женска ракометна репрезентација – Kurir.mk

Мицевска: Првиот натпревар секогаш е важен, одиме на победа против Азербејџан

Бошко Тасиќ — Wed, 11 Oct 2023 05:47:55 +0000

Женската ракометна репрезентација на Македонија со дуелот против Азербејџан на домашен терен, денес ќе ги стартува настапите во квалификациите за пласман на Европското првенство 2024 година. Голманката на „црвено-жолтите“ Јована Мицевска вели дека првиот натпревар секогаш е најважен, а таа со своите колешки ќе дадат се од себе за победа. „Имавме неколку дена за да се подготвиме за првиот натпревар против Азербејџан. Гледавме видеа и верувам дека сме подготвени бидејми знаеме со каква репрезентација ќе се соочиме. Првиот натпревар секогаш е најважен, и затоа мора да се покажеме во најдобро светло. Нормално целта е пласман на Европско првенства, така да треба да дадеме се од себе и со победа позитивно да го отвориме овој квалификациски циклус. Верувам во оваа репрезентација и сите очекуваме успешен натпревар против Азербејџан“, изјави Мицевска. Натпреварот меѓу Македонија и Азербејџан кој ќе се игра во малата сала во СЦ „Јане Сандански“ е закажан за утре со почеток во 18 часот.

Женската ракометна репрезентација ги започна подготовките за квалификациите за ЕП 2024

Бошко Тасиќ — Mon, 09 Oct 2023 04:14:51 +0000

Селекторот на женската ракометна репрезентација Кристијан Грчевски го имаше првиот собир на женската ракометна репрезентација на Македонија пред почетокот на квалификациите за пласман на Европското првенство 2024 година. Ракометарките во овој октомвриски прозорец ги чекаат два натпревари на домашен терен против Азербејџан во среда, како и гостинскиот дуел со Литванија на гостински терен четири дена подоцна.

РФМ го соопшти новиот селектор на женската ракометна репрезентација

Бошко Тасиќ — Fri, 15 Sep 2023 19:20:36 +0000

Ракометната федерација на Македонија (РФМ) соопшти дека замена во женската ракометна репрезентаја за Љубомир Савевски е Кристијан Грчевски. Помошници на Грчевски на кормилото на Македонија ќе му бидат Ања Алтхаус и Едуарда Аморим. Грчевски ќе ја предводи Македонија во квалификациите за Европското првенство 2024, а од тие натпревари ќе зависи и неговото продолжување на договорот.

Македонија како носител на ждрепката ќе чека ривал во баражот за СП

Бошко Тасиќ — Sat, 19 Nov 2022 06:58:46 +0000

Во рамките на завршната прес-конференција на ЕХФ по повод Европското првенство за дами во Љубљана, ќе бидат извлечени плеј-оф паровите за баражот за следното Светско првенство. На извлекувањето, закажано за денес во 13:45 часот, својот противник ќе го дознае и селекцијата на Македонија. Како репрезентација која беше дел од Европското првенство, Македонија од првиот шешир ќе добие ривал за баражот, а ќе се избегнат силни селекции како Шпанија, Херманија, Унгарија, Романија, Словенија и Хрватска Своите места на Мундијалот следната година веќе го обезбедија домаќините Данска, Шведска Норвешка како и Франција Црна Гора и Холандија.

Шешири за ждрепката за баражот за Светското првенство:

Шешир 1: Шпанија, Романија, Унгарија, Словенија, Хрватска, Германија, Србија, Полска, Македонија, Швајцарија Шешир 2: Чешка, Австрија, Словачка Унгарија ,Португалија Исланд Италија , Грција и Турција.

Мицевска ја има третата најдобра одбрана во првото коло од Европското првенство (ВИДЕО)

Бошко Тасиќ — Sun, 06 Nov 2022 15:58:41 +0000

Голманката на македонската ракометна репрезентација, Јована Мицевска се најде во топ пет одбрани од првото коло на Европското првенство. Мицевска ја има третата најдобра одбрана, а најдобрата ја има противничката на Македонија, Клеопатра Дарле. https://twitter.com/i/status/1589226092325388289

Савевски ги одбра ракометарките за Европското првенство (ФОТО)

Бошко Тасиќ — Thu, 20 Oct 2022 05:18:28 +0000

Селекторот на македонската женска ракометна репрезентација, Љубомир Савевски објави список од 19 ракометарки кои ќе бидат во комбинација за престојното Европско првенство. Македонија е домаќин на групата Ц од Европското првенство кое започнува на 5. ноември. А покрај нашата репрезентација во групата се уште и селекциите на Холандија, Франција и Романија. Македонија Европското првенство ќе го започне против Франција на 5 ноември, а два дена подоцна играме со Холандија, на 9 ноември е дуелот со Романија. Сите натпревари ги играме во СЦ „Борис Трајковски“ и сите почнуваат од 18 часот.

Ракометарките загубија и на вториот тест со Норвешка

Бошко Тасиќ — Sat, 01 Oct 2022 16:43:44 +0000

Женската ракометна репрезентација на Македонија доживеа пораз и на вториот контролен меч од Норвешка Б во рамките на ЕХФ неделата. На првата средба загубивме со минимални 27-26, а пак денеска избраничките на Љубомир Савевски беа надиграни со 37-27. Скандинавките беа порасположени за игра иако во првиот дел бевме рамноправен противник и на паузата заминавме со негатива од 16-14. Во вториот дел немавме решение на нивниот напад, примивме дури 21 погодок што е премногу за 30 минути. Маџовска со шест гола беше најефикасна, Гичевска, Јанкуловска и Ристовска пак постигнаа по четири погодоци.

Ракометарките со пораз го почнаа настапот на Медитеранските игри

Бошко Тасиќ — Thu, 30 Jun 2022 17:35:31 +0000

Македонската женска ракометна репрезентација го загуби првиот натпревар на Медитеранските игри во Алжир откако денеска бевме поразени од Турција со убедливи 34-27. Избраничките на Љубомир Савевски беа добри на стартот од мечот, резултатот беше 9-9 кога Турчинките почнаа да се одлепуваат, на одморот противникот имаше предност од 19-16. Во вторите 30 минути сликата беше иста, Турција ја зголеми предноста и на крајот го доби мечот со 34-27. Најефикасна во нашиот состав беше Кипријановска со шест голови, Џатевска постигна пет. Следниот натпревар на Македонија е против Србија.

Ракометарките сите натпревари на ЕП ќе ги играат во ист термин

Бошко Тасиќ — Fri, 06 May 2022 19:20:15 +0000

Женската ракометна репрезентација на Македонија како еден од домаќините на Европското првенство 2022 година сите натпревари во Скопје во „Борис Трајковски“ ќе ги игра во терминот од 18 часот. Избраничките на селекторот Љубомир Савевски натпреварите ќе ги почнат на 5.ноември против Франција во рамки на Групата Ц, два дена подоцна ќе ги одмерат силите со Холандија, а на 9.ноември играме против Романија. Групата што ја доби Македонија на ждрепката минатата недела е исклучително тешка, па ќе биде навистина големо изненадување ако успееме да ја минеме првата фаза и да играме во главната рунда, што исто така се игра во Скопје. Преостанатите групи се играат во Словенија, односно Црна Гора, кои се ко-организатори на континенталниот турнир заедно со Македонија.

Савевски: Дуелот со Норвешка е одлична можност за ново искуство на ракометарките

Бошко Тасиќ — Mon, 18 Apr 2022 22:34:04 +0000

Во завршниот круг од ЕХФ Купот, македонската женска ракометна репрезентација неделава ќе одигра два натпревари со репрезентацијата на Норвешка. Избраничките на селекторот Љубомир Савевски во соочувањата со најтрофејната селекција во женскиот ракомет има уште една можност да го стекне неопходното искуство пред настапот на Европското првенство што ќе се одигра кон крајот на годинава. “Два натпревари со Црна Гора, два натпревари со Словенија и сега два со Норвешка, мислам дека ниту една женска ракометна репрезентација на Македонија до сега не одиграла толку пријателски дуели за една година. Ова за нас е богатство, огромна шанса ракометарките да го стекнат неопходното искуство. За нас во стручниот штаб е многу значајно да се види до каде сме, каде може да ги подобриме работите, посебно во овие претстојни натпревари со Норвежанките. Ќе се сретнеме со светска ракометна велесила, селекција која освојувала златни медали на сите големи натпреварувања и е убедливо најтрофејната репрезентација во женскиот ракомет. На состанокот пред почетокот на подготовките реков дека ова е празник за нас, без разлика во каков состав ќе допатуваат Норвежанките. Без разлика во која состав доаѓаат тоа е исклучително силен тим, негува многу брз ракомет, со одлична транзиција. Ние ќе се обидеме да покажеме што знаеме и да се натпреваруваме, да видиме до каде сме. Идентичен пристап имавме и на првите четири средби немаме намера предвреме да се предадеме и треба на секој натпревар да играме најдобро што можеме бидејќи преку овие дуели можеме да дојдеме до квалитет на екипата која во следната деценија ќе биде дел од големите натпреварувања”, рече селекторот. Савевски. За жал и на овој натпревар предводникот на националниот тим повторно на располагање нема да ги има сите ракометарки на кои смета за Европското првенство. “Токму така. На ниту еден натпревар не бевме комплетни. Очекувавме дека на овој меч ќе дојде Елена Георгиевска, која за жал се уште е повредена. Десподовска и Мркиќ по хируршките зафати полека се враќаат на теренот и нивната форма оди во нагорна линија, но се решив да не ги повикам бидејќи се уште е рано за нив во толку кус период да одиграат два тешки натпревари. Имаме доволно време и можности тие да бидат дел од националниот тим бидејќи не очекуваат Медитеранските игри и ЕХФ неделата во септември. Им посакувам пред се здравје и да продолжат со добрите игри и сигурно ќе бидат дел од репрезентацијата бидејќи добро е за сите нас да имаме што е можно поголем ростер. Имаме млади, перспективни ракометарки кои се наметнуваат за место во репрезентацијата и верувам дека ќе создадеме тим што ќе може да биде рамноправен противник со најдобрите селекции од Стариот континент”, заврши селекторот Савевски. Мечот против Норвешка се игра в четвртот во А1 арената Борис Трајковски и почнува во 19 часот и 30 минути.