зголемено ниво – Kurir.mk

Зголемено нивото на реките, езерата во рамки на просекот за јуни

Катерина Бојаџиева — Mon, 19 Jun 2023 10:07:14 +0000

Зголемено ниво на реките во однос на просекот за јуни се бележи денеска на Вардар кај Јегуновце, Скопје, Велес и кај Демир Капија, на Треска кај Македонски Брод, на Пчиња кај Катлановска Бања и Пелинце, на Струмица кај Сушево, на Црна Река кај Новаци, како и на Сатеска кај Ботун. Податоците на Управата за хидрометеоролошки работи покажуваат дека единствено минимално намалување на водостојот има на реката Брегалница кај Берово. Водостоите на Охридското, Препанското и на Дојранското Езеро според денешните мерења, се во рамки на просекот.

Драстично зголемени нивоата на реките

Магдалена Андонова — Mon, 11 Jan 2021 09:45:59 +0000

Нивоата на реките се драстично зголемени по врнежите што изминативе денови ја зафатија земјава. Некои се дури речиси шест пати над просекот за јануари. Според денешните хидролошки мерења, надојдени се Вардар, Треска, Лепенец, Пчиња, Бабуна, Брегалница, Струмица, Црна и Сатеска. Ниту една од реките не е под просекот, за разлика од езерата, чија состојбата е незначително променета. И натаму Охридското и Преспанското се под просечните вредности. (МИА)

Зголемено нивото на реките, езерата во рамки на просекот

Ристе Здравков — Tue, 11 Sep 2018 08:19:06 +0000

Зголемено ниво на реките во однос на просекот за септември се бележи денеска на Вардар кај Велес и кај Демир Капија, како и на Црна Река кај Новаци и на Црни Дрим кај Ложани. Податоците на Управата за хидрометеоролошки работи покажуваат дека водостоите на Охридското, Препанското и Дојранското Езеро, според денешните мерења, се во рамки на просекот.