жеровјане – Kurir.mk

Уапсена Русинка, Украинка и Србинка во угостителски објект во Жеровјане – еве што правеле

Дарко Андоновски — Tue, 21 Dec 2021 11:45:16 +0000

Ноќеска (21.12.2021) околу 01.30 часот, полициски службеници на СВР Тетово извршиле контрола во угостителски објект во тетовско Жеровјане, сопственост на 31-годишниот А.А. од Боговиње, при што затекнале и привеле три странски државјанки, А.У.(24) од Русија, О.К.(33) од Украина и Ј.Г.(28) од Србија, поради сомнение дека го злоупотребиле туристичкиот престој, односно дека престојувале спротивно на целта. Тие биле задржани во Полициската станица Тетово за натамошна постапка. Исто така, во објектот бил приведен 26-годишниот гостиварец Е.Ф., кај кого бил пронајден и одземен нож и на кој ќе му биде изготвен соодветен поднесок по член 80 од Законот за оружје.

Во угостителски објект во Жеровјане приведени женски лица

Ристе Здравков — Wed, 26 Sep 2018 11:24:41 +0000

Во полициска акциска контрола во угостителски објект во село Жеровјане, синоќа во периодот од 22.00 часот до 01.00 часот по полноќ биле затекнати шест женски лица (три од Република Србија и три македонски државјанки). Српските државјанки (две на возраст од 21 и една 26 години ) биле приведени и предадени во Отсекот за прекуграничен криминал, миграции, странци и реадмисија за натамошна постапка. МВР денеска соопшти дека полициски службеници од Секторот за внатрешни работи Тетово спровеле акциска контрола во угостителски објект во село Жеровјане, сопственост на 28-годишен жител од тетовското село Боговиње.

Полицијата приведе сопственик на локал од Жеровјане и девет танчерки

Предраг Кукиќ — Thu, 16 Aug 2018 11:39:25 +0000

При акциска контрола на полицијата ноќеска во угостителски објект во Жеровјане биле затекнати девет женски лица кои ги забавувале гостите. Од нив три биле српски државјанки и една од Република Бугарија. Заедно со сопственикот на објектот тие биле приведени во полициска станица за понатамошна постапка. МВР соопшти дека во периодот од 23:00 часот на 15 август до 00:40 часот на 16 август, полициски службеници од Секторот за внатрешни работи Тетово извршиле акциска контрола во угостителски објект во село Жеровјане, сопственост на А.А.(28) од село Боговиње. За време на контролата во објектот биле затекнати девет женски лица кои ги забавувале гостите. Од нив четири биле странски државјанки, три од Република Србија и една од Република Бугарија, и пет македонски државјанки. Забавувачките заедно со сопственикот на објектот биле приведени од полицијата. (МИА)

Жителите на Радиовце и Жеровјане на протест против загадувањето

Дарко Андоновски — Thu, 31 May 2018 14:14:48 +0000

Жителите од селата Радиовце и Жеровјане денеска протестираа против дивата депониjа што се наоѓа во близина на нивните села која често пати гори, а непријатната миризба и чадот завршуваат во нивните домови. Тие бараат од општините Боговиње и Брвеница, веднаш да ја дислоцираат депонијата во спротивно ќе протестираат секој ден и ќе почнат да блокираат патишта. Јакуп Мустафи од село Радиовце, за МИА изјави дека жителите на селото не се во можност да отворат прозорец од своите домови, зашто ги труе чадот и лошата миризба. - Се плашиме да ги пуштиме надвор децата да си играат и дека ќе добиеме некаква болест од ова загадување што ни се случува последните денови, рече Мустафи. Од општина Боговиње велат дека се работи за некои лица кои намерно го палат сметот на отворената точка за претовар на сметот. - Ќе направиме се што е во наши раце да се најдат и да се казнат. Често пати ни се случува оваа, сме пријавиле и во полиција да преземаат мерки, велат од општината и посочуваат дека имаат одвоено средства за изградба на затворена точка за пренос на сметот. - Депонијата ја затекнавме кога го презедов мандатот и одлучивме да ја тргнеме и да изградиме нова точка за пренос на смет, од која нема да има ни лоша миризба, а ни можност да ја палат непознати луѓе, како што ни се случува сега, изјави Албон Џемаили, градоначалник на општина Боговиње.