женска фудбалска репрезентација – Kurir.mk

Македонските фудбалерки со убедлив триумф го почнаа УЕФА квалификацискиот У19 турнир во Скопје

Катерина Бојаџиева — Tue, 04 Apr 2023 15:37:12 +0000

Македонската женска фудбалска репрезентација до 19 години ја совлада попладнево Грузија со високи 4-0 (2-0) во воведниот натпревар на УЕФА квалификацискиот турнир од втората рунда во Б – Лигата на нации што денеска почна во Скопје. Панеска во 22 минута ја донесе Македонија во водство, а предноста до крајот на полувремето ја удвои Сулејмани (45+2). Избраничките на селекторот Астрит Мерко дојдоа убедлив триумф над Грузија со два гола во финишот на натпреварот на тренинг центарот на ФФМ преку Меијер (82) и Настовска (90+5). Во вториот натпревар од воведното коло ви групата Б1, Израел на стадионот во Ѓорче Петров го совлада Гибралтар со 6-0. Македонската репрезентација во второто коло, в петок од 13 часот, ќе игра против Гибралтар, а во завршното коло в понеделник против Израел. Пласман во А – дивизијата од Лигата на нации ќе обезбеди првопласираната репрезентации од квалификацискиот турнир во Скопје.

Maкедонските репрезентативки изгубија од Луксембург

Магдалена Андонова — Tue, 12 Apr 2022 19:10:27 +0000

Македонската женска фудбалска репрезентација доживеа пораз со 2:1 на денешното гостувањето во Луксембург во рамките на квалификациите за Светското првенство 2023. Селекцијата предводена од селекторот Кирил Изов дојде до водство уште во првата минута со голот на Гентјана Рочи, но до крајот на првото полувреме Луксембург направи пресврт со двата гола на Томсон. Во продолжението Македонките пропуштија неколку шанси за израмнување,. „Црвено-жолтите“ го запишаа седмиот пораз во групата и се претпоследни на табелата со три бода. Луксембург е четврти со девет бода. До крајот на квалификациите Македонија ќе одигра уште два меча, со Летонија на домашен терен и на гости против Австрија. (МИА)

Македонските фудбалерки ја пречекуваат Северна Ирска

Ивона Петрова — Thu, 25 Nov 2021 08:53:20 +0000

Женската фудбалска А репрезентација на Северна Македонија денеска ја пречекува Северна Ирска во рамките на европските квалификации за пласман на Светското првенство 2023 што ќе се одигра во Австралија и Нов Зеланд. Натпреварот, кој се игра во рамките на групата Д од квалификациите, ќе се одигра на тренинг центарот „Петар Милошевски“ од 13 часот. Ова е првиот натпревар од двомечот кој ги очекува избраничките на селекторот Кирил Изов против Северна Ирска. Вториот натпревар ќе се одигра на 29 ноември во Белфаст.

Женската репрезентација до 19 години со триумф против Кипар го заврши квалификацискиот турнир во Белорусија

Тале Кристо — Tue, 26 Oct 2021 14:44:36 +0000

Македонската женска фудбалска репрезентација до 19 години со триумф против Кипар од 4:2 го заврши квалификацискиот турнир во Белорусија за пласман во А квалификациската група за ЕП. Македонките со две победи (Фарски Острови и Кипар) и пораз (Белорусија) завршија на второто место во групата. На денешниот натпревар „црвено-жолтите“ имаа негатива од два гола. Кириакиди и Замани во 21 и 24. минута донесоа предност за Кипар, но потоа следуваше целосен резултатски пресврт. Николовска во 35. минута намали на 1:2, а во второто полувреме Викторија Недева со два гола донесе водство на Македонија од 3:2. Велкова ги постави конечните 4:2 во последната минута од натпреварот. Белорусија заврши како првопласирана во групата со максимални три победи и девет освоени бода.