жером боатенг – Kurir.mk

Му се намалиле приходите, Боатенг ќе мора да плати казна од „само“ 1,2 милиони евра

Ристе Здравков — Thu, 03 Nov 2022 08:19:01 +0000

Поранешниот фудбалер на Баерн Минхен и репрезентативец на Германија, Жером Боатенг не успеа да биде ослободен од обвинувањата за физички напад врз поранешната девојка, но му ја намалија паричната казна поради намалените приходи. Минатата година, Жером Боатенг беше осуден за физички напад врз поранешната девојка и мајка на неговите две ќеркички. Скандалот се случи во 2018 година во луксузно одмаралиште на Карибите по елиминацијата на Германија во групната фаза на Светското првенството. Дефанзивецот ја обжали оваа пресуда, но судот од Минхен синоќа ги отфрли неговите аргументи и го прогласи за виновен. Судот сепак му го прифати барањето да се намали паричната глоба, поради намалените приходи на Жером Боатенг, тој сега ќе мора да плати 1,2 милиони евра, наместо 1,8 милиони евра.

Боатенг за Алаба кој го бакна амблемот на Реал: Не правете врева…

Ивана Ефремовски — Sat, 04 Sep 2021 12:46:16 +0000

Дефанзивецот на Лион, Жером Боатенг, се заложи за Давид Алаба, кој го бакна амблемот на Реал Мадрид на промоцијата по трансферот од Баерн Минхен каде помина 13 години. -Секој знае колку значи Баерн за Давид. Она што го направил или било поради одредени околности, или фотографот го замолил да го стори тоа. Сигурен сум дека Алаба немаше лоши намери. Нема потреба да се крева врева околу ова, изјави Боатенг. Лион е мојот нов клуб и никогаш нема да ги заборавам 10-те години поминати во Баерн. За мене, се започнува одново, но нема потреба од претерување. Се надевам дека ќе успеам во Лион и ќе бидам успешен со клубот, додаде Боатенг. Во својата кариера, Боатенг има играни и за Херта, Хамбургер и Манчестер сити. (МИА)

Убавата манекенка се самоубила: Боатенг предупредуваше дека со неа нешто не е во ред, ја остави пред неколку дена

Ивана Ефремовски — Wed, 10 Feb 2021 14:23:17 +0000

Поранешната девојка на фудбалерот на Баерн Минхен, Жером Боатенг, изврши самоубиство. Касија Ленхард е популарна манекенка, која во последниот период имала бурен живот. Таа е пронајдена мртва во нејзиниот дом. Инаку, Каси и Боатенг беа во врска околу една година, а раскинаа на почетокот на овој месец. Бројни германски медиуми пишуваа за крајот на нивната љубовна врска. Каси ја обвини ѕвездата на Баерн за заговор, додека Боатенг истакна дека таа го „принудувала“ на врска и дека имала проблеми со алкохол. -Вчера околу 20.30 часот имаше полициска акција во Шарлотенбург под сомнение за самоубиство. Безживотно лице е пронајдено во стан. Нема индиции за убиство од трето лице, соопшти берлинската полиција. За крајот на оваа љубов, пред една седмица се обрати и Боатенг, а тој изјави дека Каси го принудувала на врска. „Се надевам дека ќе ја добие потребната помош“, рече Боатенг, а таа за германските медиуми изјави дека ќе ги коментира неговите изјави, но дека и треба време да „се собере“.

Боатенг: Чест е кога те вика Мурињо, ама….

Ристе Здравков — Wed, 12 Sep 2018 11:52:05 +0000

Жером Боатенг од Баерн Минхен изјави дека е почестен што интерес за него пројави Жозе Мурињо, но јавно се заблагодари за понудата да премине во Манчестер и реши да остане во Баерн. - Му се јавив на Мурињо и му реков дека сум почестен заради интересот од Мурињо и неговата голема упорност да ме ангажира Манчестер Јунајтед. Боатенг ги кажа причините зошто не може да ја прифати понудата. - Тешко е да се напушти Баерн, кој е еден од најголемите клубови во светот, особено откако тренер е Нико Ковач кој ме увери дека сум многу важен за тимот, изјави дефанзивецот. Фудбалерот објави дека имал понуда и од ПСЖ.

Проблеми за Ковач: Една од најголемите ѕвезди на Баерн Минхен заминува во ПСЖ

Матеја Петровски — Tue, 21 Aug 2018 09:14:40 +0000

Во финишот на преодниот рок францускиот шампион спрема мега трансфер, во Париз би требало да пристигне можеби најдобриот дефанзивец на Баерн Минхен и на Германија. Жером Боатенг е на прагот на трансфер во ПСЖ. За стоперот на Баерн заинтересиран беше Манчестер Јунајтед, но од таму понудија онолку колку што во Минхен би сакале. Меѓутоа, ПСЖ проблеми со парите нема, а дека трансферот би можел да биде реализиран потврди претседателот на клубот Ули Хенес. -Постојат реални шанси трансферот да се оствари. Жером го извести Карл Хајнц Румениге дека сака да си замине. Ќе се однесуваме во склад со тоа, ќе најдеме и доведеме негова замена, изјави Хенес.