Жељко Обрадовиќ – Kurir.mk

Обрадовиќ повторно беснееше: Вие не сте е*ени играчи, вие сте актери!

Ристе Здравков — Fri, 06 Oct 2023 08:32:44 +0000

Tимот на Партизан лошо ја започна новата сезона во Евролигата, беа поразени од Макаби Тел Авив со 96:81. Искусниот стратег, Жељко Обрадовиќ беше лут и нервозен на своите кошаркари, а во моментите кога стануваше јасно дека Партизан ќе биде поразен го искажа бесот во начин препознатлив за него. „Вие сте актери. Не сте играчи, не сте е*ени играчи, вие сте глумци“, беснееше Обрадовиќ по своите кошаркари.

Zeljko Obradovic: You're actors, you're not players 👀 pic.twitter.com/ZaK5RIjNHV
— BasketNews (@BasketNews_com) October 5, 2023

Обрадовиќ: Миротиќ? Водам сметка за момците кои ги имам тука

Бошко Тасиќ — Tue, 29 Aug 2023 04:20:20 +0000

Најпоззнатиот тренер Жељко Обрадовиќ го собра тимот на Партизан на стартот од подготовките за новата сезона. Во малата сала во „Штарк арена“ во Белград, Обрадовиќ го реализираше првиот собир притоа истакнувајќи ги амбициите на тимот за новата сезона.

„Со големи амбиции ја чекама сезоната. Имавме интересно лето, а не чека напорна сезона. Ќе имаме 42 натпревари во првите четири месеци и затоа е важно добро да се подготвиме. Не сме комплетно, но фокусот ќе биде на создавање хемија. Тоа и тоа како е важно“ – рече Обрадовиќ, запрашан и околу преодниот рок.

„Преферирам ако треба да бидат донесени помалку засилувања, но квалитетно. А не доведување кошаркари ради ред“. Следеше и прашање за Никола Миротиќ, како најголема сага од минатото лето, но Обрадовиќ брзо стави точка на таа тема. „Миротиќ? Многу повеќе ќе водам сметка за луѓето кои се овде. За Никола веќе зборуваа лицата од клубот“ – порача Обрадовиќ.

ВИДЕО: Сите слават, а Обрадовиќ лут како рис му удри „воспитна“ на непоканет гостин!

Ристе Здравков — Fri, 23 Jun 2023 08:38:10 +0000

Екипата на Партизан конечно го прекина постот и по пауза од десет години одново е шампон на АБА лигата. „Црно-белите“ ја добија драмата од пет натпревари против лутиот ривал Црвена Звезда и одново се искачија на врвот во ова натпреварување. Додека цела „Штарк Арена“ беше на нозе и го славеше големиот триумф, Жељко Обрадовиќ беше бесен како рис. Еден навивач влета на паркетот и почна да се радува со остатокот од клупата на Партизан, иако натпреварот не беше завршен. Обрадовиќ го забележа тоа и му удри „воспитна“ на непоканетиот гостин и го испрати надвор од паркетот.

Željko Obradović bolado com o banco comemorando antes do fim HAHAHAHAHAHAHAHAHAHAHpic.twitter.com/YtKd4BgncJ
— Tabela de Ferro - Basquete Europeu (@TabelaDeFerro) June 22, 2023

Во моментот на најголемото славје, кога натпреварот практично е завршен и титулата обезбедена, не дозволува непрофесионално однесување. Тоа е Жељко Обрадовиќ.

Обрадовиќ: Не бевме паметни, еден скок го одлучи натпреварот

Бошко Тасиќ — Fri, 05 May 2023 04:40:42 +0000

Белградски Партизан загуби од Реал Мадрид на домашен терен (85-78), а тоа значи дека „мајсторка“ ќе одлучува за тоа кој ќе игра за фајналфор турнирот во Евролигата. „Црно-белите“ се вратија во Белград со водство од 2-0, но на домашен терен ги загубија двата натпревар, па сега ќе мора по третпат да слават во Мадрид ако сакаат да го задржат сонот за пехар во ова натпреварување. Тренерот Жељко Обрадовиќ веднаш посочи каде го загубиле натпреварот, односно според него клучниот момент е офанзивниот скок и кош на центарот Таварес кога се кршеше резултатот во последната четвртина. -Еден скок го реши натпреварот. Еден скок! Не игравме паметно, не знам зошто. Мораме нешто да промениме, се надевам тоа ќе го направиме до петтиот натпревар и ќе сфатиме зошто не одигравме паметно, -порача Жељко во првата реакција. Клучната пресметка меѓу овие две екипи е закажана за 10 мај во Шпанија.

Жељко Обрадовиќ им се обрати на навивачите на Партизан пред пристигнувањето на Реал во Белград

Бошко Тасиќ — Sun, 30 Apr 2023 04:52:18 +0000

Спрскиот кошаркарски тим Партизан води со 2:0 во серијата, а вториот меч го одбележа масовна тепачка меѓу играчите при крајот на натпреварот, по што Евролигата изрече казни и суспензии. Страстите се доста вжештени, навивачите на Партизан најавуваат топло добредојде за Реал, а денеска се обрати и тренерот на црно-белите Жељко Обрадовиќ. „Она што би сакал - нашите навивачи да разберат дека ова е дел од спортот, играчите разговараа меѓу себе и тоа треба да биде крај. Наидовме на феноменално гостопримство од Реал на овие два натпревари. Мислам дека треба да го направиме истото и во Белград, да возвратиме, ниту еден играч, член на стручниот штаб или навивач на Реал да не се чувствува непријатно, а од Белград да ја испратиме сликата која секогаш ја имаше на нашите натпревари“, истакна Обрадовиќ.

Обрадовиќ по инцидентот во Мадрид: Да се фокусираме на кошарката

Ивона Петрова — Fri, 28 Apr 2023 08:23:37 +0000

Тренерот на кошаркарите на Партизан, Жељко Обрадовиќ, изрази задоволство од предноста на неговиот тим од 2-0 во четвртфиналната серија во Евролигата против Реал и додаде дека масовната тепачка со која предвреме беше означен крај на синоќешниот втор натпревар во Мадрид не смее веќе да се повтори. Партизан поведе со 2-0 во серијата до три победи, откако триумфираше со 95-80 во вториот натпревар, кој поради масовна тепачка меѓу играчите од двата тима беше прекината во самиот финиш. „Ова не е добра слика ниту за Реал, ниту за Партизан, тоа не смее веќе да се повтори. Играчите имаат емоции, но ова не смееше да се случи. Ќе се обидам да ги смирам сите, имам пријатели во Реал, тоа е голем клуб и сакам да се зборува само за кошарка“, рече Обрадовиќ по натпреварот. На една минута и 40 секунди пред крајот на натпреварот дојде до масовна тешка на паркетот, откако кошаркарот на Реал, Серхио Љуљ, направи груб прекршок врз противничкиот играч Кевин Пантер, кој возврати на провокацијата. Играчот на Реал, Гершон Јабуселе, потоа со боречки зафат го собори Данте Егзум, кој го повреди скочниот зглоб на левата нога и заработи голема исеченица на рамото. Во општиот хаос дојде до меѓусебна пресметка меѓу двата тима, по што на теренот влегоа обезбедувањето и полицајци и ги раздвоија играчите од двата табора. Судиите по прегледување на видеоснимките го прекинаа натпреварот, а Дисциплинската комисија на Евролигата дополнително ќе се произнесе околу казните за играчите.

Обрадовиќ: Има видео-снимка и добро се гледа кој го почна инцидентот

Бошко Тасиќ — Fri, 28 Apr 2023 04:54:14 +0000

Европската кошаркарска јавност е шокирана од инцидентот предивикан од неспортската лична грешка на Серхио Љуљ во финишот на дуелот Реал Мадрид - Партизан. Сепак, и покрај тоа што тепачката и прекинот на натпреварот е топ-тема, големиот џентлмен, Жељко Обрадовиќ се обиде да го минимизира и испрати порака за партизановите фанови пред третиот меч кој на програмата е во вторник во Белград. „Имаме 2-0 и среќни сме за начинот на кој игравме. Она што се случи на крајот не е добра слика ниту за Реал Мадрид, ниту за Партизан. Ова не смее да се повтори никогаш. Ќе се обидам да ги смирам тензиите. Евролигата ќе решава за казните, има видео снимка и убаво се гледа кој го почна инцидентот“, рече Обрадовиќ по мечот.

Жељко Обрадовиќ втора година по ред најдобар тренер во АБА лигата

Бошко Тасиќ — Wed, 26 Apr 2023 20:42:01 +0000

Жељко Обрадовиќ тренерот на белградски Партизан втора година по ред е избран занајдобар стратег во регионалната кошаркарска АБА-лига. „Црно-белите“ завршија како најдобри во регуларниот дел од сезоната и во плеј-офот ќе ја имаат предноста на домашниот терен. Обрадовиќ победи во гласањето со 72% од гласовите, зад него остана тренерот на Задар, Даниел Јусуп со 13%, додека третото место му припадна на Ненад Стефановиќ од таборот на ФМП Железник.

Обрадовиќ: Пантер сам одлучи да шутира, следниот натпревар е клучен

Бошко Тасиќ — Wed, 26 Apr 2023 05:09:54 +0000

Носени од неверојатната еуфорија и победите во март и април српскиот претставник во Евролигата, Партизан, оствари историска победа во Мадрид против Реал со 87-89, во првиот четвртфинален натпребар на Евролигата. Екипата на Жељко Обрадовиќ до победата стигна со тројката на Кевин Пантер на 04, секунди до крајот. На прес-конференцијата по мечот тренерот Жељко Обрадовиќ го анализираше натпреварт. „Одигравме фантастичен натпревар. На крајот можеа двете екипи да победат.Задоволен сум од тоа како тимот се бореше четириесет минути. Одлуката Пантер да шутира во последниот напад беше негова одлука. Ова не е првпат да погодува вакви шутеви Кевин, а се надевам дека нема да биде ниту последен. Играше многу добро, тој е неверојатен играч, носеше добри одлуки.Играме против екипа која е еден од главните фаворити за освојување на Евролигата. Најголема грешка што би можеле да ја направиме е да играме релаксирано следниот натпревар. Тоа е првото нешто што им го кажав на играчите во соблекувалната. Следниот натпревар е клучен“, заврши Обрадовиќ.

УРНЕБЕСНО ВИДЕО од Подгорица: На прес-конференција двапати го утнаа името на Жељко Обрадовиќ (ВИДЕО))

Бошко Тасиќ — Mon, 23 Jan 2023 06:07:47 +0000

Навистина несекојдневна и комична сцена се случи денеска по натпреварот во кој кошаркарите на Партизан славеа убедлива победа против Студентски Центар (100:81). Средбата од АБА лигата имаше свое продолжение во прес просторијата од каде излезе видео кое веднаш се прошири низ балканските медиуми. Имено, портпаролот на Студентски Центар, беше збунет пред самото обраќање на легендарниот Жељко Обрадовиќ кој е тренер на Партизан. Во најавата го утна неговото име и наместо Жељко го нарече Душко, на што тренерот на Партизан го запраша дали го знае и дали навистина се вика Душко. Портпаролот се извини, му возврати дека го знае и потоа повторно го најави како Душко Обрадовиќ. Тогаш настана комична ситуација во која сите во прес собата се изнасмеаја, а „имун“ не остана ни Жељко Обрадовиќ кој не му најде за зло на портпаролот кој два пати го погреши неговото име. https://twitter.com/i/status/1617260676140916738