место, иако засега нема официјална потврда. Очевидци велат дека на местото на несреќата има зголемено присуство на полициски службеници. Во моментот полициски службеници прават увид на местото на настанот, а од МВР најавија дека по завршувањето на увидот ќе соопштат повеќе информации за несреќата.

ВИДЕО: Паднато дрво предизвика спој на трафостаница во Железара, се појавија вознемирувачки снимки

Ивона Петрова — Mon, 22 Mar 2021 05:52:06 +0000

Паднато дрво предизвика спој во трафостаница на ЕВН во скопската населба Железара. Делови од населбата останале без електрична енергија, а пред да се утврди за што станува збор граѓаните на социјалните мрежи објавуваа видеа. Пријавуваа чудна светлина и искрење, како и експлозии.

Што се случува надвор ?? pic.twitter.com/oUSjjP5re2
— k@mi (@kaamiii__) March 21, 2021

Нешо се дешава у Железара. 🙄 Снемало и струја у цела населба. pic.twitter.com/dJqrZ96xMl
— КАРМА☯️ (@_energija_) March 21, 2021

Повик за интервенција бил примен и во Територијалната противпожарна бригада на Скопје, од каде било испратено возило, но немало потреба од интервенција. Екипи на ЕВН работат на отстранување на дефектот.

ДЕТАЛИ: Познат идентитетот на повредените во вооружениот напад во Железара

Ивона Петрова — Mon, 24 Feb 2020 08:25:09 +0000

Две лица се повредени по вооружениот напад кој синоќа се случи во скопската населба Железара. Од МВР за Курир потврдуваат дека во 00.21 добиле пријава дека на ул.„Ферид Бајрам“ биле слушнати истрели од огнено оружје. -Полициски службеници излегле на местото и било констатирано дека И.А.(29) и С.Р.(35), двајцата од Скопје, биле повредени од огнено оружје и било оштетено патничко возило „Ауди“, сопственост на Е.С.(33) од Скопје, велат од МВР за Курир. Повредените биле пренесени во болницата „Систина“ за укажување медицинска помош. Од Министерството за внатрешни работи додаваат дека се преземаат мерки за расчистување на случајот.

ФОТО: Изрешетаното „Ауди“ оставено на улица сведочи за нападот во Железара

Ивона Петрова — Mon, 24 Feb 2020 08:12:11 +0000

Албанските медиуми објавуваат фотографии од возилото кое синоќа беше цел на вооружен напад. Нападот, се случил околу 20 минути по полноќ, на улицата „Ферид Бајрам“ во скопска Железара. Според албанските медиуми во нападот повредени се три лица. Во текот на денот се очекуваат детали од полицијата.

Пожар избувна во фабриката „Железара“

Предраг Кукиќ — Wed, 22 May 2019 14:46:17 +0000

Синоќа во 03:50 часот во СВР Скопје било пријавено дека настанал пожар во кругот на фабриката „Железара“, при што бил зафатен погон на фабрика за пластика и цвеќиња. Од екипа на Бригадата за противпожарна заштита Скопје пожарот бил целосно изгаснат. Повредени лица нема. Увид ќе се врши во текот на денот.

Жителите на Автокоманда и Железара неколку дена без парно греење: „Плаќаме најскапо парно греење за да се смрзнуваме“

Дарко Андоновски — Fri, 04 Jan 2019 20:21:38 +0000

Жителите на скопските населби Автокоманда и Железара веќе неколку денови по ред немаат топло парно иако сметките навреме преку целата година ги плаќаат. Како што велат тие парно немаат оние кои се снабдуваат на таканареченото „Железарско“ парно. Револтираните граѓани преку социјалните мрежи спасот го бараат во надлежните институции, но и преку нашата редакција. -Што се случува со парното, знае ли некој?, колку е надвор ладно толку и радијаторите се поладни, прашувам за енергетика?, стои во еден од коментарите. -Плаќаме најскапо парно греење, па треба ли да се смрзнуваме? Срамота... -Плаќаме 12 месеци редовно парно, а шест дена по ред имаме температура од 18 степени, ова се само дел од коментарите. Инаку деновиве температурите надвор се минусни што е уште еден проблем за семејствата со мали деца од овие населени места.