жељко бабиќ – Kurir.mk

Жељко Бабиќ заминува од Подравка

Бошко Тасиќ — Sun, 12 Feb 2023 06:51:13 +0000

Хрватскиот ракометен стратег Жељко Бабиќ повеќе не е тренер на женскиот клуб Подравка. На поранешниот тренер на Еурофарм Пелистер му пресуди неочекуваниот првенствен пораз од Дугo Село, по кој искусниот стратег понуди оставка, која беше прифатена во Копривница. „Тренерот Жељко Бабиќ му понуди оставка на раководството по поразот на домашен терен од 25-26 од Дугo Село 1955. Надзорниот одбор на РК Подравка оставката едногласно ја прифати“, објавија од хрватскиот клуб Наследник на Бабиќ ќе биде Антонио Прањиќ, кој веќе го одработи првиот тренинг со ракометарите на Подравка.

Еурофарм Пелистер и Бабиќ се разделија

Тале Кристо — Tue, 17 May 2022 17:01:53 +0000

Битолскиот ракометен прволигаш Еурофарм Пелистер денеска спогодбено ја раскина соработката со тренерот Жељко Бабиќ, два дена по поразот од Вардар 1961 во финалето на Македонскиот куп. Хрватскиот стратег мина две и пол сезони на клупата на Еурофарм Пелистер, а неговиот наследник ќе биде познат по завршување на сезоната. – Најискрено му се заблагодаруваме на Жељко Бабиќ за развојот на клубот во претходниот период од 2020 година до денес. Без негова помош нашиот проект немаше да се развива по предвидениот колосек. Исто така изразуваме благодарност за остварените цели во европските натпреварувања и освоениот Суперкуп на Македонија 2022, соопшти попладнево Еурофарм Пелистер.

Бабиќ: Ни треба ментален одмор и истата енергија и желба од дербито со Вардар

Бошко Тасиќ — Mon, 28 Mar 2022 13:47:24 +0000

Ракометарите на Еурофарм Пелистер го очекуваат дуелот против Нексе од осминафиналето на Европската лига. Со екипата во Нашице отпатува и капитенот Јосип Периќ, кој и натаму е неизвесен за настап. Во Македонија остана само повредениот Мартин Велковски. Тренерот Жељко Бабиќ има само зборови на пофалби за хрватскиот вицешампион. „Се одлучивме да го подготвуваме натпреварот против Вардар и тоа добро испадна. Сега имаме три дена да се одмориме, да се подготвиме дефанзивно и офанзивно, да видиме кои карактеристики ги има Нексе. Треба побрзо ментално да се одмориме и со истата енергија и желба да се обидеме да обезбедиме што е можно подобар резултат. Нексе е добра дефанзивна екипа и тркачки добра екипа. Веќе имавме еден натпревар против нив, тоа беше добро искуство, Верувам дека ќе се одмориме, ќе се припремиме и ќе бидеме спремни на нивното брзо трчање, на неговиот брз центар и на агресивната одбрана“, вели тренерот на македонскиот вицешампион. Победникот од осминафиналето меѓу Нексе и Еурофарм Пелистер ќе се сретне со подобриот од двомечот ГОГ Гудме - Бидасоа Ирун. foto:gol.mk

Бабиќ: Татабања беше најдобра оваа сезона

Бошко Тасиќ — Tue, 01 Mar 2022 21:06:43 +0000

Еурофарм Пелистер загуби со 21-25 кај Татабања во 9. коло од Европската лига. Тренерот Жељко Бабиќ му честита на својот колега Драган Ѓукиќ и кажа дека неговата екипа многу се потрошила за да се справи со перфектната одбрана на Унгарците. „Нивото на натпреварот беше високо, но ние потрошивме многу енергија во одбраната, не трчавме многу и не ги користевме брзите контри. Не е лесно да се игра 'шест на шест', тие играа цврста одбрана, со многу енергија и срце и затоа ни создадоа вакви проблеми. Не сум ја видел Татабања вака добра во одбрана оваа сезона“, изјави Бабиќ.

Марко Кизиќ запиша осум интервенции, откако Мартон Секељ не успеа ниедна. „Бевме тука некаде со нив, но паднавме во последните минути, ни фалеа неколку важни играчи во ротација. Направивме неколку грешки во одбрана и во напад, но што е, тука е. Останува да се пдоготвиме за следниот натпревар, не застануваме одиме напред. Честитики до Татабања“, изјави Кизиќ.

Бабиќ: Без разлика дали сте први или петти, спортот ги признава само победниците

Бошко Тасиќ — Mon, 21 Feb 2022 15:42:50 +0000

Европските ракометни возбудувања се враќаат во Битола каде гостува швајцарски Кадетен Шафхаузен. Тренерот Жељко Бабиќ пред натпреварот против швајцарскиот тим во салата „Боро Чурлевски“ во Битола кажа дека без разлика што пелистерци во моментов се наоѓаат во комотна позиција на табелата, сепак, ќе атакуваат на нова европска победа. „Се подготвуваме како и вообичаено, го анализиравме противникот и видовме кои се нивните специјалности, на која позиција се добри и кои се нивните специфични движења. Низ видео анализи и тренинзи ќе се обидеме да го најдеме најдоброто за нашето издание и да ја изведеме најдобрата тактичка подготовка за Кадетен. За разлика од минатата година сега малку сме во полесна резултатска позиција кога говориме за табелата, но сметам дека во спортот нема полесни позиции, туку имате една цел која не смее да варира, а тоа е побездата. Без разлика дали сте први или петти, спортот ги признава само победниците, па така јас како тренер и моите играчи размислуваме на таков начин и така се подготвуваме, а на крајот ќе видиме дали ќе успееме на крајот во она кое го сакаме. Кој го следи Еурофарм Пелистер, видливо е дека играчите кои играат тука имаат страшен карактер, ангажман, дисциплина, одговорност и сакаат да победат секој пат. И покрај сите проблеми кои ги имавме во Франција, ракометарите покажаа еден неверојатен ментален интензитет. Секако, го загубивме мечот, не сум во целост задоволен и среќен поради тоа, но еден дел од мене е задоволен затоа што знам дека сите играчи, вклучувајќи ме и мене тука како тренер заедно со стручниот штаб, дадовме се од себе за да победиме, но ете, не успеавме во тоа. Ама покажавме вистински карактер и тоа е нешто со сигурно го краси Еурофарм Пелистер оваа година“, изјави Жељко Бабиќ. Битолчани во моментов се наоѓаат на второто место на табелата во групата Д со осум освоени бода, исто колку што има и третопласираниот Шафхаузен. Натпреварот меѓу македонскиот и швајцарскиот тим се игра во вторник од 18:45 часот

Бабиќ: Горд сум на моите ракометари

Бошко Тасиќ — Wed, 08 Dec 2021 08:12:21 +0000

По натпреварот со Спортинг тренерот на Еурофарм Пелистер Жељко Бабиќ не го криеше задоволството од одиграното и од резултатот и им честита на играчите за оваа победа. „Сакам да им ги честитам празниците на гостите од Португалија, тоа е секако пред ракометот. Што се однесува до дуелот против Спортинг, морам да кажам дека сум горд на моите ракометари и на начинот на кој тие играа. Играта во одбрана во вториот дел беше одлична и покажавме дека сме вистинска екипа со оваа серија од пет натпревари без пораз во Европа“, изјави Бабиќ. Следен натпревар за Еурофарм Пелистер на европско тло ќе биде против тимот на Ним, на гостински терен во Франција. Ова своевидно ќе биде и натпревар за првото место во групата - Ним е прв, Еурофарм Пелистер е втор, а ги дели само еден бод.

Бабиќ: Ќе дадеме сè од себе да оствариме победа и да ја продолжиме позитивната низа

Бошко Тасиќ — Mon, 22 Nov 2021 20:43:37 +0000

Хрватскиот стратег на клупата на пелистерци, Жељко Бабиќ, е свесен за квалитетот на нивниот противник, но најави голема борба и победа за продолжување на позитивната низа. „Новиот тренер на Татабања донесе нова енергија во тимот. Тоа може да се види и во нивните победи во последните натпревари. Можеме да очекуваме еден противник кој игра долг напад, трпеливо, кој има силна надворешна линија која долго време игра заедно. Противник кој е цврст во одбрана, кој добро трча, особено по левата страна и пред сè тим со одличен тренер на клупата. Типичен европски тим.Играчите имаат огромна желба, посветени се, фокусирани и спремни. Во спортот постојат добра форма и моменти во кои исто така работите, но резултатите се различни. За жал кај нас мерило се само резултатите, знам по себе и по другите колеги. Ние сите истоветно работиме, но понекогаш ќе испадне добро, а некогаш не. Задоволни сме и среќни од бодовите освоени на гостински терен, на добар пат сме, имаме добра ситуација и ќе дадеме сè од себе да оствариме победа и да ја продолжиме позитивната низа“, вели Бабиќ.

Бабиќ: Завршивме голема работа

Катерина Бојаџиева — Wed, 17 Nov 2021 08:07:50 +0000

Ракометарите на Еурофарм Пелистер вчеравечер близу Атина ја остварија првата победа во ЕХФ Европската лига откако со 30:27 славеа на гостувањето кај АЕК. Битолчани по три кола имаат по една победа, пораз и реми, а тренерот Жељко Бабиќ е задоволен од прикажаната игра против АЕК. – Одгравме перфектен натпревар. Поставивме одлична одбрана и брз контра напад. Момците завршија голема работа, горд сум на нив. Игравме одлично и завршивме голема работа. Не го гледав натпреварот на АЕК против Олимпијакос, но детално ги проучивме нивните адути со кои ги победија Татабања и Ним. Можеби малку изменив, игравме човек на човек врз нивниот најдобар ракометар и добро го неутрализиравме. Задоволство беше да се игра во Грција, истакна Бабиќ. Битолчани уште денес продолжуваат со подготовка за дуелот против Прилеп во Суперлигата на гостински терен закажан за в петок попладне.

Бабиќ: Спремни сме на малку поинаква игра

Бошко Тасиќ — Mon, 18 Oct 2021 16:22:37 +0000

Ракометниот клуб Еурофарм Пелистер го пречекува Ним во рамки на 1.коло во Европската лига на ЕХФ. Битолчани се подготвени за предизвикот на меѓународната сцена, а тренерот Жељко Бабиќ очекува тврд натпревар против еден квалитетен ривал, кој игра типичен француски ракомет. „Со сигурност францускиот ракомет оди во нагорна линија, имаат многу квалитетни играчи на сите нивоа. Нè чека тежок меч, во кој мораме да бидеме многу прецизни, тактички добри. Ним е класична француска екипа, цврста и многу брза. Во одбрана комбинираат со 6-0 и 5-1. Доста користат брз центар и имаат брза транзиција, преку десно крило и бек кои доминираат. Во нападот не комбинираат премногу, играат добро еден на еден, што е карактеристика на Французите, а тие ја применуваат и во клубот. Се очекува натпревар со многу контакти, трчање и класично „тепање“ на теренот. Мора да бидеме спремни на малку поинаква игра, не каква што сме навикнати досега во Европа“, го анализира ривалот хрватскиот стратег. „Натпреварите во домашната лига дадоа придонес, иако Европа е нешто поинаку и тешко е да се споредува квалитетот. Добро ни дојде натпреварот во Охрид, бидејќи беше многу емоционален и на физички и на тактички план, а другите средби генерално се обидовме да играме со седми играч, нешто за што се надевам ќе го користиме и на следните натпревари“, изјави Бабиќ. Хрватот е среќен што утре во салата „Боро Чурлевски“ ќе се врати публиката од која очекува сериозна подршка против Ним. „Навистина ќе ни значат фановите на трибините. Се сеќавам на натпреварот против Нексе, имаше полни трибини, беше навистина убаво. Сите сме желни за емоциите, фановите и луѓето во салите, сепак спортот се игра за нив. Се радувам и се надевам дека сите заедно ќе се радуваме по добар наш натпревар“, рече тренерот. .

Бабиќ: Исполнив една мисија, да освоиме еден трофеј за нашата Битола

Бошко Тасиќ — Wed, 11 Aug 2021 20:34:54 +0000

Хрватскиот ракометен тренер Жељко Бабиќ го освои првиот трофеј со Еурофарм Пелистер на домашната сцена, откако во рамките на ракометниот Суперкупот славеа над големиот ривал Вардар 1961 со (22-31). По мечот, хрватскиот стратег истакна дека е среќен што успеал да донесе титула во Битола, што е одлична најава за сезоната која следи. „Мислам дека ние добро го искористивме отсуството на низата играчи од Вардар и секако дека поголемата ротација го одлучи победникот. Имавме и добри голмани. Одигравме во доста висок ритам. На сите ни беше сон да дојдеме до титула, можам да кажам дека ја исполнив едната своја мисија, да освоиме еден трофеј за нашата Битола. Се радувам за тоа“, изјави Бабиќ по натпреварот.