згради – Kurir.mk

ВИДЕО ОД ВНАТРЕШНОСТА НА ЗГРАДИТЕ ДОДЕКА СЕ РУШЕА КАКО КУЛИ ОД КАРТИ – ѕидовите паѓаат како да се од хартија…

Дарко Андоновски — Wed, 15 Feb 2023 16:21:19 +0000

На Јутјуб се појави уште едно видео од разорниот земјотрес што ја погоди Турција пред една недела. И додека бројката на загинати расте од минута во минута и истата се искачи над 40 илјади, медиумите откриваат како е можно зградите да се уриваат како кули од карти само за неколку сикунди. На ова видео се гледа како ѕидот од една зграда започнува да се дели на парчиња како да нема бетон во него...

ШОКАНТНО ВИДЕО ОД ТУРЦИЈА – погледнете што е пронајдено во бетонот на зградите кои се уриваа како кули од карти

Дарко Андоновски — Tue, 14 Feb 2023 20:39:53 +0000

Додека Турција ја доживува болката од земјотресите со јачина од 7,7 и 7,6 степени, едно видео буквално го шокираше целиот свет.

Еден видео прилог открива што се криело во ѕидовите и столбовите на зградите кои се уриваа како кули од карти минатиот понеделник. Во остатоците од бетон се забележани пукнатини, каде може да се видат исечоци од весници и пурпена, што е јасен доказ што ги ослабнало столбовите на зградите во најпогодените места.

Најмалку 5.606 згради се урнаа за време и по земјотресот, јавува турската агенција

Ристе Здравков — Mon, 06 Feb 2023 21:29:12 +0000

Најмалку 5.606 згради се урнаа за време и по земјотресот во понеделникот, според турската агенција за управување со катастрофи и вонредни состојби. Вкупно 19.574 спасувачки персонал работат во регионот на земјотресот за напори за опоравување, се вели во соопштението на АФАД. Туркиш ерлајнс во понеделникот објави дека продолжуваат летовите за Адана, Елазиг и Дијарбекир за граѓаните кои сакаат да стигнат до зоната на земјотресот. Според изјавата на Афад, аеродромите во Малатија, Адана, Дијарбакир и Адијаман се отворени за сите летови. Аеродромите Газиантеп и Шанлиурфа се отворени само за летови за помош, додека аеродромите Кахраманмараш и Хатај се затворени за летови поради штетата од земјотресот, се вели во соопштението на АФАД. Бројот на загинати во Турција во понеделникот се искачи на 2.316, според турската Агенција за управување со катастрофи и вонредни состојби (АФАД).

Станари од две згради во Струмица останале без влезните врати откако ги откорнале и украле крадци

Дарко Андоновски — Fri, 02 Dec 2022 15:10:24 +0000

Засега непознати крадци откорнале и украле влезни врати од две станбени згради во Струмица. Украдени се вратите од двата влеза во зграда на улицата „Ѓорги Василев“ и една од зграда на улицата „Ристо Ќурчиев“. Станарите дури утрово забележале дека останале без влезни врати откако тргнале на работа. Според нив, кражби имало и порано, но најчесто од подрумите и велосипеди. Од струмичката полиција потврдија дека имало случај на кражба на влезна врата и преземаат мерки за расчистување на случајот. Кај нив бил пријавен само еден за одземена алуминиумска врата од станбена зграда на улица „Ристо Ќурчиев“, додека за останатите кражби досега немаат пријава.

ЈУНИ: Издадени 277 одобренија за градење, 388 станови се во Скопје

Ивона Петрова — Wed, 17 Aug 2022 10:55:41 +0000

Во јуни годинава се издадени 277 одобренија за градење, што е за 13,4 проценти помалку во однос на јуни лани. Според издадените одобренија за градење, предвидената вредност на објектите изнесува 3 691 127 000 денари, што е за 19,2 проценти помалку во однос на истиот месец од претходната година, објави денеска Државниот завод за статистика. Во Скопскиот регион се издадени 73 одобренија, од кои најмногу во Илинден (24), во Карпош (16), Аеродром и Петровец по шест, Кисела Вода и Бутел по три,… Предвидена е изградба на 550 станови со вкупна корисна површина од 40.493 метри квадратни. Најголем дел од становите, 388, ќе се градат во Скопскиот регион, а од вкупната бројка, 215 се во Аеродром, 84 во Кисела Вода, 26 во Петровец. Во Битола се планирани 78, Струга 26,.. Од вкупниот број издадени одобренија за градење, 132 (47,7 проценти) се наменети за објекти од високоградба, 57 (20,5 проценти) од нискоградба и 88 (31,8 проценти) за објекти за реконструкција. Од 277 објекти, на 147 (53,1 процент) како инвеститори се јавуваат физички лица, а на 130 (46,9 проценти) инвеститори се деловни субјекти.

Цените на становите повисоки за 12,4 проценти во првиот квартал годинава

Ивона Петрова — Wed, 04 May 2022 08:39:19 +0000

Цените на становите во првиот квартал годинава бележат раст од 12,4 проценти на годишно ниво, а на квартално за 2,9 проценти, покажуваат податоците на Народната банка. Во првиот квартал лани беше регистрирано зголемување на цените на становите за 3,2 процента, во вториот за 4,1 процент, во третиот за 5,8 проценти, а во четвртиот за 11,2 процента. Извештајот на НБ за монетарните движења во март годинава покажува дека кај одобрените станбени кредити на физички лица е забележан месечен раст од 1,5 проценти, при годишен раст од 15,8 проценти. Од вкупно издадените 250 одобренија за градба во март годинава, 138 се наменети за објекти за високоградба. Во периодот јануари – декември лани во базата на Регистарот на цени и закупнини на Агенцијата за катастар на недвижности се внесени 33.270 трансакции, од кои 25.010 продажби на недвижности во вредност од 914 милиони евра и 8.260 закупи на недвижен имот.

Ѓорѓиевски на барање на граѓаните го стопираше планот за изградба на 99 згради во Расадник, градоначалникот најави борба против урбаната мафија

Магдалена Андонова — Thu, 30 Dec 2021 18:19:25 +0000

Градоначалникот на Кисела Вода Орце Ѓорѓиевски на барање на граѓаните го стопираше планот на претходната локална самоуправа за изградба на 99 згради во Расадник.Општината ќе објави меѓународен конкурс на кој архитекти ќе може да достават предлог идејни решенија, по што Комисијата за урбанизам ќе ги разгледа и ќе го изработи новиот детален урбанистички план. - Стопиран е и планот за Расадник. Во истиот Комисијата констатира дека има 99 нови згради, па согласно барањата на граѓаните, заклучно со февруари, ќе биде објавен меѓународен конкурс за изработка на идејно решение за ДУП Расадник, по што најдоброто решение ќе го изберат граѓаните на Расадник. По изборот на идејното решение, ќе се пристапи кон изработка на новиот Детален Урбанистички План за Расадник, изјави градоначалникот на Општина Кисела Вода Орце Ѓорѓиевски. Ѓеорѓиевски најави борба против урбаната мафија со формирање на Партиципативно тело каде може да се пријават граѓани, невладини организации и стручна јавност. Рокот за пријавување истекува на 15 јануари а целта е сите транспарентно да бидат вклучени во понатамошниот развој на општината. - За да ја запреме урбаната мафија, потребна ми е и вашата помош. Ве повикувам сите да направите увид во Урбанистички планови и сите ваши забелешки, сугестии и предлози за измени, дополнувања или укинувања на цели или делови од плановите да ни ги доставите во рок од 30 дена – вели Ѓорѓиевски. Општината направила ревизија на 34 плана меѓу кои и планот за Црниче каде во зелениот појас биле предвидени изградба на станбени куќи, планот за Припор каде биле предвидени станбени згради, а ќе се разгледува и планот за населбата Пржино.

Костовски: Останувам на ставот против изградба на згради во Бутел, бидејќи може да се наруши начинот на живот

Тале Кристо — Thu, 04 Nov 2021 10:07:40 +0000

Новиот градоначалник во општина Бутел, Дарко Костовски за „Утрински брифинг“ истакна дека неговиот став во однос на нови згради во Бутел останува непроменет и тој е не за згради во општината, затоа што тоа ќе го наруши начинот на маалски живот на кој се навикнати жителите на Бутел. Костовски потенцираше дека тој став го застапуваше за време на кампањата и тоа нема да се промени и покрај одредени придобивки што ги има од нови згради како голем број на средства од комуналиите кои се плаќаат за тие згради. - Еден дел од кампањата моја се базираше на тоа дека во Бутел не треба да има згради. Сметам дека треба да се задржи тој маалски тип на живот, и покрај тоа што комуналиите од згради носат доста пари во општинската каса. Но, од друга страна бутелчани навикнати да си го водат тој маалски начин на живот и таа населба не е конструирана за згради, рече Костовски. Тој истакна дека секаде каде што направиле згради изминативе години, со по 300-400 станови огромно е незадоволството во тие делови на општината, бидејќи тие работи на сила биле изведени.

Со платени ПР текстови сакаат да ги залеат скопјани со бетон

Ивона Петрова — Thu, 15 Apr 2021 06:34:19 +0000

Инвеститорите кои имаат намера да градат огромни три згради од по 80 и повеќе метри на единствениот празен простор во центарот на Скопје низ кој има струење на воздух – паркингот пред Холидеј ин, се соочуваат со силен отпор од јавноста која бара запирање на ваквите планови и брза акција од Општина Центар и министерството за транспорт против ова залевање на центраот на Скопје со бетонски гродосии несоодветни за културата и екологијата на живеење во Скопје, пишува Вечер.мк. Проектот на Мартин Пановски, сопруг на шефицата на Сорос Отворено општество Македониоја инаку е целосен плагијат на ист објект виден како проект Грин Тауер во Грац, Австрија, за што Вечер веќе пишуваше. Откако скопјани, и тоа прилично единствени, без оглед на нивната етничка или политичка припадност, силно се побунија, инвеститорите во недостаток на аргументи платија текстови во кои сами себе се фалат објавени на потрталите под контрола на СДСМ и блиски до Фондацијата Отворено општество Македонија кое го раководи сопругата на проектантот Мартин Пановски. Во платените текстови инвеститорите ги убедуваат скопјани дека нема да гледаат бетон, туку паркови и зелени површини, небаре проектот е за џунгла а не за бетонски грдосии од по 80 и кусур метри кои, патем, се и грд плагијат на проектантите. Кон платените текстови следат и монтажи од слики, работени и фотошопирани, на кои може да се стави се само за читателот, скопјанецот, да се доведе во заблуда дека Дубаи го преселиле во Скопје. Со други зборови, прокетантите се кријат зад платените текстови на партиските портали на СДСМ и, со тоа, одбегнуваат секаква одговорност за напишаното бидејќи, секому е јасно, дека од тие нивни фалења нема ништо. Утре ќе биде – не го рековме тоа ние, туку така пишуваа порталите. А наскоро следат избори. Судбината на Петре Шилегов, градоначалникот на Скопје и градоначалникот на Центар во голема мерка зависат од градбата или запирањето градба на овие бетонски грдосии. Остануваат фактите дека пред Холидеј ин сакаат да градат три бетонски грдосии од по 80-90 метри и да го стават центарот на Скопје во сенка, осојница и без воздух кој циркулира низ најзагадениот дел од градот.

Жителите на Хром обвинуваат- новиот ДУП до 100 згради е урбан холокауст

Дарко Андоновски — Sun, 24 Jan 2021 09:03:39 +0000

Расте гневот кај жителите на скопската населба Хром кон општината и градоначалникот Наумовски за Деталниот урбанистички план според кој треба да се изградат 100 нови згради. Новите објекти кои се подигаат на територија на општина Ѓорче Петров, за ѓраганите создаваат и нови проблеми- недостаток на вода, електрична енергија, излевање на канализацијата се само дел кои ги кажаа пред камерата на Алфа. Ова е спротивното од она што го вети градоначалникот Наумовски пред изборите, на чија основа ги доби и гласовите велат граѓаните. Сведоци сме денеска на еден урбан холокауст , добра приказна – типичен пример за тоа како не треба и типичен пример деурбанизација на просторот, а сите органи кои ние ги плаќаме во општината се платени да прават урбанизација на просторот. Ова е „де факто“ деурбанизација. Постојната сегашна власт првите две години мируваше и ги почитувше гласовите на нивните избирачи. Да сега е тренд за изградба на сто нови згради пред претходна урбана подготовна која ја критикуваа дека претходно ја нема. Самата камера ќе ви каже дека зградите,улуците се приклучени кон фекални одводници спротивно на сите правилници и со согласност на Водовод и канализација. Значи се работи за една врзана мафија спрега која што тешко да се спречи во нивната намера. Незнам како луѓето се немоќни. Вака понекогаш ќе дојде некоја новинарска екипа да се пожалат и тука престанува нивниот глас во таа агонија. Цената ќе ја плаќаме, не само нашата генерација туку и нашите деца, затоа што Хром од една урбано регулирана населба , како што тргнаа со овие планови најверојатно ќе не направат бетонски аквариум. Децата ќе ги носат по зоолошки да видат што значи треба или обично зеленило. Мојата замисла за Хром била да биде еколошка чиста средина, урбано регулирана со ниски градби, може дефинитивно ќе се гради и се градело пред нас и после нас ама тоа да биде нормално во граници на некои урбанистички планови за да ги задоволуваат граѓаните во општините кај што живеат. Тоа беше и целата на децентрализацијата односно поблиска комуникација на градоначалниците односно структурите во општината и советниците со граѓаните. Во ситуацијата со Хром, не е тоа случај, донесени се некакви законски измени за урбанистичкиот план, односно нема никаква комуникација. Барем јас тоа што го пратам и гледам голем дел од граѓаните не биле консултирани за носење на новиот ДУП на Хром-вели Спасе Ѓорѓиевски-жител на населбата Хром. Дека општината спровела анкета за новиот детален урбанистички план далеку од очите на јавноста тврдеше и граѓанската иницијатива „Против урбанистичкото дивеење“. Според нив, јавната анкета била спроведена тајно од 19 ноември до 2 декември минатата година и за неа, како што велат , нема ниту поднесено анкетни листови а граѓаните секојдневно имаат нова главоболка. Од граѓанската иницијатива рекоа дека за ова ангажирале и адвокат, а наредната недела ќе побараат и ревидирање на овие урбанистички планови пред надлежните судови. Доколку општината повторно остане глува на нивните барања граѓаните се заканија и со протести.