зелка – Kurir.mk

Посна пита со зелка: Направете пециво во кое ќе уживате и во посните денови (РЕЦЕПТ+ВИДЕО)

Ристе Здравков — Fri, 10 Mar 2023 08:57:20 +0000

Ако сакате пити со зелка, оваа може да ви стане омилена. Доколку постите, добро е да направите список со рецепти кои можете да ги направите. СОСТОЈКИ: 1 главица кисела зелка 2 китки млад кромид или праз 4 лажици варен ориз малку мелен бибер масло Подготовка:

Верувале или не: Најстарата желка во светот наполни 190 години!

Ивана Ефремовски — Thu, 08 Dec 2022 14:11:43 +0000

Се верува дека желката Џонатан се родила во 1832 година. Официјално станала најстарата желка во светот, јавува Би-Би-Си. Покрај тоа што оваа желка е вистински шампион во светот на желките, се смета и за најстарото познато копнено животно. Тој живее на Света Елена, оддалечен остров во јужниот дел на Атлантскиот Океан, каде што се верува дека пристигнал во 1882 година со Сејшели. Овој џин го прославил роденденот со “торта салата“, која му била направена, само од неговата омилено овошје и зеленчук.

Во овој период многумина јадат ајвар и кисела зелка, дознајте повеќе за нивната хранлива вредност

Ивана Ефремовски — Thu, 17 Nov 2022 09:57:03 +0000

Тоа што е сигурно е дека свежите зеленчуци сигурно се поздрави во однос на готвените и конзервираните. Зимницата е одличен начин да се зачува нивниот вкус, но дали останува и нешто друго во теглите? На ајварот ретко кој може да одолее, па оттука доаѓа и прашањето дали воопшто користиме барем мал дел од хранливата вредност на пиперките од кои се подготвува. Одговорот е дека користиме само растителни влакна, бидејќи во процесот на печење, варење и пржење, тие ги губат сите нутритивни вредности. Од друга страна пак, кога зеленчукот не е термички обработен, како на пример туршијата, се задржуваат голем дел од изворните, но и добива нови хранливи карактеристики. Ова особено важи за киселата зелка, која во текот на ферментацијата добива и пробиотски вредности, кои го заштитуваат телото од болести. Единствено треба да внимавате на количината сол која била употребена при подготовката. Нутриционистите препорачуваат киселата зелка да се измие под млаз вода, за да се намали количината сол која ја внесуваме. Исто така, сметаат дека треба да ги јадеме овошјата и зеленчуците кои се соодветни на тековната сезона, иако во маркетите можеме да ги најдеме сите видови. Тие се третирани и нутритивно посиромашни во однос на периодот кога им е сезона.

ВИДЕО: Двоглавата желка Јанус наполни 25 години

Ивона Петрова — Sat, 03 Sep 2022 13:17:06 +0000

Двоглавата желка Јанус денес наполни 25 години. Природниот музеј во Женева, каде е желката, смета дека ова е најстарата бицефална желка во светот. Освен две глави, желката има и две личности. Желката има две срца, бели дробови, но и две личности. За неа се грижат Анџелика Буржоан и тим негователи кои ја хранат со салата и органски производи. Желката секој ден добива и масажа, како и купка од зелен чај и камилица. Двоглавата желка редовно оди на прошетки, понекогаш со музика, а се вози и на скејтборд кој е изработен по мерка. Ројтерс пренесува дека таа не би живеела долго во дивината бидејќи не може да вги вовлече двете глави во оклопот. Забележливи се и промените во расположените, а повремено може да дојде и со расправија, кога на пример треба да се одлучи во која насока ќе се движи, доколку двете глави сакаат различна страна. -Десната глава е љубопитна, будна, има многу силна личност. Левата е пасивна и сака да јаде, вели Буржоан.

Happy Birthday, Janus: Janus, the two-headed tortoise was seen getting pampered ahead of his 25th birthday celebrations over the weekend. pic.twitter.com/EnAuroyWdm
— KION News Channel 46 (@KION546) September 3, 2022

Откриена желка која може да ги расветли последните години на Помпеја

Ивона Петрова — Mon, 27 Jun 2022 08:35:55 +0000

Археолози од Италија открија остатоци од желка во разурнатата Помпеја во Стар Рим, стари речиси 2.000 години. Животното најдено меѓу остатоците од древниот град под вулканот Везув во Јужна Италија, живеело и во 62. година н.е. – по разорниот земјотрес, но пред вулканската ерупција во 79. година што засекогаш го уништила градот. Откритието можеби ќе помогне да се расветлат последните години на градот Помпеја, т.е. периодот на повторена изградба по земјотресот, смета управителот на археолошкиот парк, Габриел Зухтригел. Според археолозите, оваа желка не е прва откриена на наоѓалиштето. Сепак, она што е посебно за овој примерок е тоа што не е пронајден во градината на некогашниот град, каде што се откриени другите. – Очигледно, не биле преизградени сите куќи, а средишните области на градот исто така биле напуштени, па станале собиралиште за диви животни, појасни Зухтригел. Научниците пронајдоа и јајце во внатрешноста на желката, што води до претпоставки дека желката можеби копала за да најде место за да го изведе, рече управителот, додавајќи дека ова е вообичаено за видот „тестудо хермани“ (testudo hermanni). Желката била пронајдена во областа на Термите на Стабија, а била закопана во пепел, кал и лава во 79. година, поради што и е делумно зачувана. Помпеја била повторно откриена во 18 век, а како археолошко наоѓалиште денес е и една од најпопуларните туристички атракции во Италија.

Десетици мртви желки и делфини пронајдени кај Гватемала

Ивона Петрова — Fri, 24 Jun 2022 08:01:05 +0000

Десетици желки, делфини и други морски видови се пронајдени угинати на брегот на Тихиот Океан кај Гватемала, што поттикна официјална истрага, соопштија властите. Оваа недела биле пронајдени 65 мртви желки, од кои повеќето му припаѓаат на видот „маслиново Ридли“, и 14 делфини. Официјалните лица веруваат дека случајот веројатно бил предизвикан од поројните дождови последните денови, што можеби однеле некои токсични материјали од континентот во морето, соопшти Националниот совет за заштитени подрачја на Гватемала. Стручњаците од оваа средноамериканска земја ќе ги испитуваат остатоците од животните за да ја утврдат причината за смртта. Властите продолжуваат да бараат уште угинати животни близу брегот.

Производителите на зелка од струмичко излегоа на протест, бараат повисоки откупни цени

Ивона Петрова — Fri, 15 Apr 2022 12:18:53 +0000

Производители на пролетна зелка денеска со протест со трактори по улиците на градот и со едночасовна блокада на крстосницата кај ТЦ „Глобал“ го искажаа своето незадоволство од ниските откупни цени. Тие бараат зелката да не се откупува под 30 денари за килограм и побараа итна средба со министерот за земјоделство, Љупчо Николовски и Инспекторатот за земјоделство. Како што кажаа на протестот, договореното од последната средба со откупувачите и Инспекторатот за земјоделство, зелката да се откупува по 20 денари за килограм во текот на оваа седмица сопгласно законот не се почитува и денеска откупната цена е 15 денари. -За да опстанеме и да можеме идната година година повторно да ја засадиме оваа култура откупната цена треба да изнесува 30 денари за килограм.Бараме итна средба со министерот која ќе се одржи најдоцна до недела и доколку не се случи тоа тогаш ќе го радикализираме протестот со блокирање на патишта, рече Васе Панов, производител на пролетна зелка. На протестот беше кажано дека дел од трговците прават манипулации при откупот, односно се пишува дека зелката се откупува по 20 денари, а се намалуваат килограмите на откупеното и зелката се исплаќа по 15 денари за килограм. Затоа, земјоделците бараат реакција од надлежните за да се спречат таквите манипулации. Дел од земјоделците реагираа што на протестот не присутвувале поголем број земјоделци кои биле на нивите и според нив барем три денови не треба да се бере зелката и да не се носи на откупните пунктови.

Не е само вкусна салата: Зелката е вистински лек, еве за што може да ви помогне

Ивана Ефремовски — Mon, 06 Sep 2021 14:27:56 +0000

Зелката содржи многу витамини, како витамин А (особено пролетните видови), Б1, Б9, Ц-витамини. Богата е со минерали, како фосфор, калциум, калиум, бакар, магнезиум, јод. Големиот процент хлорофил кој го содржи го зајакнува создавањето на хемоглобинот и се спротивставува на анемијата. Но треба да запомните дека хлорофилот се губи со готвењето. Затоа, најдобро е зелката да ја јадете свежа. Вистински лек за сè е свежиот сок од зелка, кој можете да го измешате со сок од морков и со неколку капки лимон за поубав вкус. Сокот од зелка е корисен за враќање на рамнотежата на кожата, при проблеми со бубрезите и болки во мускулите, артритис, ревма и слично. Помага при чир на желудник, цревни инфекции, паразити, астма, грип и во диетите за дијабетичари. Затоа, најдобро е зелката да ја јадете свежа. Вистински лек за сè е свежиот сок од зелка, кој можете да го измешате со сок од морков и со неколку капки лимон за поубав вкус. Сокот од зелка е корисен за враќање на рамнотежата на кожата, при проблеми со бубрезите и болки во мускулите, артритис, ревма и слично. Помага при чир на желудник, цревни инфекции, паразити, астма, грип и во диетите за дијабетичари.

ФОТО+ВИДЕО: Ветеринари со мајонез спасиле отруени желки

Ивона Петрова — Fri, 05 Mar 2021 09:35:23 +0000

Желки кои се спасени откако биле прекриени од нафта на израелски брег, добиваат мајонез како лек. Надлежните од Национиот центар за спасување на морски желки велат дека мајонезот помага во прочистување на дигестивниот тракт кај ова животно. Излевањето на нафтата во областа е една од најголемите забележани еколошки катастрофи во Израел. Официјалните лица ја испитуваат причината поради која нафтата се излеала. Илјадници волонтери и војници помагаат лепливата супстанца да се отстрани. Јанив Леви кој е основач и директор на Националниот центар истакнал дека успеале да спасат 27 желки. -Сите имаа катран на главата, во очите, носевите, устите, дигестивниот систем и стомакот. Без терапија имаа мали шанси за преживување. Го отстранивме карантинот од нивните носеви и очи за да можат да гледаат и дишат, објаснува Леви. Користеле билно масло, а потоа мајонез за да го отстранат катранот од страните во желудникот и цревата. -Стигнаа прекриени со катран. Во душниците исто така имаа. Им дадовме мајонез за да им се исчисти дигестивниот систем и да се исфрли катранот, изјавил медицинскиот асистент Гај Ивги. Во следните недела или две се очекува целосно закрепнување и потоа животните ќе бидат вратени во вода.

Знаете дека е здрава, но овие својства на зелката ќе ве изненадат

Ивана Ефремовски — Mon, 01 Jun 2020 15:05:03 +0000

Зелката има безброј полезни својства за здравјето на организмот. Поставувањето на лист од зелка на челото може да ја смири болката во главата. Зелката е исто така полезна и за градите бидејќи го намалува ризикот од рак на градата. Минималната доза за да се постигне лековитиот ефект од зелката е таа да се консумира најмалку два пати седмично.