зголемени трошоци – Kurir.mk

Зголемени трошоците во градежништвото за нови објекти за индивидуално домување

Магдалена Андонова — Wed, 31 Aug 2022 11:16:42 +0000

Во вториот во однос на првиот квартал годинава трошоците во градежништвото за нови објекти за индивидуално домување се повисоки за 3,8 проценти, трошоците за материјали за 0,2 проценти, а трошоците за вработените за 12,5 проценти, објави денеска Државниот завод за статистика. Во второто тримесечје од 2022 година, во споредба со второто тримесечје од 2021 година, трошоците во градежништвото за нови објекти за индивидуално домување се повисоки за 20,7 проценти, трошоците за материјали за 19,8 проценти, а трошоците за вработените за 22,6 проценти. Податоците за трошоците во градежништвото за нови објекти за индивидуално домување се наменети за преиспитување или следење на трошоците направени од градежните претпријатија при изведувањето на процесот на изградба на нови објекти за индивидуално домување. Главни корисници на тие податоци се градежните претпријатија кои се повикуваат на движењето на трошоците во градежништвото во калкулациите при склучувањето на градежните договори. (МИА)

Зголемени трошоците за живот и цените на мало

Катерина Бојаџиева — Mon, 09 May 2022 10:25:39 +0000

Трошоците на животот во април годинава се зголемени за 2,2 отсто во споредба со претходниот месец, а цените на мало пораснале за 2,0 отсто. На годишно ниво, пак, трошоците на животот бележат зголемување од 10,5 отсто, а цените на мало се зголемиле за 11,1 отсто. Според податоците на Државниот завод за статистика, пораст на трошоците на животот во април 2022 година, во споредба со март 2022 година, е забележан кај маслото и маснотиите за 20,2 отсто, свежиот и разладениот зеленчук, освен компирите и другите коренести плодови за 12,9, свежото и разладеното овошје за 4,4, сирењето и урдата за 3,7, месото за 3,4, шеќерот, џемот, медот, чоколадата и кондиторските производи, минералната вода, газираните пијалаци, соковите од овошје и зеленчук за 2,3, пивото за 1,9, рибата и морските плодови за 1,7, кафето, чајот, какаото за 1,6, прехранбените производи неспоменати на друго место за 1,3, лебот и житата за 0,8, жестоките пијалаци за 0,7 и виното за 0,2 отсто. Пораст на трошоците на животот е забележан и кај воздухопловниот патнички транспорт за 46,6 отсто, туристичките аранжмани за 8,9, фотографската и кинематографската опрема и оптичките инструменти за 4,3, гасот за домаќинствата за 4,1, течните горива за домаќинствата за 2,6, чистењето, поправката и изнајмувањето облека за 1,9, теписите и другите подни покривки за 1,8, стаклените садови, кујнскиот прибор и другата опрема, големите алатки и опремата за 1,7, мебелот и покуќнината за 1,5, обувките за 1,3 отсто, цврстите горива за домаќинствата, домашните миленици и сродните производи за 1,1, материјалите за одржување и поправки на живеалиштето, другите апарати и производи за лична хигиена за 0,9, малите алатки и останатите додатоци, услугите за рекреација и спорт, фризерските салони и центрите за разубавување за 0,8 отсто. Пораст на трошоците на живот има и кај текстилот за домаќинствата, големите електрични апарати за домаќинствата, патниот патнички транспорт, игрите, играчките и хобијата за 0,6 отсто, терапевтските помагала и опремата за 0,5, облеката, домашните услуги и услугите за домаќинствата за 0,4, поправките и изнајмувањето на обувките, поправките на мебелот, покуќнината и покривките за подот, стоматолошките услуги, одржувањето и поправките на сопствените превозни средства, рестораните, кафулињата и сл., накитот, часовниците и рачните часовници за 0,3, услугите за одржување и поправките на живеалиштето, фармацевтските производи, велосипедите, другите услуги за опремата за сопствен превоз, опремата за прием, снимање и репродукција на звук и слики, канцеларискиот материјал и материјалите за цртање и другите лични предмети за 0,2 отсто. Намалување на трошоците на животот во април 2022 година, во споредба со претходниот месец, пак, е забележано кај медиумите за снимање за 2,6 отсто, горивата и мазивата за сопствените превозни средства за 0,9, градините, растенијата и цвеќињата и електричните апарати за лична хигиена за 0,3 отсто.

Зголемени трошоците во градежништвото

Дарко Андоновски — Mon, 31 May 2021 12:17:57 +0000

Во првиот квартал годинава во споредба со четвртото тримесечје од минатата година, трошоците во градежништвото за нови објекти за индивидуално домување се повисоки за 2,4 проценти, трошоците за материјали за 4,6 проценти, додека трошоците за вработените се пониски за 1,7 проценти. Како што објави денеска Државниот завод за статистика, во првото тримесечје од 2021 година, во споредба со истиот период лани, трошоците во градежништвото за нови објекти за индивидуално домување се повисоки за 5,1 процент, трошоците за материјали за 4,5 проценти, а трошоците за вработените за 6,5 проценти. Индексите на трошоците во градежништвото за нови објекти за индивидуално домување се наменети за преиспитување или мониторирање на трошоците направени од градежните претпријатија при изведувањето на процесот на изградба на нови објекти за индивидуално домување. Главни корисници на податоците за индексите на трошоците во градежништвото за нови објекти за индивидуално домување се градежните претпријатија, кои се повикуваат на движењето на трошоците во градежништвото во калкулациите при склучувањето на градежните договори.

Зголемени трошоците на животот и цените на мало

Магдалена Андонова — Fri, 08 Jan 2021 13:11:36 +0000

Трошоците на животот во декември 2020 година се зголемени за 0,4 отсто, а цените на мало за 1 отсто, во споредба со претходниот месец. Според податоците на Државниот завод за статистика, трошоците на животот во 2020 година, во однос на 2019 година, бележат пораст од 1,2 отсто, а цените на мало од 0,4 отсто. Во декември 2020 година, вo споредба со декември 2019 година, има пораст на трошоците на животот од 2,3 отсто, а кај цените на мало од 1,7 отсто. Пораст на трошоците на живот во 2020 е забележан во групите: Алкохолни пијалаци, тутун и наркотици за 5.3 отсто, Разновидни стоки и услуги за 2,6 отсто, Храна и безалкохолни пијалаци за 2,4 отсо, Ресторани и хотели за 2,2 отсро, Домување, вода, електрика, гас и други горива за 2.0 отсто, Здравје и Рекреација и култура за 0,9 отсто, Мебел, покуќнина и одржување на домаќинствата за 0,4 отсто и Образование за 0,3 отсто. Намалување, пак, има во групите: Транспорт за 6 отсо, Облека и обувки за 1,3 отсто и Комуникации за 0.1 отсто. Податоците на ДЗС покажуваат дека кај цените на мало е регистриран пораст во групите: Индустриско прехранбени производи за 2,9 отсто, Земјоделски производи за 1,1 отсто, Пијалаци за 0,4 отсто и Услуги за 0,1 отсто, а намалување во групата Индустриско-непрехранбени производи и тутун за 0,2 отсто. (МИА)