зграда – Kurir.mk

Општина Карпош ја зголеми зградата во Влае, а пробува и да ја смести се поблиску до Партизанска, тврдат дел од жителите

Дарко Андоновски — Thu, 26 Oct 2023 13:09:15 +0000

Иницијативата „Борба за Влае“ во која членуваат и дел од жители на ова маало, тврди дека Општина Карпош предводена од Стевчо Јакимовски, наместо да ја отстрани, ја зголемил катноста на зградата која според стариот Урбанистички план требаше да биде од 11 ката, а сега ќе се градат 12, објавува Телма. Тие тврдат дека градоначалникот сторил и кривично дело, а сопственикот е ставен и во подобра состојба при евентуално окрупнување на парцелата. Иницијативата „Борба за Влае“ сега достави нови барања односно државното земјиште на кое треба да се гради објектот да биде наменето за јавно добро односно објектот да се намали на вредноста на стариот ДУП кој предвидува максимална висина од 8 метри со намена комерцијални и јавни содржини на локациите на бараките на сегашното Кино Влае.

Отстранет покривен лим оштетен од невремето од кров на зграда во Општина Аеродром

Ивона Петрова — Thu, 27 Jul 2023 09:52:11 +0000

Центарот за управување со кризи информира дека е отстранет покривен лим оштетен од невремето од кров на зграда во Општина Аеродром. -По пријава на единствениот телефонски број за повици при итни ситуации 112 во ЦУК за опасност од покривен лим што неодамнешното невреме го нанело на пониска зграда на Булевар „АВНОЈ“ бр. 18 - 2 12 во Општина Аеродром се спроведе успешна координација и реализација на отстранување на опасноста, со ангажман на институциите од Системот за управување со кризи, во координација со Општина Аеродром, велат од ЦУК.

Летово ќе почне со изградба првата зграда во кругот на фабриката „Треска“

Дарко Андоновски — Thu, 20 Jul 2023 07:26:09 +0000

Летово ќе почне градбата на првата зграда во кругот на поранешната фабрика „Треска“ и со тоа ќе се бетонизира и последниот слободен простор во центарот на Скопје. Фирмите „Голден арт“ и „Мега акустик“ веќе уплатиле комуналии во висина од 800.000 евра на Град Скопје и Општина Центар за изградба на станбено-деловен објект, пишува СДК. Од Општина Центар за САКАМДАКАЖАМ.МК потврдуваат дека се платени комуналиите и сега следува изготвување и потпишување на одобрението за градба. „По завршување на постапката и сите законски процедури одобрението за градење ќе стане правосилно. Ќе се гради објект со висина од 19.20 метри, катноста е приземје, 5 ката и поткровје, а вкупната бруто изградена површина изнесува 6.662 метри квадрати. Станува збор за стaнбено-деловен објект“, велат од Општина Центар.

Пожар во зградата на „Тифани“ во Њујорк

Тале Кристо — Thu, 29 Jun 2023 17:53:43 +0000

Пожар ја зафати зградата на „Tiffany & Co“ на Петтата авенија на Менхетен, чие реновирање чинеше 500 милиони долари. Засега не се знае што го предизвикало пожарот. Според првичните информации, нема повредени иако дел од вработените се пренесени со амбулантни возила, јавија локалните медиуми. Пожарот е регистриран во 9.38 часот утрото по локално време, во момент кога вработениоте се поготвувале да отворат.

Погледнете го најскапото паркирање на светот: Го смести болидот на 57-ми кат (ВИДЕО)

Ристе Здравков — Tue, 16 May 2023 09:14:34 +0000

И додека многу луѓе во светот гладуваат, а на други им се тресе под нозете поради огромната инфлација, младиот богаташ не знае што да прави со парите. Адриан Порторели е млад австралиски бизнисмен кој со својот последен потег предизвикал бес во јавноста поради неразумното трошење пари. Откако својата колекција ја збогатил со три милиони вреден тркачки болид од „McLaren“, одлучил да го паркира во дневната соба на својот 39 милиони долари вреден дом.

Се урна зграда во Марсеј, па се запали – се бараат преживеани лица

Ристе Здравков — Sun, 09 Apr 2023 08:03:51 +0000

Најмалку пет лица се повредени при уривање на четирикатна станбена зграда во Марсеј, објави градоначалникот Беноа Пајан. – Пожарот е исклучително тешко да се контролира. Пожарникарите од минута во минута проценуваат како најдобро да го изгаснат овој пожар бидејќи внатре има потенцијално живи луѓе – рече Пајан и додаде дека јавноста мора да биде подготвена за тоа што внатре има жртви. Улиците околу урнатата зграда се опколени и задушени со прашина. Надлежните наведуваат дека засега не се знае колку жители имало во урнатата зграда. – Се обидуваме да ја забрзаме акцијата бидејќи времето е важно, но кучињата не можат да ја издржат оваа температура и топлина – изјави командантот на баталјонот на противпожарната бригада на Марсеј, Лионел Матје. Локалните власти соопштија дека се уште не се знае колку луѓе живееле во зградата.

🚨🇫🇷URGENT - Une explosion vient de se produire dans un immeuble rue de Tivoli à #Marseille. (📹@aurelien1335) pic.twitter.com/xJmFFnIzCH
— AlertesInfos (@AlertesInfos) April 8, 2023

Турција: Се урна зграда оштетена во минатомесечните земјотреси

Ивона Петрова — Wed, 08 Mar 2023 18:29:45 +0000

Во турскиот град Малатија се урна шесткатна зграда која беше тешко оштетена во земјотресите на почетокот на февруари. Пожарникарите, војската и медицинските екипи проверуваат дали имало некој во зградата кога се случило уривањето, јавува Анадолија. Како резултат на двата разорни земјотреси со јачина од 7,7 и 7,6 степени во јужните турски градови, беа уништени десетици илјади згради, а голем број беа сериозно оштетени и неупотребливи без поправка. Повеќе од 232.000 згради се сериозно оштетени или ќе бидат урнати во областа погодена од разорните земјотреси на 6 февруари, изјави во вторникот министерот за животна средина, урбанизам и климатски промени Мурат Курум, пренесува Анадолија.

Од оваа зграда стојат само столбовите – кога ќе видите што има на покривот ќе сфатите зошто не се срамнила со земја, природата е чудо (ФОТО)

Дарко Андоновски — Mon, 20 Feb 2023 12:29:13 +0000

Разорниот земјотрес во Турција со јачина од 7,7 степени по Рихтер речиси разурна десетина провинции и одзеде над 45 илјади животи. Најпогодено подрачје е Хатај каде е лоциран епицентарот на потресот, а градот е речиси срамнет со земја. Овие денови дрон од воздух откри како изгледа срушениот град до темел, а на едно видео се гледа како од една зграда стојат само столбовите од истата. Она што го забележал дронот е дека на покривот од оваа зграда стои гнездото на гулаби кои е неоштетено во разорниот потрес и тие спокојно престојуваат во него додека илјадници граѓани ги загубија своите домови.

Пребарувал под урнатините со багер, па зградата започнала да се урива како кула од карти – кога се кренала прашината сведоците останале подзинати (ВИДЕО)

Дарко Андоновски — Fri, 17 Feb 2023 18:24:00 +0000

11 дена по разорниот земјотрес што ги погоди Турција и Сирија, при што загинаа повеќе од 43.000 луѓе, меѓународните хуманитарни агенции ги засилуваат напорите да им помогнат на милиони бездомници, од кои многумина спијат во шатори, џамии, училишта или автомобили. Две лица беа извлечени живи од урнатините во Турција во четвртокот, но таквите исходи стануваат се поретки како што одминува времето. Кај населението преовладува гнев, а надежта постепено умира. Како што објавија локалните власти во петокот, во земјотресот во јужна Турција загинаа најмалку 38.044 луѓе, а властите во соседна Сирија објавија 5.800 загинати. Покрај спасувањето, во тек е и чистење на урнатините и санација на објектите. Некои од нив се толку оштетени што се многу опасни за околното население. Турскиот медиум Сабах објави видео на кое тоа го покажува. Како што пишуваат, багеристот Ведат Јилдирим работел на една таква зграда во областа Антакија. Зградата потоа почнала да се урива, а мажот избегал во последен момент. „Кога сфатив дека зградата ќе се урне, веднаш скокнав од багерот и почнав да трчам. Одеднаш се крена прашина на сите страни. Не знаев каде да бегам“, изјави тој за турската НТВ.

ÖLÜMDEN SANİYELERLE KURTULDU#Antakya’da enkaz bölgesinde çalışma yapan iş makinasının operatörü Vedat Yıldırım, binanın yıkılacağını anlayınca saniyeler içerisinde kendini dışarıya atmayı başardı. #deprem pic.twitter.com/ezU4qeuDH8
— Sabah (@sabah) February 16, 2023

ОД НАДВОР ИЗГЛЕДА КАКО НИШТО ДА НЕ И СЕ СЛУЧИЛО – по 11 дена оваа жена влегла во зградата и станот во кој живеела, ја полазиле морници (ВИДЕО)

Дарко Андоновски — Fri, 17 Feb 2023 17:28:16 +0000

По земјотресот во Кахраманмараш преживеаните не може да си дојдат при себе иако поминаа 11 дена по потресот. Една од нив е и учителката Хава Косе која го преживеала ужасниот пекол на 6 февруари рано утрото. Таа денес со поддршка на новинарските екипи успеа да влезе во својот стан кој го посетува прв пат по потресот пред една недела. Од камерите може да се забележи вистински хорор во внатрешноста на зградата, а предметите кои останале здрави потсетуваат на убавите времиња и хармоничниот живот пред земјотресот. „Живеам сама, за време на потресот не можев да излезам низ врата бидејќи плакарот падна пред врата и ме зароби со часови. Потоа едвај се спасив додека ги слушав соседите како плачат и врескаат на сите страни“, раскажуваа таа.