Жереми Тото – Kurir.mk

Тото: Не чека важен меч, клучот ќе биде во одбраната

Бошко Тасиќ — Wed, 08 Dec 2021 08:49:16 +0000

Францускиот ракометар Жереми Тото истакна дека ако Вардар против Загреб игра како против Кил позитивен резултат е можен од новиот меч во ЛШ. „Нашите очекувања за овој дуел се да бидеме силни како и против Кил. Во тој натпревар покажавме добро лице иако изгубивме. Сега сме фокусирани на овој натпревар. Гледавме видео-анализи и верувам дека сме спремни. Не чека многу важен натпревар, а клучот ќе биде во одбраната“, изјави Тото. Натпреварот помеѓу Загреб и Вардар се игра утре од 20:45 часот.

Жереми Тото ќе потпише за Нант

Бошко Тасиќ — Fri, 12 Nov 2021 22:34:08 +0000

Французинот Жереми Тото ќе го напушти тимот на Вардар на крајот од оваа сезона што значи дека нема да биде активирана втората година од договорот. Тото има договор 1+1 со Вардар, а најавите се дека тој се враќа во својата земја каде што веќе се има договорено со тимот на Нант, Жереми Тото е главниот дефанзивец сезонава во редовите на Вардар. Тој беше донесен на барање на Веселин Вујовиќ и го потврди својот квалитет. Се работи за еден од најборбените играчи, а помага и во нападот. Нант го сака Тото како замена за репрезентативецот на Србија, Драган Печмалбек кој потпиша за тимот на Веспрем.

Жереми Тото од Вардар е МВП на турнирот во Магдебург

Бошко Тасиќ — Sun, 22 Aug 2021 18:55:14 +0000

Македонскиот ракометен првак Вардар 1961 загуби во финалето од германски Магдебург на „Хумел Купот“, меѓутоа го има најдобриот играч на турнирот. За најкорисен ракометар (МВП) на настанот кој се одржа во Магдебург, прогласен е Жереми Тото. Новиот пивот на вардарци имаше одличен настап на турнирот и на двата меча беше на врвот на листата на стрелците. Вардар 1961 во финалето загуби од домаќинот поради катастрофални петнаесет минути на отворањето на второто полувреме. Третото место го освои словенечки Горење.

РК Вардар 1961 го потврди ангажманот на Жереми Тото

Бошко Тасиќ — Sat, 05 Jun 2021 15:35:44 +0000

Актуелниот ракометен шампион на Македонија Вардар 1961 зад себе остави година во која се израдува на двојната круна во домашните натпреварувања. Веќе се најавени многу засилувања за наредната сезона. Најзвучното е новиот тренер во Веселин Вујовиќ, кој ќе го замени Стевче Алушовски. Конкуренцијата на кружната напаѓачка позиција ќе ја зголеми Жереми Тото. Тој доаѓа од полскиот шампионат, каде ги бранеше боите на Висла Плоцк. Покрај Французинот, нови засилувања во редовите на „црвено-црните“ се Мартин Томовски, Али Сафар, Дарко Ѓукиќ, Едуардо Гурбиндо и Анте Кудуз. Тимот на македонскиот гигант ќе го напуштат Кантагрел, Јотиќ, Дисингер, Чупиќ, Шеваљевиќ и Векиќ.