Том Круз ќе снима филм во Земјината Орбита

Ивана Ефремовски — Mon, 10 Oct 2022 10:27:31 +0000

Откако безброј пати ги испроба личните можности со акробациите на Земјата, Том Круз наскоро оди во орбитата и би можел да стане првиот цивил што ќе искуси вселенско излегување. Се снима нов филм со режисерот Даг Лиман, што вклучува и патување во Вселената Тоа го потврди и претседателката на одборот директори на студиото „Јуниверзал“, Дона Ленгли, откривајќи подробности за Би-би-си. -Круз и Лиман, кои соработуваа на филмот „На работ на времето“, смислија и ново дело за време на пандемијата. Том Круз нѐ води во Вселената. Целиот свет ќе го носи таму. Тоа е планот. Имаме одличен проект со Том, кој размислува да оди на Меѓународната вселенска станица. Тој треба да стане првиот цивил кој ќе оди на „вселенско излегување“ вон МВС. Ќе глуми лик кој е „предаден од среќата“, но се наоѓа во можност да биде единствената личност што може да го спаси светот, изјави Ленгли. Филмот е во фаза на подготвување, а снимањето сѐ уште не е почнато. Том Круз, инаку, беше наратор на кусиот документарен филм „Вселенска станица 3-Д“ од 2002 година. Доколку отпатува, тој сепак нема да биде првиот глумец на задача на МВС, бидејќи лани таму се снимаше рускиот филм „Предизвик“ што своето прикажување ќе го има во април 2023 година, па глумицата Јулија Перезилд и режисерот Клим Шипенко веќе минаа 12 дена со астронаутите. (МИА)

„Амазон“ нaјави над 3.000 интернет-сателити во Земјината Орбита

Ивона Петрова — Wed, 06 Apr 2022 09:17:22 +0000

„Проектот Кујпер“ како иницијатива на „Амазон“ соопшти дека се резервирани десетици лансирања на свои интернет-сателити во Земјината Орбита. Сателитите ќе бидат поставени преку моќни ракети кои ги развива европската компанија „Аријанспејс“, со американските „Јунајтед лонч алијанс“ и „Блуе ориџин“. Предвидени се вкупно 83 лансирања со ракети, во период од пет години, со цел поставување на мрежата од 3.236 сателити на. Подробнсти за цените на договорот, не се соопштени, но познато е дека се вложија милијарди долари во три зделки, според наводите на Џејмс Воткинс, гласноговорник на „Проект Кујпер“. И „Амазон“ потврди дека ова е „најголемиот договор за лансирање ракети“ во историјата. Сателитите во ниската орбита на Земјата ќе треба да обезбедат интернет-покриеност на целата планета. За да се користи системот, ќе треба да се има посебна антена којашто беше најавена во 2020 година. Концептот е доста сличен на постарата сателитска интернет-мрежа „Старлинк“ на „Спејс-Икс“, која ќе се состои од 10-ци илјади сателити коишто би обезбедувале интернет од ниската орбита на Земјата. „Старлинк“ досега има околу 250.000 корисници, а „Кујпер“ сѐ уште нема лансирано ниту еден сателит. Од ракетите,, засега во функција е само ракетата „Атлас В“. Кога потребните ракети ќе бидат готови ќе имаат и поголема товарна носивост.

Земјина Орбита – Kurir.mk

Том Круз ќе снима филм во Земјината Орбита

„Амазон“ нaјави над 3.000 интернет-сателити во Земјината Орбита