женска ракометна лига на шампиони – Kurir.mk

Кристијансанд освои уште еден трофеј во женската ракометна ЛШ

Бошко Тасиќ — Sun, 04 Jun 2023 18:40:47 +0000

Ракометарките на Вајперс Кристијансад се недопирливи во Лигата на шампионите каде вечерва дојдоа до уште еден потег со кој ја потврдија доминацијата во ова натпреварување. Норвешкиот претставник славеше над Ференцварош со 28-24 и со тоа дојде до третиот трофеј во елитното натпреварување, односно уште најмалку една година останува на врвот на европскиот ракомет. Скандинавките беа подобри на дуелот во Будимпешта, првиот дел го реализираа со 14-13, вториот со 14-11 што беше доволно за победа и нов европски трофеј. Вјахирева и Андерсен дадоа по шест гола, кај поразените Лекиќ и Болк ја предводеа листата на стрелци со по пет погодоци.

Кристиансанд и Ференцварош ќе се борат за трофејот во женската ракометна ЛШ

Бошко Тасиќ — Sun, 04 Jun 2023 07:07:06 +0000

Женските ракометни тимови на Вајперс Кристијансад и Ференцварош изборија пласман во големото финале во Лигата на шампионите. Норвешкиот и унгарскиот преставник славеа во полуфиналните пресметки во Будимпешта, па утре ќе имаат можност во директен дуел да го одлучат шампионот. Кристијансад ќе се обиде да остане на тронот, да врзе хет-трик, додека пак Ференцварош ќе сака да ја одбрани домашната гордост, поточно унгарски тим на слави на негов тло. Што се однесува до денешните предизвици, Кристијансад во ефикасен дуел славеше над Ѓер со 37-35, додека пак Ференцварош со погодокот на Болк во последниот секунди го доби Есбјерг со 30-29.