зголемени цени – Kurir.mk

Зголемени цените на угостителските услуги

Дарко Андоновски — Fri, 03 Mar 2023 12:46:05 +0000

Цените на угостителските услуги во февруари годинава се зголемени за 0,1 отсто во споредба со претходниот месец, а во однос на февруари 2022 година бележат раст од 14,8 проценти. Според податоците на Државниот завод за статистика, во февруари во споредба со јануари зголемување на цените е забележано во групите Алкохолни пијалаци за 0,5 и Безалкохолни пијалаци за 0,3 отсто. Цените на угостителските услуги, пак, во првите два месеца од годинава година се зголемени за 14,8 отсто во споредба со истиот период од минатата година, додека во однос на декември 2022 година цените за зголемени за 0,7 отсто.

Зголемени продажните цени на производителите на индустриски производи

Катерина Бојаџиева — Thu, 10 Nov 2022 12:00:28 +0000

Продажните цени на производителите на индустриски производи во септември 2022 година, вкупно, на месечно ниво се пониски за 0,2 отсто, а на годишно ниво се повисоки за 15,8 проценти, соопшти Државниот завод за статистика. Во септември 2022, во споредба со август 2022 година, продажните цени на производителите на индустриски производи, вкупно, се пониски во секторот Рударство и вадење на камен за 2,3 проценти и во секторот Снабдување со електрична енергија, гас, пареа и климатизација за 0,6, додека во секторот Преработувачка индустрија се повисоки за 0,1 отсто. Во септември 2022, во споредба со септември 2021 година, продажните цени на производителите на индустриски производи, се повисоки во секторот Рударство и вадење на камен за 7,7 отсто, во секторот Преработувачка индустрија за 14,6 и во секторот Снабдување со електрична енергија, гас, пареа и климатизација за 43,1 процент Според Државниот завод за статистика, во септември 2022 година продажните цени на производителите на индустриски производи на странските пазари на месечно ниво се пониски за 0,5 отсто, а на годишно ниво се повисоки за 10,9 проценти. Во септември 2022, во споредба со август 2022 година, продажните цени на производителите на индустриски производи на странските пазари се пониски во секторот Рударство и вадење на камен за 3,1 отсто, а во секторот Преработувачка индустрија за 0,2 процента. Во септември 2022, во споредба со септември 2021 година, продажните цени на производителите на индустриски производи на странските пазари се повисоки во секторот Рударство и вадење на камен за 9,3, а во секторот Преработувачка индустрија за 11 отсто.

Зголемени цените на производителите на индустриски производи

Магдалена Андонова — Mon, 12 Sep 2022 07:24:31 +0000

Според податоците на Државниот завод за статистика, во јули 2022, продажните цени на производителите на индустриски производи, се повисоки за 0.4% на месечно ниво, а за 18.0 % на годишно ниво. Во јули 2022, во споредба со јуни 2022, продажните цени на производителите на индустриски производи, вкупно, се пониски во секторот Рударство и вадење на камен за 3.5 %, во секторот Преработувачка индустрија за 1.0% , а во секторот Снабдување со електрична енергија, гас, пареа и климатизација се повисоки за 27.1%. Во јули 2022, во споредба со јули 2021, продажните цени на производителите на индустриски производи, вкупно, се повисоки во секторот Рударство и вадење на камен за 8.9 %, во секторот Преработувачка индустрија за 16.7 % и во секторот Снабдување со електрична енергија, гас, пареа и климатизација за 49.0 %. (МИА)

Продажните цени на производителите на индустриски производи на годишно ниво зголемени за 21,4 отсто

Дарко Андоновски — Sat, 28 May 2022 07:25:30 +0000

Според податоците на Државниот завод за статистика, во април 2022 година, продажните цени на производителите на индустриски производи на домашниот пазар се повисоки за 0.3 % на месечно и за 21.4 % на годишно ниво. Во април во споредба со март, продажните цени на производителите на индустриски производи се повисоки во групите Капитални производи за 0.5 %, Интермедијарните производи, освен енергија за 5.8 %, Нетрајни производи за широка потрошувачка за 1.6 % и Трајни производи за широка потрошувачка за 0.8 %. Во април годинава, пак, во однос на април лани, продажните цени на производителите на индустриски производи на домашниот пазар се повисоки во групите Енергија за 26.9 %, Интермедијарни производи, освен енергија за 29.4 %, Капитални производи за 74.6 %, Трајни производи за широка потрошувачка за 6.8 % и Нетрајни производи за широка потрошувачка за 12.6 %.

Зголемени цените на угостителските услуги

Магдалена Андонова — Fri, 06 May 2022 07:52:15 +0000

Цените на угостителските услуги во април годинава се зголемени за 2,5 отсто во споредба со претходниот месец, а пораснале за 9,8 отсто во однос на април 2021 година. Според податоците на Државниот завод за статистика, во споредба со март 2022 година зголемување е забележано во групите Храна за 3,2 отсто, Алкохолни пијалаци за 1,4 и Безалкохолни пијалаци за 4,6 отсто. Цените на угостителските услуги, пак, за периодот јануари – април 2022 година, во однос на истиот период од минатата година, се зголемени за 6,3 отсто, додека во споредба со декември 2021 година пораснале за 4,5 отсто.

Продолжува растот на цените на индустриските производи на домашниот пазар

Магдалена Андонова — Fri, 28 Jan 2022 16:22:28 +0000

Продажните цени на производителите на индустриски производи на домашниот пазар минатиот месец биле повисоки за 1,3 проценти на месечно и за 15 проценти на годишно ниво, објави денеска Државниот завод за статистика. Во декември 2021, во споредба со ноември 2021 година, продажните цени на производителите на индустриски производи се повисоки во групите Капитални производи за 10,8 проценти, Енергија за 3,1 процент, Нетрајни производи за широка потрошувачка за 0,9 проценти и Трајни производи за широка потрошувачка за 0,6 проценти. Податоците на ДЗС покажуваат дека во декември 2021, во споредба со декември 2020 година, продажните цени на производителите на индустриски производи на домашниот пазар се повисоки во групите Енергија за 34,8 проценти, Интермедијарните производи, освен енергија за 20,5 проценти, Капитални производи за 22,5 проценти, Трајни производи за широка потрошувачка за 4,7 проценти и Нетрајни производи за широка потрошувачка за 4,1 процент.

Зголемени цените на угостителските услуги во однос на лани

Магдалена Андонова — Tue, 05 Oct 2021 11:42:41 +0000

Кумулативниот индекс на цените на угостителските услуги за периодот јануари – септември 2021 година во однос на истиот период лани е зголемен за 0,3 отсто, додека во однос на декември 2020 година е зголемен за 0,2 процента. Според Државниот завод за статистика, индексот на цените на угостителските услуги во септември 2021 година, во споредба со август 2021 година, остана на исто ниво. Индексот на цените на угостителските услуги во септември 2021 година, во однос на истиот месец претходната година е зголемен за 0,4 отсто. (МИА)

Зголемени цените на угостителските услуги за 0,4 проценти

Тале Кристо — Wed, 05 Aug 2020 11:47:09 +0000

Цените на угостителските услуги за периодот јануари ‒ јули годинава, во однос на истиот период од минатата година, се зголемени за 0,4 проценти, а за тој износ се зголемиле и споредено со декември минатата година. Податоците што ги објави денеска Државниот завод за статистика покажуват дека цените на угостителските услуги во јули во однос на јуни годинава се намалени за 0,3 проценти, а за толку се зголемени споредено со јули лани. Податоците што ги објави денеска Државниот завод за статистика покажуват дека споредено по групи на услуги, зголемување на цените во јули во однос на јуни е забележано во групите „храна“, за процент, „алкохолни пијалаци“ за 1,3 проценти, како и „безалкохолни пијалаци“ за 0,8 проценти. Во групата „ноќевања“ е забележано намалување за 4,9 проценти, кое има најголемо влијание врз намалувањето на вкупниот индекс.