зенит – Kurir.mk

Бојан Дубљевиќ го засили рускиот Зенит

Бошко Тасиќ — Tue, 11 Jul 2023 04:51:07 +0000

Црногорскиот кошаркар Бојан Дубљевиќ е ново засилување за рускиот кошаркарски клуб Зенит. Тој потпиша договор на една сезона, со опција за продолжување на соработката. Дубљевиќ од 2012 година настапуваше за шпанскиот прволигаш Валенсија, а претходно во кариерата беше дел и од Ловќен и од Будуќност. Со Валенсија тој освои два трофеи во Еврокупот, има една титула во шпанското првенство како и во шпанскиот Суперкуп.

Моерман нов кошаркар на Зенит

Бошко Тасиќ — Fri, 27 Jan 2023 05:53:04 +0000

Францускиот кошаркар Адриен Моерман кариерата ќе ја продолжи во Зенит, потврди клубот од Санкт Петербург. Двократниот освојувач на Евролигата со Анадолу Ефес, потпиша договор до крајот на сезоната. Она што е интересно е дека од почетокот на конфликтот во Украина, Кошаркарската федерација на Франција им забрани на своите играчи да потпишуваат за руските клубови по цена да го загубат местото во националниот тим. Моерман неодамна го напушти Монако, а на негово место е доведен Чиму Монеке.

Ертел потпиша за Зенит

Бошко Тасиќ — Thu, 22 Sep 2022 06:15:00 +0000

Томас Ертел во иднина ќе настапува во руски клуб, а со тоа веројатно ќе го загуби местото во националниот тим. Француската кошаркарска федерација јасно им нагласи на своите репрезентативци дека нема да можат да бидат дел од националниот тим ако настапуваат за клубови во Русија и Белорусија, а Ертел и неговите колеги потпишаа и посебна декларација пред почетокот на Европското првенство. По завршувањето на ЕП, Ертел сепак реши да потпише за Зенит и ќе соработува со Чави Пасквал, кој е тренер на тимот од Ст. Петербург. Со овој потег 33-годишниот кошаркар се елиминира од националниот тим на две години пред Олимпијадата која ќе се одржува во Париз. Зенит нема право да учествува во европските купови, па главната амбиција ќе биде освојување на ВБТ лигата.

Били Берон нов кошаркар на Армани од Милано

Бошко Тасиќ — Wed, 29 Jun 2022 19:05:06 +0000

Американскиот бек Били Берон е нов кошаркар на Олимпија од Милано. Берон ја официјализираше двегодишната соработка со тимот предводен од Еторе Месина. 31-годишниот играч од Пенсилванија имаше доста успешна сезона во која со Зенит ја освои титулата во домашниот шампионат. Во ВТБ јунајтед лигата имаше просек од 14,6 поени со фантастичен процент за шутот за три поени - 46,5% Берон е професионалец од 2014 година, а играше за Лиетовос Рутас, Шарлероа, Мурсија и Црвена Звезда, а потоа се пресели во Зенит. Тимот од Милано по потписот со Берон соопшти дека на искусниот плејмејкер Малколм Дилејни нема да му биде продолжен договорот.

Рајковиќ во комбинација за тренерското место во ЦСКА и Зенит

Ивона Петрова — Thu, 02 Jun 2022 07:33:49 +0000

Македонскиот кошаркарски стручњак, Емил Рајковиќ, следната сезона може да стане предводник на руските кошаркарски гиганти ЦСКА Москва или Зенит, објавија тамошните медиуми. Според „Слободен агнет“ застапници на Рајковиќвеќе стапиле во контакт со раководствата на двата руски клуба. Како што е објавено, Македонецот е подготвен да се врати во Русија, но само во еден од финалистите во тековната сезона на ВТБ лигата. Тој има можности да работи и во шампионатот на Шпанија и Италија. Во сезоната 2021/22, Рајковиќ беше тренер на Автодор, клуб со кој оствари забележителни резултати и покрај скромниот буџет во споредба со ривалите од ВТБ-лигата. Претходно, Рајковиќ беше тренер на Астана (2018-2021). На крајот од сезоната 2018/19, тој беше прогласен за тренер на годината во ВТБ лигата. Се шпекулира дека тренерите на ЦСКА и Зенит, Димитрис Итудис и Хавиер Пасквал, ќе ја напуштат Русија и ќе си бараат нов ангажман.

Руските кошаркарски тимови можат да бидат домаќини во Белград во Евролигата

Бошко Тасиќ — Sat, 26 Feb 2022 08:55:23 +0000

Конфликтот помежу Русија и Украина носи и големи промени во светот на спортот. Најмногу на удар се екипите од Русија, кои поради санкциите нема да бидат во можност домашните натпревари да ги играат на домашен терен. Многу европски екипи веќе соопштија дека немаат намера да патуваат во Русија, а како што пренесуваат српските медиуми во целата приказна се вклучи Белград, кој е подготвен да организира шест домашни натпревари на руските тимови: ЦСКА, Уникс и Зенит. Овие наводи ги потврди и заменик градоначалникот на Белград, Горан Весиќ. „Точно е дека Евролигата неофицијално стапила во контакт со град Белград со прашањето дали можеме да бидеме домаќини на шест натпревари кои руските клубови Зенит, ЦСКА и Уникс треба да ги одиграат во периодот од 1 до 17 март“, за српски „Новости“ потврди Весиќ. Тој наведува дека во име на град Белград, по консултации со претседателот Вучиќ, тој дал согласност споменатите натпревари да се играат во престолнината на Србија. „Ја гарантираме безбедноста на сите спортисти, без разлика дали се од Русија, Украина или која било друга земја. Кај нас сите се добредојдени и безбедни. Така што ние сме подготвени да бидеме домаќини и на овие и на други натпревари кои евентуално би биле откажани доколку одлучи Евролигата. Белград е сигурен партнер на Евролигата и град на спортот и пред сè на кошарката“, додаде Весиќ. Токму поради воениот конфликт во Украина веќе се одложени сите натпревари на руските екипи во Евролигата.

ЛШ: Јувентус го победи Малме и го презеде врвот во групата Х

Бошко Тасиќ — Wed, 08 Dec 2021 20:07:31 +0000

Лондонски Челси забележа само реми на гостувањето кај Зенит со резултат 3-3, а Јувентус беше подобар од Малме на свој терен со 1-0 во последното коло од групната фаза во Лигата на шампионите. Вистинска драма се одвиваше во самата завршница од мечот помеѓу Зенит и Челси, а најпрво гостите преку Вернер уште во втората минута поведоа со 0-1, но Клаудињо во 38, односно Азмуин во 41 минута донесоа пресврт за домаќините. Во второто полувреме Лукаку во 62 минута погоди за 2-2, за во 85 минута Вернер со својот втор гол на мечот да донесе одново предност за „Сините“ од Лондон, кои испуштија победа во самиот финиш од средбата по голот на Оздоев. Јувентус пак, го искористи киксот на Челси и со минималната победа над Малме со 1-0 на свој терен го освои првото место во оваа група, а голот за победа на „Старата дама“ го постигна Кин во 18 минута. На табелата во конкуренцијата „Х“, како првопласиран во нокаут фазата ќе прогресира Јувентус со 15 бода, а Челси од второто место со освоени 13 бодови. Зенит со пет бода од третото место продолжува во нокаут рундата од Лига Европа.

Барселона го растури Зенит и си обезбеди Ф4 во Келн

Бошко Тасиќ — Tue, 04 May 2021 21:14:55 +0000

Кошаркарската секција на Барселона е последниот патник на фајналфор турнирот во кошаркарската Евролига откако каталонскиот гигант го растури Зенит во решавачкиот натпревар со 79-53. Каталонците доминираа од почеток до крај на натпреварот, не дозволувајќи сензација на оваа „мајсторка“. Најефикасни на мечот беа Хигинс со 15 и Калатес со 12 поени. Кај Зенит единствен со двоцифрен ефект беше Појтрес со 11 постигнати поени. Барселона во полуфиналето од Ф4 турнирот во Келн ќе се сретне со Милано, додека во втората полуфинална пресметка ќе играат ЦСКА Москва и Анадолу Ефес.

Зенит изедначи против Барса, мајсторка ќе решава за Ф4 во Келн

Бошко Тасиќ — Fri, 30 Apr 2021 20:08:17 +0000

Кошаркарите на Зенит ја победија Барселона со 74:61 во четвртиот натпревар од четвртфиналето од плеј-офот во кошаркарската Евролига и израмнија на 2-2 во серијата подобар до три и патникот на Ф4 во Келн ќе го решава мајсторка. Одлучувачкиот натпревар ќе се одигра на 4 мај, а победникот од серијата во полуфиналето ќе се сретне со подобриот играч од дуелот меѓу Анадолу Ефес – Реал Мадрид каде во моментов исто така резултатот е 2-2. Пенгос заврши со 22 поени и 8 асистенции, а Алекс Поетрес постигна 12. Кај Каталонците Ник Калатес беше најдобар со 19 поени, додека Кори Хигинс додаде 13.

Имобиле по триумфот над Зенит се надева на пласман во плејофот на Лигата на шампионите

Ивона Петрова — Wed, 25 Nov 2020 07:22:45 +0000

Напаѓачот на Лацио, Чиро Имобиле, по синоќешната победа над Зенит со 3:1 во Лигата на шампионите во Зенит, очекува неговиот тим да стигне до плејофот. Имобиле кој беше двоен стрелец на овој меч рече дека игра со сета своја страст. – Јас секогаш играм со сета страст. Сакав добро да ја завршам својата работа. Историјата на овој клуб ја напишаа многу играчи и многу вреди да бидам меѓу нив. Морам да им се заблагодарам на соиграчите, благодарение на чија игра имам доволно можности да се докажам и да постигнам погодок. Сега одиме во Дортмунд за да си обезбедиме поминување на групата, истакна Имобиле. По четири кола во Ф-групата, води Борусија Дортмунд со 9 бода, Лацио има 8, Клуб Бриж 4, Зенит 1. Во плејофот одат двете првопласирани екипи.