женска кошараркарска репрезентација – Kurir.mk

Македонија ја победи БиХ во Сараево за прва радост на кошаркарките

Бошко Тасиќ — Fri, 10 Feb 2023 05:37:41 +0000

Македонската женска кошаркарска репрезентација по долго време се израдува на официјална победа, во квалификациите откако славевме на гостувањето кај Босна и Херцеговина со 68-66. Македонија стави крај на серијата од 22 порази по ред. Победата беше сосема заслужено, а нашите кошаркарки водеа во текот на целиот меч, на почетокот имавме и двоцифрена предност. Домаќинките се заканија во финишот, но Македонија го издржа налетот и на крајот дојде до победата. Митрашиновиќ со 18 поени беше најефикасна, Трајчевска постигна 17, а Кметовска 14, двоцифрена беше и Антиќ со 10 поени. И покрај победата, Македонија останува на последното место на табелата со една победа и четири порази. Во недела во Скопје го играме последниот меч од циклусот, ја пречекуваме селекцијата на Белгија која е прва во групата со четири победи и еден пораз.

Ашаданов: Митрашиновиќ се враќа, но мораме без Хемпе и Селцова

Бошко Тасиќ — Sun, 05 Feb 2023 07:12:48 +0000

Женската сениорска репрезентација на Македонија овој месец ќе ги затвори квалификациите за пласман на Евробаскетот кој во наредната година ќе се одржи во Израел и во Словенија. За дуелите кои следуваат, на 9 февруари, против БиХ на гостински терен, и три дена подоцна во Скопје против Белгија, селекторот Александар Ашаданов планираше 17 кошаркарки. Но извесно е дека на првиот тренинг, предвиден за недела од 18:00 часот, во салата на СЦ „Кале“ во Скопје, ќе мора да ги менува плановите. Ги прават повредите на неколку кошаркарки, кои беа дел од тимот во ноемврискиот квалификациски „прозорец“. „Подготовките, кои ќе бидат со краток временски рок, со оглед на тоа дека поголем дел од девојките кои играат во странство, имаа(т) клупски обврски, ги почнуваме в недела, кога е закажан и првиот тренинг, кој ќе биде за жал, во некомплетен состав.За жал, и овој пат нема да бидеме во комплетен и најсилен состав. Американката Мерит Хемпе, која игра во Турција, доби повреда на грбот и ќе биде надвор од теренот четири недели. Матеа Николиќ има истегнат лигамент, така што и таа нема да допатува на овие подготовки. Илина Селцова исто така има проблем со коленото, па ќе мора да оди на проверка да види за што точно станува збор. Списокот од 17 кошаркарки, конечно ќе биде скратен откако ќе видиме на кого ќе можеме да сметаме, со тоа што ако и Селцова не биде способна за игра, тогаш за БиХ ќе патуваат 14 кошаркарки“, вели Ашаданов на ден пред почетокот на февруарскиот „прозорец“.

Кошаркарките ќе гостуваат кај БиХ во Сараево

Бошко Тасиќ — Fri, 20 Jan 2023 14:50:28 +0000

Женската сениорска репрезентација во текот на февруари ќе ги одигра последните два натпревари од квалификациите за Европското првенство кое во 2023 година ќе се одрши во Словенија и Израел. Светската кошаркарска федерација ги одреди и официјалните лица за дуелите на нашата најдобра женска селекција против БиХ на гостински односно Белфија на домашен терен. Средбата со селекцијата на БиХ нашите девојки ќе ја одиграат на деветти февруари, во Сараево, како што одреди националната федерација на БиХ. Ќе се игра во салата на Културно-спортскиот центар на Илиџа. Ќе ја суди женска судиска тројка во која се Амел Дахра од Франција, Наташа Драгојевиќ од Црна Гора и Диана Лапановиќ (Словенија), додека делегат на овој натпревар е Урош Ивановиќ од Словенија. Три дена подоцна, на 12 февруари, ќе ја пречекаме селекцијата на Белгија. Натпреварот ќе се игра во СРЦ „Кале“ во Скопје, а ќе го судат Немања Нинковиќ (Србија), Димитриос Захарис и Маргарити Тсантали од Грција