земјоделие – Kurir.mk

Дождот добредојден за земјоделците – идната недела оптимални услови за дособирање на родот

Магдалена Андонова — Fri, 15 Oct 2021 09:22:13 +0000

Влажниот бран донесе количества дожд еквивалентни на двомесечни суми. По подолг сушен период, ваквиот, умерен карактер на врнежи кои целосно се апсорбираа во сувата почва, е она што им беше потребно на земјоделците, велат агрометеоролозите. Сепак, додаваат, моментно површинската влага е преголема за да почнат какви било работи на нива. -Со оглед на прогнозите, овој влажен бран завршува викендов па наредната седмица треба да имаме пред се суво време, без врнежи, на почетокот со умерена облачност, со покачување на дневните температури кои треба да достигнат и до 20 степени во текот на неделата, што е добра вест за земјоделските производители. За земјоделците е битно што облачноста ќе ги одржува утринските температури на повисоко ниво, а дневните температури ќе бидат во пораст со што ќе се загрее атмосферата и нема да бидат забележани минимални утрински температури. Тоа ќе им се овозможи оптимални услови за дособирање на родот, истакнуваат агрометеоролозите.

Трипуновски: Субвенциите ги воведе владата на ВМРО-ДПМНЕ, а истите денес СДСМ не успева ни да ги подели на време согласно календарот на субвенционирање

Магдалена Андонова — Sat, 21 Aug 2021 12:23:59 +0000

СДСМ е партијата која ветуваше живот во Македонија и достоинствен живот за земјоделците, но и денес продолжува со лицемерниот однос. Само за потсетување, субвенциите ги воведе владата на ВМРО-ДПМНЕ, а истите денес СДСМ не успева ни да ги подели на време согласно календарот на субвенционирање, стои во Фејсбук објавата на Цветан Трипуновски од ВМРО-ДПМНЕ. - Наместо вакви празни прес конференции, СДСМ да каже кога ќе го подели т.н. петти пакет за тутунарите, кога ќе ги исплати обештетувањата од природни непогоди од претходните години, кога и зошто не обезбеди сигурен пласман и високи откупни цени на земјоделските производи, да каже зошто јавните повици за млад земјоделец сѐ уште не се завршени??? Почитувани земјоделци, се гледа крајот на погубните политики на СДСМ, доаѓа ново време за сите граѓани на Република Македонија, пишува тој. Фејсбук статус на Цветан Трипуновски

Мицкоски: Поради Заев земјоделието е во драматична состојба, 1 килограм тутун е колку 1 кутија цигари, грозјето се фрли, а акумулациите се испразнети

Магдалена Андонова — Wed, 09 Dec 2020 15:28:15 +0000

Христијан Мицкоски, претседател на ВМРО-ДПМНЕ на денешната прес конференција за оценка на 100 дена на владата на СДСМ и Зоран Заев, во делот на земјоделието истакна дека состојбата како и во другите сектори така и во овој е драматична, а за тоа говори и последното случување за откуп на тутунот, односно како што рече тој цената на тутунот е на најниско ниво во последните 15 години, а еден килограм тутун вреди колку кутија цигари. Во земјоделието состојбата е драматична. Цената на тутунот е на најниско ниво во последните петнаесетина години. Килограм тутун вреди колку кутија цигари, додека Владата на Заев дозволи увоз на тутунот. Последните денови гледаме дека оризопроизводителите се буквално во агонија поради историски најниската откупна цена за оризопроизводителите. Во овие сто дена лозарите го фрлаа грозјето по нивите затоа што исто беа измамени од владата. Во овие сто дена немаше ниту субвенции за житните и градинарски култури, без субвенции останаа и оние со лозов и овошен насад, вели Мицкоски. Мицкоски се осврна и на еколошката катастрофа, додавајќи дека природните и вештачка езера се на биолошкиот минимум а власта од таквото празнење прави бизнис. Акумулациите, езерата се целосно испразнети. Еколошка катастрофа буквално во секој поглед. Природните и вештачките езера се на биолошкиот минимум а власта од таквото празнење прави бизнис, нагласи Мицкоски.

Здравковски:Заменик министерот за земјоделство, Димковски беше дел од тимот кој направи непоправлива штета во земјоделието

Магдалена Андонова — Thu, 24 Sep 2020 12:15:24 +0000

Игор Здравковски, Пратеник во Собранието во своето обраќање посочи дека СДСМ пред да дојде на власт ветуваше едно општество за сите и потсети на пи-ар тим кој во текот на кампањата имаш еден многу јак прогресок кој гласаше „теовел еменге буте бер шенге , обиџуку“. Имено Здравковски укажа дека тоа едно општество за сите било само за „ офтото април“ и кога требало да се делат оние социјални пакети. -Од овој предлог заменици министри гледаме дека тоа не важи и гледаме дека имаме предлог само за две етнички заедници односно вклучително тука е и турската три, а останатите Бошњаци, Роми, Срби, Власи воопшто не се вклучени. Премиерот кажа дека ќе биле од пониските структури меѓутоа тоа не е она што го нарекуваме врвот на државната управа, рече тој. Имено Здравковски потенцираше дека најмногу му паѓал во очи заменик министерот за земјоделство, Трајан Димковски затоа што тој бил дел од тимот кој што направил најголема штета во земјоделието. -Тој беше дел од тимот кој направи една катастрофа и една непоправлива штета во земјоделието. Тој беше дел под тимот кога се увезоа милион килограми тутун по цена од 5 евра, а тука просечната цена на тутунопроизводители им беше 220 денари. Беше дел од тимот кога 135 илјади тони јаболко од Ресен се произведоа, половината се продадоа како индустриски по еден денар, а трпезните по 8 денари што ги става овие производители во Ресен во една ситуација каде што ниту напред, ниту назад не можат да преживеат ниту можат да се откажат, вели пратеникот. Тој додаде дека во врска со цената на грозјето власта не може да постигне загарантирана цена иако тоа го ветуваше дека ќе се постигне.

АУДИО БОМБА: Закани и уцени од кабинетот на министерот за земјоделие – откажи се заради фамилијата!

Тале Кристо — Sun, 12 Jan 2020 12:09:38 +0000

Скандалозна аудио снимка од разговор помеѓу Томе Мојсовски, советник на министерот за земјоделие Трајан Димковски и лице вработено во инспектарот во Охрид – пристигна до редакцијата на „Економски Лидер“. Откако ја утврдивме автентичноста на разговорот, но и го детектиравме очигледниот јавен интерес – ја објавуваме на нашиот медиум. На снимката се слуша како Мојсовски, кој важи за еден од најблиските луѓе до министерот, го уценува инспекторот од Охрид да укине одредена концесија, а доколку не го стори тоа го принудува да си поднесе оставка. Скандалозно е што директно од кабинетот на министерот, спротивно на законите се бара укинување на концесија, а доколку инспекторот тоа не го стори му се предлага да си даде оставка. Социјалдемократот Мојсовски, во мафијашки стил, на подредениот му вели: -Ако тоа не го направиш земи поднеси барање и поднеси оставка. Друго немам што да ти кажам брат, додека не дојдат некои поголеми работи, значи те молам зради тебе и зради фамилијата, утре ќе се сретнеме, ти си младо дете, јас сум повозрасен, молимте значи две работи ти кажав, прво се да исчистиш и од се да се оградиш и второ ако не можиш да се оградиш барај си ќаре дете ова не е добро, ниту за тебе ниту за… – вели Томе Мојсовски во снимката. Инаку, Мојсовски е истакнат социјалдемократ, барем според она што може да се забележи на социјалните мрежи а во хиерархијата важи за еден од најблиските луѓе на министерот Трајан. Во прилог целосниот транскрипт од разговорот, во кој се забележуваат сериозни кривични дела: Лице: – Молим Томе Мојсовски: Јоване Лице: Еј Томе Мојсовски: Што правиш Лице: Повели Томе Томе Мојсовски: Што правиш Лице: Добар сум еве овдека во Охрид Томе Мојсовски: Овде не слушам за некој број Лице: да, да овој Томе Мојсовски: Па не можам да го отворам телефонот тој ми е на … Лице: овој го користам да ти кажам, другиот не Томе Мојсовски: имам неколку работи што мораме да ги расчистиме пот итно Лице: што требит, повели Томе Мојсовски: Има две работи. Први работа е или да фатиш да ја средиш комплет постапката со надзорните контроли Лице: Добро Томе Мојсовски: А втората работа е ДА СИ ДАДИШ ОСТАВКА да не настанат поголеми промени тоа што те коментираат најдругарски ти го кажувам е голема опасност. Лице: Кој к*р коментирање Томе Мојсовски: Ова ти го кажувам другарски, јас не сум човек што сум те мразам, ниту пак сакам да те мразам ……………. Лице: Добро Томе Мојсовски: Тоа што зборуваат дека имам против тебе нешто, јас немам, ова не би ти го кажал ако имав нешто против тебе Лице: Добро Томе Мојсовски: направи …………….. и од се да се оградиш и под итно да ја скиниш концесијата на концесионерот. Второ ако тоа не го направиш земи поднеси барање и поднеси оставка. Друго немам што да ти кажам брат, додека не дојдат некои поголеми работи, значи те молам зради тебе и зради фамилијата, утре ќе се сретнеме, ти си младо дете, јас сум повозрасен, молимте значи две работи ти кажав, прво се да исчистиш и од се да се оградиш и второ ако не можиш да се оградиш барај си ќаре дете ова не е добро, ниту за тебе ниту за …………… ниту за ………, ниту за државата наша. Значи ни бевме кај градоначалникот, бевме секаде, значи секаде си Јоване мој злато влезен, секаде си спомнуван Јоване, ти си дете младо, барај ќаре, јас ќе те поддржам ако поднесеш барањето за …………., јас ќе те поддржам нема никој да те чепне, а другото брат јас нема да те поддржам. Тоа другото нема јас да ти го поддржам. Молимте Лице: чекај сега тоа е ако … Томе Мојсовски: не чекам јас ти кажав Лице: си правиме сега муабет Томе Мојсовски: ќе правиме муабет кога ќе дојдеш у Скопје Лице: готово во Скопје Томе Мојсовски: ајде здраво Лице: Ајде

ВМРО-ДПМНЕ: Погубните политики на оваа влада го уништуваат земјоделието и сточарството во Македонија

Ивана Ефремовски — Thu, 28 Mar 2019 08:12:03 +0000

СДСМ континуирано ги лаже земјоделците и сточарите, обвинуваат од ВМРО-ДПМНЕ. -Зоран Заев се што им вети на земјиделците пред избори ги излажа. Поради неисполнетите ветувања на Заев, земјоделците од Велес излегоа на протест. Погубните политики на оваа влада го уништуваат земјоделието и сточарството во Македонија. Сточарството и земјоделието се пред колапс. Ниските откупни цени за јагнето се грабеж врз сточарите. Сточарите се уценувани од откупувачите заради негрижата и незаинтересираноста на државата и Министерството за земјоделие. Откупните цени се катастрофални и погубни за сточарите. Сточарите мака мачат додека Министерот се луксузира по хотели со пет звезди на најефзотичните дестинации, се наведува во партиското соопштение. Од ВМРО-ДПМНЕ порачуваат дека оваа влада е синоним за неуспех и политики кои што негативно се одразуваат врз земјоделието низ целата држава. -Министерот Николовски на чело со Заев и СДСМ мора да поднесе одговорност за очајната состојба во македонското земјоделие. Со СДСМ Република Македонија само тоне. Нема просперитет со власта на Заев, токму затоа потребно е што побргу да си заминат, посочуваат од партијата.