Во Австрија зголемена невработеноста, околу 300.000 луѓе со скратено работно време

Тале Кристо — Tue, 01 Dec 2020 14:30:44 +0000

Кризата како резултат на коронавирусот продолжува силно да го погодува пазарот на труд во Австрија, пренесуваат австриските медиуми. Според Министерството за труд, во споредба со октомври, во ноември има зголемување од 33.447 нови невработени. Во исто време, бројот на слободни работни места опадна, во споредба со претходниот месец, за повеќе од 6.000 – на 58.243. Исто така, голем број лица се пријавено на скратено работно време, 276.370. За само една недела, бројот на пријавени лица за работа со скратено работно време се зголеми за околу 57.000. Службата за вработување (АМС) апелираше до работодавачите да ги користат мерките за помош на австриската Влада и да не ги отпуштаат своите вработени.

Историско зголемување на невработеноста во Франција за седум отсто за еден месец

Тале Кристо — Mon, 27 Apr 2020 13:08:44 +0000

Невработеноста кај лицата од категоријата А (без активност) во текот на месец март забележа историски пораст од седум отсто за еден месец, бројот на невработените се зголемува и за целото прво тримесечје од 2020, за прв пат во изминатава година и пол, јави дописникот на МИА. Првите ефекти од кризата со коронавирусот се почувствуваа силно врз бројот на невработените. За првото тримесечје од годината, бројот на невработените од категоријата А (без активост) се зголеми за 0,7 отсто, достигнувајќи 3 576 400 невработени, според бројките на Центарот за вработување. Во сите категории на невработени, невработеноста останува стабилна со намалување од 2,9 отсто за една година, на 5 744 100 невработени. Оваа бројка го крие силниот пораст на невработеноста во март. Така во текот на овој месец, невработените од категоријата А, забележува силен пораст, кој не е забележан од 1996 со повеќе од 246 100 нови невработени, односно + 7,1 отсто. Од министерството за труд оваа бројка се објаснува со замрзнувањето на новите вработувања, отколку со бран на масовни отпуштања од работа. Министерството за труд најави дека парцијалната невработеност, која се должи на мерките на ограничување поради коронавирусот ја користат над 10 милиони вработени, односно скоро половината од приватниот сектор.

зголемена невработеност – Kurir.mk

Во Австрија зголемена невработеноста, околу 300.000 луѓе со скратено работно време

Историско зголемување на невработеноста во Франција за седум отсто за еден месец