железничар – Kurir.mk

Металург поразен од Железничар во СЕХА лигата

Дарко Андоновски — Wed, 17 Oct 2018 20:43:34 +0000

Металург на домашен терен беше поразен со 29:30 од нишки Железничар во натпревар од шестото коло на СЕХА лигата.

По првите десетина минути во кои се играше гол за гол, ракометарите на Металург им дозволија на гостите да воспостават котрола на теренот и на паузата заминаа со предност од 13:16. Во второто полувреме Железничар ја зголемуваше предноста, која во 44-та минута беше највисоки пет поени разлика (19:24). Металург се обиде до крајот на натпреварот да ја анулира разликата и да направи пресврт, но гостите не дозволија изненадување и натпреварот го добија со минимални 29:30. За тимот од Автокоманда ова беше пети пораз и се уште е без победа во регионалната лига.

СЕХА лига: Вардар со убедлива победа против Железничар

Дарко Андоновски — Tue, 04 Sep 2018 20:10:05 +0000

Македонскиот шампион Вардар забележа убедлива победа од 35:20 (14:11) против Железничар во натпревар од второто коло во СЕХА лигата. Ракометарите на Роберто Гарсија Парондо само не почетокот имаа проблеми, кога противникот поведе со 5:9, но во 23 минута резултатот веќе беше израмнет на 11:11 а потоа нашиот тим целосно доминираше над Србите, предводени од поранешниот тренер на „црвено-црните“, Веселин Вујовиќ. За Вардар по четири гола постигнаа Кисељев, Дибиров, Чупиќ, Поповски, Кристопанс и Мораеш, додека за гостите од Ниш, Јевтиќ постигна шест. Ова е 27-ма победа во СЕХА лигата и 28-ми натпревар без пораз за „црвено-црните“, откако вардарци немаат загубено натпревар во регионалното натпреварување од крајот на 2016 година. За скопскиот тим ова е втор триумф во регионалното натпреварување, откако во првиот меч го совлада Металург со 34:28. Во следното коло, на 9 септември, Вардар ќе гостува на Татран Прешов.

ГОЛ КОЈ ВРЕДИ ДА СЕ ПОГЛЕДНЕ: Голманот Ќосевски даде злато вреден погодок од 70 метри во судиското продолжение (ВИДЕО)

Матеја Петровски — Sun, 08 Apr 2018 06:50:41 +0000

Дербито на колото во првата лига во Босна, меѓу Железничар и Широки Брег заврши со 1:1, реми кое сепак остана во сенка на одличниот погодок на голманот на Жељо, Ведран Ќосевски. Широки водеше со 1:0 се до финишот, кога голманот Ќосевски постигна погодок. Голманот на Широки беше невнимателен, па Ќосевски постигна еврогол за голема прослава на Грбавица. Претходно гостите поведоа со 1:0 со голот во првиот дел на Багариќ, но можат и тоа како да жалат за тоа што изгубија два бода, додека пак на Жељо овој бод ќе му значи многу во битката за тронот. Амбициите на домаќините беа многу поголеми од 1:1, но како се одвиваа настаните може да бидат задоволни.