железничка несреќа – Kurir.mk

Петмина загинати во железничка несреќа во Италија

Ивона Петрова — Thu, 31 Aug 2023 06:24:33 +0000

Воз удрил и усмртил петмина железничари кои работеле на ноќното одржување на пругата на периферијата на северниот град Торино, објавија денеска италијанските медиуми. Товарниот воз, кој сообраќал на линијата меѓу Милано и Торино, се движел со брзина од 160 км/ч кога удрил во тим задолжен за замена на елементите на железничката линија во близина на Брандицо, објавија новинските агенции АГИ и АНСА. Како што пренесуваат, железничарите биле влечени неколку стотици метри, а двајца нивни колеги успеале да го избегнат ударот. Градоначалникот на Брандицо, Паоло Бодони, изјави дека не може да се исклучи дека имало грешка во комуникацијата. Во тек е истрага. Машиновозачот, кој е во шок, не е повреден.

Две лица загинаа, 30 се повредени во железничка несреќа во Тунис

Катерина Бојаџиева — Wed, 21 Jun 2023 08:59:47 +0000

Во железничка несреќа во Тунис, две лица загинаа, а 30 се повредени, јавија локалните медиуми. Несреќата се случила вчеравечер кога воз на релација меѓу тунискиот приморски град Сфакс и Тунис излетал од шините. Здравствените власти соопштија дека во несреќата загинале возачот и неговиот помошник.

Воз удри во автомобил во прилепско, тројца повредени

Ивона Петрова — Mon, 19 Jun 2023 14:25:02 +0000

На 18.06.2023 во 17.40 часот во ОВР Прилеп било пријавено дека на патен премин, пред Железничка станица „Гостиражни“, прилепско, се случила железничка незгода помеѓу товарен воз кој сообраќал на релација Велес – Прилеп и патничко возило „фолксваген поло“ со прилепски регистарски ознаки, управувано од А.И.(24) од Прилеп. -Во незгодата, возачот А.И. и неговите сопатници Н.Н.(19) од Прилеп и А.Н.(51) од с.Црнилиште, прилепско, биле пренесени во Градска болница Прилеп, каде им биле констатирани повреди, информира МВР. Увид на местото извршила увидна екипа од ОВР Прилеп.

ВИДЕО: Најмалку 288 загинати во железничката несреќа во Индија, откриена причината за трагедијата

Ивона Петрова — Sun, 04 Jun 2023 13:39:50 +0000

Најмалку 288 луѓе загинаа во петокот кога патнички воз излета од шините и се судри со друг воз во близина на областа Баласоре во источната држава Одиша. Уште пет тела се донесени рано утринава во училиште кое се користи како мртовечница во близина на местото на несреќата. - Не знаеме уште колку тела ќе пристигнат - изјави еден здравствен работник. Во моментот на судирот во возовите имало околу 2.000 луѓе. Индиските железници велат дека превезуваат повеќе од 13 милиони луѓе секој ден, но инфраструктурата е застарена, што ја прави лоша безбедноста на овој вид транспорт. Премиерот Нарендра Моди, кого го очекуваат избори следната година, вчера го посети местото на несреќата и разговараше со спасувачите. Моди вети дека ќе ги казни одговорните. Од Железницата соопштија дека прелиминарниот извештај укажува дека несреќата е последица на дефект на сигналната опрема.

Експертската комисија го достави извештајот за железничката несреќа во Грција

Катерина Бојаџиева — Wed, 19 Apr 2023 08:39:15 +0000

Итни, краткорочни и среднорочни мерки за безбедно, уредно и ефикасно функционирање на железничкиот транспорт во Грција, предлага извештајот на Експертската комисија за железничката несреќа кај Темпи на 28 февруари годинава во која загинаа 57 лица, јави дописничката на МИА од Атина. Извештајот бил доставен до државниот министер, надлежен за инфраструктура и транспорт Јоргос Герапетритис, а според соопштението на тричлената комисија, објавено од грчките медиуми, нивните заклучоци се однесуваат на откривање и истакнување на проблемите во железничкиот транспорт, а не на доделување или распределба на одговорности, нешто што „согласно Уставот и законот им припаѓа само на надлежните судски органи кои веќе со забрзано темпо работат во оваа насока“. -Главна грижа на членовите на Комисијата беше по анализата на околностите на трагичната несреќа да се истакнат и идентификуваат проблемите во целата структура на инволвираните во работата на железничкиот транспорт, органи, организации и власти и во извршувањата на овластувањата на физичките или правните лица, а особено да се предложат решенија, кои ќе придонесат, во рамките на другите истраги, студии, предлози и иницијативи на релевантните органи, во преземањето на сите потребни мерки што ќе спречат исти или слични несреќи во иднина, пишува Комисијата во соопштението. Додаваат дека предлагаат збир на итни, краткорочни и среднорочни мерки за безбедно, уредно и ефикасно функционирање на железничкиот транспорт во Грција. Паралелно изразуваат желба дека извештајот ќе се користи „исклучиво за горенаведената цел и нема да биде предмет на политичка или партиска експлоатација или конфронтација“. Експертската комисија започна со работа на 6 март, една седмица по несреќата кај Темпи во која животот го загубија 57 лица.

Герапетритис: Пред или по Велигден ќе биде готов извештајот на експертската комисија за железничката несреќа

Катерина Бојаџиева — Fri, 07 Apr 2023 14:02:51 +0000

Извештајот на надлежната експертска комисија за железниката несреќа кај месноста Темпи се очекува да биде завршен или до Велигден или седмицата по празникот, соопштил денеска државниот министер во функција на министер за транспорт и инфраструктура на Грција Јоргос Герапетритис, јави дописничката на МИА од Атина. Надлежниот министер го презентирал и новиот дигитален систем за контрола на железичкиот сообраќај, објаснувајќи дека од јуни ќе почне постепено да се воведува во различни делови на земјата за до почетокот на октомври да биде целосно функционален во целата железничка мрежа во Грција. Железничката несреќа кај Темпи се случи кусо пред полноќ на 28 февруари, при директен судир на товарен и патнички воз, а животот го загубија 57 лица.

Еден загинат и 30 повредени во железничката несреќа во Холандија

Ивана Ефремовски — Tue, 04 Apr 2023 06:16:56 +0000

Едно лице загина, а околу 30 се повредени кога патнички воз излета од шините во Холандија. Првичните информации беа за неколку тешко повредени. На поголем дел од повредените им била укажана помош на лице место. Неколку лица кои се во сериозна состојба се хоспитализирани.

Патничк воз удрил во градежна опрема на шините меѓу Хаг и Лајден во провинцијата Јужна Холандија. Првиот вагон излетал од шините, вториот се превртел на едната страна, а третиот се запалил. Пожарот сега е изгаснат.

Во возот патувале околу 50 луѓе.

Засега не е јасно како градежната опрема завршила на шините кај селото Воршотен. Првично беше соопштено дека патничкиот воз се судрил со товарен воз. Железничкиот сообраќај меѓу Лајден и делови од Хаг е прекинат. (МИА)

Уапсен сообраќаен инспектор за железничката несреќа во Грција

Дарко Андоновски — Fri, 31 Mar 2023 10:07:08 +0000

Сообраќајниот инспектор на Грчките железници денеска е приведен поради железничката несреќа од 28 февруари во која во Темпи загинаа 57 лица, објави „Катимерини“. Главниот инспектор Димитрис Николау (63) во несреќата е обвинет за „нарушување на безбедноста на сообраќајот“ што предизвика смрт на многу луѓе, како и убиство од небрежност. Николау е вториот притворен во овој случај и може да биде осуден од десет години затвор до доживотен затвор. Во притвор е и шефот на железничката станица каде се случи дефектот, Василис Самарас (57). Тој ја призна одговорноста за директниот судир на патнички и товарен воз во Темпи, во близина на градот Лариса. Во сударот на патнички и товарен воз на 28 февруари загинаа 57 лица, десетици беа повредени, а девет лица се уште се на болничко лекување.

Генерален штрајк во Грција поради железничката несреќа

Ивона Петрова — Thu, 16 Mar 2023 06:25:44 +0000

Двата најголеми грчки синдикати на вработените во државниот (АДЕДИ) и на вработените во приватниот сектор (ГСЕЕ), како и синдикатот на Комунистичката партија (ПАМЕ), утрово започнаа 24-часовен генерален штрајк, што ќе ја парализира Грција. Причината, како и на протестите во изминатите две седмици, така и на минатонеделниот штрајк, така и денеска е железничката несреќа со 57 жртви што се случи на 28 февруари кај Темпи, а синдикатите порачуваат дека „криминалот нема да се прикрие“. Денеска во Грција не функционираат државните служби, затворени се училиштата, бродовите и траектите се закотвени на пристаништата, проблеми има во авионскиот сообраќај со откажани летови, поради штрајкот на контролорите на летање, а јавниот превоз во Атина ќе работи само неколку часа. Во штрајкот учествуваат и синдикатите на вработените во државните болници, како и студентски здруженија и организации. Паралелнио, закажани се протести, како во Атина, така и во другите грчки градови. Генералниот штрајк го поддржаа и новинарите, организирани од нивните здруженија и како што е пракса во изминатите години, нивниот прекин со работата беше ден претходно, односно вчера, за да можат денеска да ги покријат протестите и демонстрациите и да информираат за нив. Од новинарските здруженија рекоа дека новинарите од целата земја им се придружуваат на грчкото општество и синдикалното движење и го поддржуваат барањето да носат одговорност виновните за железничката несреќа и да се донесат мерки за во иднина да се избегнат слични несреќи. Грција вчера беше без вести и информативни емисии, а новинарите, штрајкот го завршија во пет часот утрово. Железничката несреќа што пред две седмица се случи кај месноста Темпи во близина на градот Лариса, а во која загинаа 57 лица, сè уште предизвика бурни реакции кај Грците. Еднодневен штрајк се одржа и минатата среда, меѓутоа тогаш, го организираше само синдикатот на вработените во државниот сектор, а денеска учествува и синдикатот на вработените во приватниот сектор.

Повторно протести во Атина поради железничката несреќа

Тале Кристо — Sun, 12 Mar 2023 13:37:06 +0000

Дел од грчките синдикати и денеска одржаа протести во центарот на Атина поради железничката несреќа кај Темпи со 57 загинати лица. Демонстрантите уште еднаш го изразија нивниот протест за трагедијата пред 12 дена, порачаа дека „криминалот не треба да се заборави“, дека одговорните треба да бидат казнети, но и да се преземат мерки за побезбедни возови. И овој пат, протестот беше масовен и мирен пред грчкиот Парламент, а по завршувањето се случија мали и изолирани инциденти, кога група маскирани лица се одвои од главниот блок и се судри со полицијата на еден од плоштадите во Атина во моментите додека се движеше кон железничката станица. Протестите во Атина и другите грчки градови започнаа по несреќата и веќе извесен период континуирано се одржуваат, а за в четврток, закажан е нов генерален штрајк организиран од двата најголеми синдикати на вработените во државниот и приватниот сектор.