Зибери – Kurir.mk

Претседателката на Антикорупциска не знае дали Филипче го разрешил Зибери од политички причини

Љупчо Цветаноски — Fri, 26 Jun 2020 19:56:14 +0000

Претседателката на Антикорупциската комисија, Билјана Ивановска, за емисијата „Еуро-фокус“, коментирајќи го случајот со поранешниот директор на ИЈЗ Скопје, Арбен Зибери, кој беше разрешен од актуелниот министер за здравство, Венко Филипче, изјави дека не знаела дали министерот го разрешил од политички причини, притоа со коментар и оправдувајќи го Филипче. Не знам дали одлуката на министерот за здравство е политичка, вели Ивановска, не сакам да се мешам во политка, мене политика не ме интересира. Од друга страна, таа не знае за Филипче, но не одбегна да го коментира Зобери. -Не е ниту долично, ниту морално, ниту етички таквото однесување. Со ова се доведуваат во прашање одлуките на самата комисија, дали членовите се потпирале на здравствените параметри или правеле политички калкулации. Сето тоа фрла една лоша дамка за однесувањето на политичарите. Не смее да се дозволи ова и треба да се санкционира. Комисијата за заразни болести треба да работи самостојно, без некој да ѝ влијае- смета Ивановска.

Зибери го предупреди Филипче: Престани да ја злоупотребуваш владината говорница за партиски цели на СДСМ!

Љупчо Цветаноски — Thu, 25 Jun 2020 13:53:57 +0000

Дали Филипче се налути затоа што директорот Зибери, несакајќи, откри како функционира Комисијата за заразни болести, факт кој подолго време е јавна тајна. Функционира на дугме“ или по директиви на Владата на техничкиот премиер Спасовски, кој ги наследите ТРАС-ТРАС манирите на Заев. Откако пред неколку денови директорот на Центарот за јавно здравје, Арбен Зибери истакна дека тој како член на Комисијата за заразни болести помогнал да се отворат границите за да дојдат иселениците да гласаат за Албанец премиер, реагираше министерот за здравство Венко Филипче кој најави негова смена од директорската позиција, додека пак по ваквата изјава, Зибери за „360 степени“ му порача на министерот да престане да ја злоупотребува владината говорница. „Министерот Филипче да престане да ја злоупотребува владината говорница за изборни препукувања. Јас сум кандидат за пратеник и имам право на мојот приватен фејсбук профил да имам и политички ставови, при тоа во ниту еден момент злоупотребувајќи ја институцијата која ја водам како што за жал прави министерот – вели директорот на ЦЈЗ за „Фокус“ Тој е втор на листата на кандидати за пратеници на ДУИ во првата изборна единица и роднина на Насер Зибери, кандидатот на ДУИ за премиер. Тој на Фејсбук напиша и дека укинувањето на тестирањето и 14-дневната изолација за иселениците е направено благодарение на придонесот на ДУИ во здравствените политики на владата. „Добредојдовте иселеници. Родното место ве чека. Сега можете да си дојдете дома без тестови и 14-дневна изолација, благодарение на нашиот придонес во здравствените политики на владата. Јас како член на Комисијата за заразни болести и другите членови помогнавме да се отворат границите и луѓето да се движат слободно без протоколите препорачани од СЗО. Зошто да не, дојдете дома за Албанец премиер“, напиша Зибери. Проблемот е во фактот што граѓаните од првиот момент кога беше најавено преуранетото отворање на границите, знаеја дека причината е токму гласањето на Албанците од дијаспората. Проблемот на Филипче е што Зибери јавно ја откри оваа јавна тајна како всушност на „копче“ финкционира Комисијата на Караџовски, кој очигледно како што вели и самиот е отпорен ко куче, но не и на политички влијанија.

Помогнав во Комисијата за заразни болести да се отворат границите за да дојдат гласачите на ДУИ, се пофали Зибери од Центарот за јавно здравје

Магдалена Андонова — Thu, 25 Jun 2020 12:30:37 +0000

Директорот на Центарот за јавно здравје Арбен Зибери ги повика иселениците да дојдат да гласаат за Албанец премиер на изборите на 15 јули и се пофали дека тој како член на Комисијата за заразни болести помогнал да се отворат границите без протоколите препорачани од Светската здравствена организација. Зибери е втор на листата на кандидати за пратеници на ДУИ во првата изборна единица и роднина на Насер Зибери, кандидатот на ДУИ за премиер. Тој на Фејсбук напиша и дека укинувањето на тестирањето и 14-дневната изолација за иселениците е направено благодарение на придонесот на ДУИ во здравствените политики на владата. -Добредојдовте иселеници. Родното место ве чека. Сега можете да си дојдете дома без тестови и 14-дневна изолација, благодарение на нашиот придонес во здравствените политики на владата. Јас како член на Комисијата за заразни болести и другите членови помогнавме да се отворат границите и луѓето да се движат слободно без протоколите препорачани од СЗО. Зошто да не, дојдете дома за Албанец премиер, вели Зибери. Иако за себе пишува дека е член на Комисијата за заразни болести, неговото име не е на официјалниот список со членови на Комисијата, објавен на владиниот веб сајт коронавирус.гов.мк. Вицепремиерот Бујар Османи претходно на Фејсбук напиша дека е време да се отвораат аеродромите и границите без никакви ограничувања. Премиерот Оливер Спасовски на прес-конференција вчера рече дека отворањето на границите од утре (петок) без никакво ограничување и почнување со работа на аеродромите идната среда не е политичка одлука донесена во пресрет на изборите, туку е донесена по анализите и препораките на Комисијата за заразни болести, пренесува sdk.mk