Ливерпул дематира дека Жељко Бувач си заминал од клубот

Даниел Василев — Mon, 30 Apr 2018 14:07:54 +0000

Фудбалскиот клуб Ливерпул ги демантираше информациите дека Жељко Бувач си заминал од позицијата помошен тренер пред утрешниот реванш натпревар од полуфиналето во Лигата на шампионите против Рома. Од клубот соопштија дека Бувач во моментот е отсутен поради лични причини, но тоа не влијае на неговата улога во стручниот штаб на тренерот Јирген Клоп. Клоп и Булач соработката ја започнаа во Мајнц, потоа ја продолжија во Борусија Дортмунд и сега во Ливерпул. Во неделата се појавија гласини дека меѓу нив двајцата односите се нарушени и дека Бувач поднел оставка, но Ливерпул го демантираше тоа. Клоп во неколку наврати го има опишано својот прв помошник како „мојот мозок“ и објасни дека толку добро се разбираат што имаат телепатска врска. МИА

Жељко Бувач ја напушти клупата на Ливерпул пред клучниот натпревар со Рома

Даниел Василев — Mon, 30 Apr 2018 10:40:02 +0000

Помошник менаџерот на Ливерпул, Жељко Бувач ја напушти клупата на „црвените“. Србинот нема да биде на клупата на тимот од „Енфилд“ до крајот на сезоната, соопштија од клубот. Британските медиуми објавија дека дошло до кавга меѓу менаџерот Јирген Клоп и Бувач и дека недоразбирањата траат подолг период. Во Англија се шпекулира дека Србинот веќе не бил вклучен во тактичките решенија на тимот и дека двајцате пријатели не зборувале. Тие навистина не комуницираа за време на натпреварот со Стоук, но се прегрнаа на крајот на натпреварот, иако Бувач изгледаше доста незаинтересирано. Ливерпул објави дека ќе ја почитува приватноста на тренерот, дека тој останува во клубот, но нема да биде вклучен во првиот тим до крајот на сезоната. Уште еден човек од доверба на Јирген Клоп, Питер Кравиц ќе ја преземе улогата на помошник тренер. МИА

Жељко Бувач – Kurir.mk

Ливерпул дематира дека Жељко Бувач си заминал од клубот

Жељко Бувач ја напушти клупата на Ливерпул пред клучниот натпревар со Рома