железничка станица – Kurir.mk

Вооружени напаѓачи киднапираа 30 лица од железничка станица во Нигерија

Тале Кристо — Mon, 09 Jan 2023 14:19:07 +0000

Вооружени лица киднапираа повеќе од 30 луѓе во напад на железничка станица во јужна Нигерија, соопштија денеска полицијата и локалните власти. Киднапирањата се вообичаени во Нигерија, особено во северозападните и централните делови на најнаселената африканска земја. Во март 2022 година, вооружени напаѓачи разнесоа дел од железничката пруга меѓу главниот град Абуџа и Кадуна на север. Потоа убија осум лица и киднапираа неколку десетици патници, кои беа пуштени во следните месеци за откуп. Нападот на железничката станица се случи во саботата вечерта. Напаѓачите отвориле оган пред да ги киднапираат патниците кои го чекале возот.

Се слушнал силен звук проследен со јака светлина, починато лице пронајдено на Железничката станица Илинден

Ивона Петрова — Mon, 21 Nov 2022 11:32:58 +0000

На 20.11.2022 во 19.06 часот во Полициското одделение Петровец било пријавено дека при преглед на товарен воз на Железничката станица Илинден, кој сообраќал на релација Гевгелија-Табановце, од страна на полициски службеници, во еден момент се чул силен звук проследен со јака светлина, информира МВР. Како што велат од полицијата, откако била исклучена струјата било забележано починато лице, најверојатно мигрант кој немал документи за идентификација, а кој кога сакал да се симне го допрел струјниот вод. Смрт констатирал лекар од итна медицинска помош, а по наредба на Јавен обвинител телото на починатиот било дадено на обдукција. Увид бил извршен.

Со ловечка пушка испукал еден куршум во воздух близу постојка на железничка станица

Дарко Андоновски — Mon, 07 Nov 2022 15:16:41 +0000

На 06.11.2022 околу 19.50 часот во с.Виничани, велешко, полициски службеници од СВР Велес го лишиле од слобода Ј.С.(75) од с.Виничани. Во близина на железничката постојка во с.Виничани, тој испукал еден куршум во воздух од огнено оружје. Тој бил приведен во полициска станица и кај него била пронајдена и одземена ловечка пушка. По целосно документирање на настанот ќе следи соодветен поднесок.

Пожар на железничката станица во Загреб

Тале Кристо — Sun, 29 May 2022 09:03:06 +0000

Пожар избувна на главната железничка станица во Загреб по што се запалија неколку вагони, јавуваат хрватските медиуми. Пожарот избувнал во еден од вагоните околу 9 часот, но набрзо се проширил и на други. Пожарот го гаснат со три возила и 12 пожарникари.

ВОЗНЕМИРУВАЧКО: Најмалку 30 убиени и над 100 повредени во ракетен напад во Краматорск

Ивона Петрова — Fri, 08 Apr 2022 09:28:38 +0000

Над 30 лица загинаа, а повеќе од 100 се повредени во денешниот ракетен напад врз железничка станица во Краматорск во источна Украина , изјави шефот на националната железничка компанија. – Повеќе од 30 луѓе загинаа, а над 100 се повредени во ракетниот напад врз железничката станица Краматорск. Ова е намерен напад врз инфраструктура на железницата и жителите на Краматорск“, напиша Александар Камишин на социјалните мрежи. Украинското Министерство за одбрана, потврдувајќи ги бројките на загинатите и повредените, соопшти дека ракетните напади биле изведени додека се одвивала евакуацијата на локалните жители. Русите извршија два ракетни удари на железничката станица во Краматорск, каде што се одвиваше евакуација на цивили. Но, руските воени злосторници не само што намерно гаѓаа илјадници луѓе; тие користеа касетна муниција“, напиша украинското МО на Твитер.

Пожар избувна во близина на Железничката станица (ФОТО)

Магдалена Андонова — Tue, 09 Nov 2021 11:27:33 +0000

Пожар изби денеска во близина на Транспортен центар, во населба Пролет. Според првичните информации од Противпожарната бригада, се работи за пожар предизвикан од запалено ѓубре. На терен се три противпожарни возила.

Му се слошило додека работел во локомотива- починал по кратко откако бил однесен на железничката станица

Дарко Андоновски — Sat, 31 Oct 2020 14:18:41 +0000

На 30.10.2020 во 11.10 часот во СВР Скопје било пријавено дека околу 10.20 часот на пругата помеѓу железничка станица „Агино Село“ и железничка станица „Дељадровци“, на С.В.(51) од с.Долно Коњаре, кумановско, кој извршувал работни задачи во локомотива, му се слошило, а од страна на С.Д.(63) од Куманово бил пренесен на железничка станица „Миладиновци“ каде од лекар од итна медицинска помош била констатирана смрт. По наредба на јавен обвинител телото е предадено во судска медицина за обдукција.

ПОЛИЦИЈАТА НА ТЕРЕН: Сообраќајна несреќа предизвика хаос кај железничка- настрада и семафорот (ФОТО)

Дарко Андоновски — Fri, 18 Sep 2020 12:51:04 +0000

Тешка сообраќајка се случи попладнево во центарот на Скопје, кај Транспортен центар откако се судрија автомобил и такси возило, објавува Вечер. Во несреќата настрадал и семафорот, а во моментов има полиција која го регулира сообраќајот. Засега не се знае дали има повредени лица во сообраќајката. Повеќе информации наскоро.

ФОТО: Автобус изгоре на стојалиштето под Железничка станица

Ивона Петрова — Wed, 13 May 2020 06:10:03 +0000

Приватен автобус за јавен превоз се запали изутринава на автобуското стојалиште под Железничката станица во Скопје. Автобусот го гасат десттина пожаникари со две возила. Командирот на пожарникарската чета Борче Менковски за МИА изјави дека автобусот се запалил додека бил паркиран на стојалиштето и во него немало патници. Нема повредени лица. Според првичните сознанија, причината за запалувањето најверојатно е проблем со електриката на автобусот.

Во петок само два воза низ Македонија, сабота и недела нема да има возови

Ивана Ефремовски — Thu, 30 Apr 2020 22:16:34 +0000

Од Железници – Транспорт информираат дека во сабота (2 мај) и во недела (3 мај) патничките возови нема воопшто да сообраќаат. Во петок (1 мај), ќе сообраќаат само два воза. Од Битола за Скопје ќе сообраќа возот бр. 640, со поаѓање во 6 часот. Од Гевгелија за Скопје ќе сообраќа возот бр.630, со поаѓање во 5,40 часот. Други возови за време на првомајските празници нема да има, бидејќи полицискиот час е од 14 часот попладне до 5 часот наутро. Во периодот по понеделник (4 мај), патничките возови ќе сообраќаат по изменетиот возен ред којшто стапи на сила на 27 април годинава. Возовите ќе продолжат да возат по редуциран возен ред, при што целосно ќе изостанат на релациите Скопје-Табановце-Скопје, Скопје-Кочани-Скопје и Скопје-Кичево-Скопје до крајот на мерката за ограничено движење на населението.