Жером Саломон. – Kurir.mk

Франција го надмина прагот од два милиона луѓе заразени со Ковид-19

Ивона Петрова — Wed, 18 Nov 2020 06:18:01 +0000

Франција го надмина прагот од два милиона луѓе заразени со новиот коронавирус од почетокот на епидемијата. – Вториот бран е голем и смртоносен … Го преминавме прагот од два милиона заразени со коронавирусот, изјави синоќа директорот на Јавно здравје на Франција, Жером Саломон. Во Франција, во изминатите 24 часа заразени беа 45.552 лица, со што вкупниот број на заразени достигна два милиона и 36.755 лица. Саломон рече дека 437 лица починале во последните 24 часа, а 46.273 од почетокот на епидемијата.

Саломон: Показателите во Франција се лоши, судбината на епидемијата е во наши раце

Магдалена Андонова — Fri, 14 Aug 2020 12:11:38 +0000

Генералниот директор за здравство на Франција Жером Саломон, изрази прилична загриженост изутринава во интервјуто за радиото Франс Интер. Според него, индикаторите во врска со ширењето на коронавирусот се влошуваат, јави дописникот на МИА. Јавното здравство на Франција соопшти дека повеќе од 2.600 нови случаи на заразени со Ковид-19 биле идентификувани во само 24 часа. Бројки кои го загрижуваат генералниот директор за здравство, Жером Саломон. -Сигналите се многу загрижувачки и ситуацијата се влошува недела по недела. Но нема фатланост. Судбината е во наши раце затоа што денес имаме алатки за превенција. Французите ги знаат, тоа е миење на рацете, почитување на растојанието од еден метар, носење маска и недоверба кон се што може да ги стави во опасност: гужви и големи настани, каде што растојанијата не можат да се почитуваат и каде знаеме дека можеме да имаме изложеност на вирус, рече тој. Жером исто така тврди дека француските власти сега „добија многу во капацитетот за следење“ во последните неколку недели. -Капацитетот за тестирање стана важен благодарение на многу силната мобилизација на лабораториите и на сите здравствени работници. Денес правиме околу 100.000 тестови на ден, повеќе од 600.000 неделно. Ова ни овозможува подобро да ја следиме ситуацијата отколку кога бевме во март, рече тој. Според јавното здравство на Франција, стапката на позитивноста на тестот била 2,3 отсто во четвртокот, 13 август. На истиот датум, 233 кластери беа под истрага (+28 за 24 часа), хоспитализирани се 4864 пациенти (од кои 374 на интензивна нега и 18 нови смртни случаи биле регистрирани во болницата во последните 24 часа). (МИА)

Раководителот на француските служби за јавно здравје: Вирусот е сè уште тука и е смртоносен!

Љупчо Цветаноски — Wed, 20 May 2020 11:33:16 +0000

„Вирусот е сè уште тука и е смртоносен. Ако поканите гости во вашиот дом, носите маски, подоцна проветрете ја куќата и дезинфицирајте ги контактните површини, како што се рачките“, рече водачот на француските служби за јавно здравје Жером Саломон. Обраќајќи се пред јавноста за прв пат од укинувањето на карантинот на 11 мај, Жером Саломон ги предупреди Французите да ја почитуваат социјалната дистанца кога се дружат со пријателите и семејството. На деветтиот ден по укинувањето на карантинот, што траеше 55 дена, бројот на дневно заразени со коронавирус во Франција значително не се зголеми. Во вторникот коронавирусот е потврден кај 524 лица, а вкупно кај 143.427, односно е забележано зголемување од 0,4 проценти, што е нешто повеќе од просечните 0,3 проценти на ден од укинувањето на карантинот. Сепак, тоа е значително помалку од 0,8 проценти, колку што изнесувал дневниот пораст во последните две недели на карантин. Во првите две недели на карантин, што е воведен на 17 март, бројот на заразени лица се зголеми за 15 до 20 проценти дневно, а најголем број новозаразени се регистрирани на 31 март – 7.578. Италија, која го укина карантинот една недела пред Франција, сè уште нема забележано значително зголемување на заразените, па дури и во втората недела од олеснувањето на мерките, бројот на заразени лица се зголеми за 0,4 проценти на ден, а во првата недела од олеснувањето на мерките за 0,6 проценти. Во Шпанија, исто така е намалена стапката на ширење на заразата од укинувањето на карантинот пред две недели. Само 0,1 процент изнесувал дневниот пораст на бројот на заразени во Шпанија во вторникот. Притисокот на пандемијата врз францускиот здравствен систем исто така се намалува и бројот на хоспитализирани лица е намален за 547 на 18.468, додека на интензивна нега има 1.894 пациенти, 104 помалку од претходниот ден.