Жерард Пике – Kurir.mk

ВИДЕО: Пике понижен и исвиркан – Публиката скандираше „Шакира, Шакира“, Касиљас му ја нарача „Waka, waka“

Ивона Петрова — Mon, 31 Jul 2023 19:44:40 +0000

Поранешниот шпански фудбалер Жерард Пике од крајот на кариерата е посветен на својот проект King's League, во чии рамки минатиот викенд организираше голем промотивен настан во пресрет на новиот турнир. Организираше голем собир во ноќен клуб каде што требаше да одржи говор... а публиката не мислеше како него. Имено, откако Пике застана со микрофон во рака, пубиката се сврте кон него и почна да скандира: „Шакира, Шакира“. Како што тврдат обожавателите на пејачката, видно изнервиран Пике одговорил: -Како и да е, јас сум се уште светски шампион, а вие сте никој и ништо, наводно рекол Пике.

Crowd chants “Shakira” at Gerard Piqué during a Kings League event in Madrid. pic.twitter.com/fwDMIWArn6
— Pop Crave (@PopCrave) July 30, 2023

Како да ова не му било доволно, во текот на вечерта се слушнала и песната на Шакира „Waka, waka“, која ја побарал поранешниот соиграч на фудбалерот од репрезентацијата, Икер Касиљас. Тоа е химната на Светското првенство во Јужна Африка 2010 година, благодарение на која се запознаа Шакира и Пике, за време на снимањето на сега веќе познатото музичко видео. Каталонските медиуми неодамна пишуваа дека на Пике му пречи кога ја слуша музиката на Шакира за време на забава, па при неодамнешната посета на ноќниот клуб Uniq во Андора, тој побарал од сопственикот ниту една песна на неговата поранешна сопруга да не се пушта во текот на вечерта.

Пике на Инстаграм ја замени Шакира со Клара Чиа: Поплава од коментари под фотографијата, но не на новата, туку на една стара! Еве за што станува збор

Дарко Андоновски — Mon, 22 May 2023 17:05:45 +0000

Жерар Пике објави пред неколку часа нова фотографија на Инстаграм на која се појавува прегрнат со својата девојка, 22 годишната Клара Чиа Марти. Кадарот повторно ја разгорува контроверзноста, а фановите на Шакира коментираат на последната фотографија која фудбалерот ја објави заедно со неговата партнерка за да ја покажат својата љубов.

View this post on Instagram

A post shared by Gerard Piqué (@3gerardpique)

Пике веќе некое време го „исчисти“ својот Инстаграм профил, бришејќи дел од фотографиите со поранешната партнерка, Пакира. Одлуката да се објави кадарот на кој се појавува во прегратки на Клара ги поттикна следбениците (особено оние на неговата поранешна) масовно да се „истурат“ под најновата фотографија на Пике, но и да продолжат да пишуваат коментари под една стара фотографија објавена на Инстаграм профилот на Пике каде тој позира со Шакира во убавите стари времиња пред да се разделат. Станува збор за фотографија која датира од јули 2021 година, пред околу две години. Иако денес и двајцата имаат сосема различни животи, ова не ги спречи фановите да ја користат токму таа фотографија за да покажат носталгија и поддршка на Колумбијката. Има десетици неодамнешни коментари објавени под старата фотографија: пораки кои датираат главно од пред помалку од 12 часа и кои се инспирирани од последната фотографија што ја сподели Пике на која се појавува покрај својата нова девојка.

View this post on Instagram

A post shared by Gerard Piqué (@3gerardpique)

По шпекулациите дека не сака деца со неа, Пике ѝ задава нов удар на Клара Чиа Марти? Еве зошто нема да оди со него во Мајами

Ристе Здравков — Thu, 20 Apr 2023 08:46:54 +0000

Колумбиската пејачка Шакира неодамна се пресели во луксузна вила во Мајами со синовите Саша и Милан. Таа конечно може да се одмори откако беше под очите на јавноста речиси една година, по разделбата со фудбалерот Жерар Пике. Двојката се раздели откако фудбалерот ја изневери поп-пејачката со неговата нова партнерка Клара Чиа. По раскинувањето, Шакира долго време се подготвуваше да оди во Мајами со своите деца. И конечно дојде тој момент. Шакира детално го уредила својот нов дом пред да се пресели во Америка, а сега е време да се опушти и да ужива во друштво на своите синови. Поминаа две недели од почетокот на април, кога Шакира пристигна во САД. Нејзините деца почнаа да одат на училиште и тоа во едно од најдобрите и најексклузивните на Флорида. Претходните денови Шакира беше фотографирана како се забавува на натпревар со Саша и Милан. Но, се чини дека немаат многу време за уживање, бидејќи Пике наскоро доаѓа да ги посети. Според договорот, тој има 10 дена секој месец да ги помине со децата. Пике нема да дојде со Клара Чиа, а тоа го побарала Шакира. „Се очекува средбата во Мајами да биде тензична“, им потврдија адвокатите на Пике на новинарите. Освен тоа, според „Ванитатис“, Шакира и Пике се скарале пред патувањето во Мајами, бидејќи поранешниот фудбалер бил лут што Колумбијката решила да замине порано од претходно договореното.

И ПОНУДИЛЕ 1 МИЛИОН ДОЛАРИ, НО ТАА ОДБИЛА – девојката на Пике за само една работа можела да биде милионерка, но оваа понуда не ја сметала за примамлива

Дарко Андоновски — Tue, 28 Mar 2023 17:08:18 +0000

Клара Чиа Марти, девојката на Жерард Пике, со која поранешниот фудбалер наводно ја изневерувал Шакира, се најде во центарот на скандал за кој се зборува со месеци и со тоа привлече големо внимание кај шпанските медиуми. Неодамна ѝ била понудена голема сума за интервју во кое би ги кажала деталите за врската со Пике, а откако ја одбила понудата, Кјара добила нова понуда од милион долари за само една фотографија во костим за капење, пишува „Essentiallysports“. Меѓу другото, шпанските медиуми ѝ понудиле милион долари за да се појави на телевизија, но 23-годишната студентка ги одбила сите понуди.

View this post on Instagram

A post shared by Gerard Piqué (@3gerardpique)

За потсетување, Шакира ги прозва Клара и Пике во нејзината хит песна, а парот останува далеку од очите на јавноста. Пике на крајот на јануари ја објави нивната прва заедничка фотографија на Инстаграм и така се најде на удар на критичарите, а неодамна наводно ѝ се заканил на новинарка која го прашала за песната на Шакира додека тој се шетал по улица со Кјара.

МАЈКАТА НА ПИКЕ ГО КРИЕЛА СИНОТ ДЕКА ИМА ЉУБОВНИЦА – Шакира дури била и истепана од свекрвата, деталите од драмата го заобиколија светот (ВИДЕО)

Дарко Андоновски — Mon, 27 Mar 2023 13:53:17 +0000

Шпанските медиуми пренесуваат дека Шакира се степала со Монсерат Бернаберу, мајката на поранешниот партнер, Жерар Пике. Новинарката Лаура Фа тврди дека мајката на Пике од самиот почеток знаела за неговата врска со студентката и му помогнала да го скрие тоа од Шакира. Наводно, причината за ваквото однесување е тоа што Шакира никогаш немала добри односи со својата свекрва. „Сето ова е затоа што кога започна врската на Пике и Клара, тие се криеја во куќата на родителите на Пике во Кабрилс, Шпанија“, изјавила таа. Исто така, шпанските медиуми тврдат дека Шакира и Бернаберу имале физичка пресметка пред Пике и нивните деца, а за инцидентот сведочел извор близок до фудбалерот.

Shakira is better than me fr!! Cause if my mother in law touches me like that she’s losing her hand. I’m dead serious, she’s losing her whole Fvcking arm pic.twitter.com/REXalYe0tK
— Ms.KeiKei (@iamKeira18) January 23, 2023

„Бернаберу ја удри Шакира по лицето пред Жерард и нивните деца“, рекол изворот, додавајќи дека двете имале сериозна расправија. Потсетуваме, колумбиската пејачка Шакира неодамна дозна за изневерувањето на својот долгогодишен партнер Жерар Пике со Клара Чија Марти.

Пике откри како се „купуваат“ судии во Шпанија

Ристе Здравков — Tue, 14 Mar 2023 12:06:16 +0000

Барселона се најде во центарот на спортската јавност деновиве, откако беше обелоденет скандалот со наводното поткупување на потпретседателот на судиската комитет во Примера, Енркие Негреира. Допрва ќе се докажува за што точно биле исплаќани огромните хонорари на сметката на Негреира, кои изнесуваат нешто над седум милиони евра, а шпанското обвинителство веќе покрена постапка за овој случај. За овој скандал зборуваше веќе поранешниот играч на Каталонците, Жерар Пике, кој изјави дека „сите знаат на кој начин се поткупува судија“. „Никогаш не сум го сретнал господинот Негреира, ниту пак, неговиот син. Подготвен сум да дадам заклетва и да сведочам пред судот, одговорно тврдам дека Барселона никогаш не поткупувала судии. Сите знаат како се поткупува судија, се сретнувате со него на договорена локација, му врачувате коверт со пари и заминувате. Тоа е најлесниот и единствениот начин за такво нешто“. Зошто Барселона би го правела тоа преку официјални канали? Зарем мислите дека луѓето се глупави и исплаќале големи суми директно на сметката на потпретседателот на судискиот комитет? Никој не може да го оспори и занемари огромниот успех на Барселона. Нашиот тим е најдобар и тоа секогаш така ќе биде. Сега некако сите сакаат кон нас да навлечат гнев, дури и од неутралните љубители на фудбалот. Ние, играчите на Барселона , ги познаваме судиите затоа што играме долго во Шпанија. Но, кога доаѓа нов тренер, тој не ги знае толку како нас и затоа е сосема нормално клубот да ангажира судиски советници, каков што е случајот со Негреира“, заклучи легендарниот фудбалер на Барселона. Жерар Пике освои многу трофеи со каталонскиот гигант и застана во одбрана на својот веќе поранешен клуб. Претседателот на Барселона, Жоан Лапорта, вчера изјави дека „едвај чека да се сретне на суд со сите што сакаат да го нарушат угледот на клубот“.

Пике сакал да згази новинар, па му се заканувал со смрт: Скандалозно однесување на фудбалерот – сè поради едно прашање (ВИДЕО)

Ристе Здравков — Wed, 08 Mar 2023 09:33:43 +0000

Пике, полека, но сигурно се „одмаздува“. Иако на прва се чинело дека ужива во својот негативен публицитет, откако неговата поранешна партнерка објави песна во која изнесе пикантерии од нивниот однос, се чини дека ситуацијата полека се менува, така што одлучил да направи некои и повеќе од подготвени потези. Тој пред неколку денови, како што пишува „Marca“, се обидел да го прегази новинарот Жорди Мартин и тоа само затоа што му поставил едно прашање. Имено, новинарот го замолил Пике да ја искоментира новата песна на Шакира, која исто така му е посветена него. Мартин открил дека Жерар Пике пристигнал во куќата на родителите со својата девојка Клара Чиа Марти и не сакал да одговара на новинарските прашања за новата песна на Шакира која ја сними со Керол Џи. Мартин раскажа дека на сето тоа Пике само се насмеал и продолжил по својот пат. Меѓутоа, неколку моменти подоцна, фудбалерот ја напуштил куќата на родителите, а Мартин и натаму бил на своето место. Кога го здогледал, Пике за малку ќе го прегазел. „Денеска поминав низ непријатна епизода со Жерар Пике и Клара Чиа, за малку ќе ме прегазеше“, изјавил Мартин за шпанската емисија „El Gordo“.

View this post on Instagram

A post shared by ElGordoyLaFlaca (@elgordoylaflaca)

Како тоа да не било доволно, новинарот кажал дека добил и неколку закани од фудбалерот. „Кога излегоа, Пике толку го забрза автомобилот што за малку ќе ме прегазеше“, додал тој. „Нешто подоцна се разминавме и двајцата ми се смееја и ме навредуваа, ми покажуваа непристојни знаци“, објаснил новинарот. И, приказната тука не завршува затоа што Мартин навестил дека Пике на овој или оној начин го добил неговиот број од телефон и му се заканувал. „Пике го доби мојот број од телефон, па дури ми се јави и ми кажа дека ќе умрам, инаку ова не му е првпат“, изјавил новинарот.

Пике ја објасни контроверзната фотографија со Ибрахимовиќ од пред 13 години – сè уште ја памети реакцијата на Златан која е урнебесна

Ристе Здравков — Thu, 02 Mar 2023 21:14:05 +0000

Поминаа 13 години откако Жерар Пике и Златан Ибрахимовиќ биле протагонисти на фотографијата која предизвикала многу контроверзии и хаос, а што се случило тој ден на клупскиот паркинг кога двајцата играле за Барселона, појаснил поранешниот шпански играч. Пике и Ибра стоеле многу блиску, во малку непријатна ситуација, како пред бакнување, а во текот на разговорот со Ибаи Лансом во емисијата „After Kings“ на „Twitch“, Пике бил прашан за таа популарна фотографија и не се двоумел да ја каже својата вистина.

A female reporter joked that Zlatan Ibrahimovic was gay due to this photo with Gerard Piqué and this was his reply: "Come to my house and you'll see if i'm gay. And bring your sister too." 😂😂 pic.twitter.com/p4UjLZH3BI
— Football Tweet ⚽ (@Football__Tweet) December 5, 2017

„На таа фотографија сме на клупскиот паркинг. Тука се мојот автомобил и тука беа новинарите. Да можев да го бакнам Златан, тоа дефинитивно не би го направил на паркингот од клубот. Фотографијата е тотално извлечена од контекст. Најдобро од сè беше реакцијата на Златан“, се насмеал Пике. Откако фотографијата беше објавена, новинарката шведскиот напаѓач го прашала дали е хомосексуалец, а Ибра во свој стил одговорил: „Не, не, ти и твојата сестра може да дојдете сега и да ви докажам дека не сум геј“, изјавил тогаш Ибра.

#Pique explica el aquel polémico beso con su compañero #ZlatanIbrahimovic #zlatan !! Ahora ya todo sacamos de contexto !! Ah mira que listos !! Antes no dijeron que era parte del show como la #Apio y la #ErikRubin 😂😂😂😂🤷🏻‍♀️😁 pic.twitter.com/p2IhhNqNzM
— JUANGABRIELA💅🏼JACKSON (@YoZhoy) March 1, 2023

Пике и претходно за магазинот „FourFourTwo“ изјавил дека тоа било недоразбирање и дека Златан само му пришол за да му честита за објавувањето на неговата автобиографија, по што фотограф направил фотографија во моментот кога се ракувале.

Како фудбалерот го поминува времето со своите синови? Обожавателите на Шакира го КРИТИКУВАА ПИКЕ заради овој потег!

Ристе Здравков — Tue, 14 Feb 2023 14:48:19 +0000

Бурата која се крена во медиумите околу познатата колумбиска пејачка Шакира и нејзиниот поранешен партнер Пике Жерар не стивнува со месеци. Сите погледи на јавноста се вперени во нив двајца, а се чини дека животот му се превртел наопаку, а на проблемите не им се гледа крајот. Имено, на интернет неодамна се појави видео на кое се гледа како Пике ги вози своите синови Милан и Саша до куќата во која живеат момчињата со нивната мајка Шакира. Како што можете да видите на видеото, тој ги остава децата пред куќата на екстремно лошо време, додека надвор врне. Пике седи во својот автомобил, не му е гајле што дождот врне, дозволувајќи им на децата сами да го носат претешкиот куфер од багажникот на неговиот автомобил. Дури и кога децата со многу труд го влечеле тешкиот куфер, на видеото се гледа како автомобилот на Пике заминува со ширум отворено багажникот на возилото. Фановите на Шакира ја искористија оваа прилика да го критикуваат на Твитер. Го нарекоа неодговорен татко, кој наместо да излегува надвор, да им помага на децата и да се збогува со нив како родителите, тој се грижи случајно да не се намокри.

Tremenda lluvia, Milán cargando ese maletín grande, y el gran padre Gerard Piqué no es capaz ni de bajarse a entregar a sus hijos. Tanto afán que ni cerró el baúl del carro.
Tremendo hijo de P.

Como aguantaste tanto con ese petardo? @shakira pic.twitter.com/wFneRQ2YyE
— carladirty (@carla_dirty) February 8, 2023

– Колку страшен татко, не им помага со куферите, ниту пак со љубов се збогува со нив, а кутриот Милан едвај се снашол со куферот – коментирал еден корисник на видеото. Коментарите не завршуваат тука. -Каков татко полн со љубов… она што децата го сакаат е наскоро да ја видат својата мајка – на видеото со саркастичен тон реагирал друг корисник. А имаше и такви кои се чудеа како може Шакира да биде со таков човек толку години. – Сè уште ме збунува тоа што Шакира потроши 12 години за овој човек, оној кој ги остави децата сами, а едно од нив се мачи да носи тешка торба – додал друг.

ВИДЕО: На натпревар на кој бил Пике пуштена песната на Шакира, еве како реагираше

Ристе Здравков — Thu, 02 Feb 2023 14:10:16 +0000

Шакира и Пике денеска слават роденден. Таа полни 46 години, а тој 36. И додека сите нетрпеливо чекаат да дознаат дали Шакира навистина му подготвила уште една одмаздничка песна на својот поранешен љубовник како роденденски подарок во дует со сонародничката Карол Џи, видео од славниот фудбалер на трибините, видно засрамен, како ја слуша песната „Out of your league“ кружи на интернет. Во песната Шакира индиректно упатува навреди и критики кон него. Сите погледи на присутните на натпревар на НБА, каде што беше снимено видеото, во тој момент беа вперени во Пике, луѓето пееја на цел глас, го исвиркуваа фудбалерот, му се смееја, а тој пиеше пијалок и се обидуваше да сокрие колку му е непријатно, но не успеа.

Količina serotonina koju mi ovaj video daje ahhhh pic.twitter.com/umkzbIErx3
— Komsinica Ljilja (@KomsinicaLjilja) February 1, 2023

Јавноста воглавно е на страната на пејачката.