зидан – Kurir.mk

Мбапе го надмина Зидан по број на голови во плејофот во Лигата на шампионите

Тале Кристо — Wed, 17 Feb 2021 08:29:52 +0000

Фудбалерот на Пари Сен-Жермен, Килјан Мбапе, го престигна поранешниот играч за врска на Реал Мадрид и Јувентус, Зинедин Зидан, по бројот на постигнати голови во плејофот во Лигата на шампионите, објави прес-службата на УЕФА. Благодарение на хет-трикот синоќа на првиот натпревар од осминафиналето во Лигата на шампионите против Барселона (4:1), 22-годишниот Мбапе заврши на третото место меѓу француските фудбалери по број на голови во нокаут фазата. Досега Мбапе има 12 погодоци, а пред него се Карим Бензема со 18 и Тиери Анри со 12 голови. Зинедин Зидан во текот на својата играчка кариера постигна осум гола.

Рамос, Азар и Модриќ гласаа за Зидан, Бејл не, во изборот за тренер на годината

Тале Кристо — Fri, 18 Dec 2020 07:45:32 +0000

Познато е како гласаа фудбалерите на Реал Мадрид во изборот на ФИФА за најдобар тренер за 2020 година. Капитенот на Реал и на шпанската фудбалска репрезентација, Серхио Рамос и играчот за врска и предводник на Белгија, Еден Азар го ставија Зинедин Зидан на првото место, додека играчот за врска на Реал и капитен на Хрватска, Лука Модриќ, го смести Зидан на второто место, по Ханс-Дитер Флик од Баерн Минхен. Капитенот на Велс и член на „кралскиот клуб“ кој во моментов е позајмен во Тотенхем, Герет Бејл, не го наведе Зидан во најдобрите тројца. Велшанецот, кој не добиваше доволно минутажа од Французинот, своите гласови ги даде на Флик, Јирген Клоп (Ливерпул) и Хулен Лопетеги (Севиља). Зидан не се пласираше помеѓу најдобри тројца во номинацијата за тренер на годината.

Зидан: Нема да бидам Алекс Фергусон за Реал Мадрид

Тале Кристо — Thu, 10 Dec 2020 11:15:25 +0000

Тренерот на Реал Мадрид, Зинедин Зидан одговори на сугестиите дека неговата улога во клубот од Мадрид може да биде близу до статусот што го имаше Алекс Фергусон во Манчестер јунајтед. – Јас сигурно нема да бидам Алекс Фергусон за Реал Мадрид. Не знам колку долго ќе останам тука и не размислувам за тоа. Моите мисли се однесуваат на секојдневниот живот, рече Французинот. Фергусон беше главен тренер на Манчестер јунајтед од 1986 до 2013 година. Под водство на Шкотланѓанецот, тимот стана шампион на Англија 13 пати, а исто така освои пет ФА купови, четири Лига купа, два пати ја освои Лигата на шампионите, еднаш – Купот на победниците на куповите, Суперкупот на УЕФА, Интерконтиненталниот куп и Светското првенство меѓу клубовите. Зидан беше на чело на Реал Мадрид од 2016-2018 година пред да се врати на тренерската позиција во 2019 година. Под водство на Французинот, тимот двапати стана шампион на Шпанија, а исто така трипати ја освои Лигата на шампионите, Суперкупот на Шпанија, Суперкупот на УЕФА и Светскиот клупски куп двапати.

Зидан: Реал против Интер го одигра својот најдобар досега оваа сезона

Тале Кристо — Thu, 26 Nov 2020 07:25:13 +0000

Тренерот на Реал Мадрид Зинедин Зидан, по победата над Интер во Лигата на шампионите, истакна дека неговиот тим одигра одлично. Според него, тимот од Мадрид го прикажа најдоброто издание во досегашниот тек на сезоната – Одигравме одлично од првата до последната минута. Бевме сериозни и енергични. Разбравме дека важноста на овие три бода е огромна. Тоа му помогна на мојот тим да го покаже својот најдобар фудбал. Морам да им се заблагодарам на моите момци. Денес немавме други опции освен да победиме. Тајната на успехот беше во тоа што секој даде 100 проценти. Целосно ги заслуживме овие три бода бидејќи ја контролиравме играта до последниот момент, истакна Зидан. Реал синоќа на гости го победи Интер со 2:0 и по 4.коло во Б-групата од Лигата на шампионите е втор со седум бода. Лидер е Борусија Менхенгладбах со осум. Шахтјор има четири, Интер е последен со само два бода.

Зидан ја презема одговорноста за поразот од Валенсија

Тале Кристо — Mon, 09 Nov 2020 07:33:06 +0000

Тренерот на Реал Мадрид, Зинедин Зидан по синоќешниот пораз од Валенсија со 4:1, побара да не се критикуваат играчите и целата вина да биде насочена кон него. – Да, тоа е болен пораз, затоа што навистина добро го почнавме натпреварот. Првиот половина час не беше лош, постигнавме гол. Но, по изедначувачкиот погодок се случи она што се случи. Што се однесува до трите пенали досудени против нас, судијата мора да води сметка за сето ова. Примивме три гола од белата точка и еден автогол. Ова е многу. Јас сум одговорен за ова како тренер, затоа што морам да најдам излез од ситуацијата. Изгледавме одлично, па играта драматично се промени. Ова не ни се случува првпат и не ми се допаѓа, истакна Зидан. Реал Мадрид по осум натпревари во Ла Лига е на 4. место со 16 бода, четири помалку од лидерот Реал Сосиедад кој е со натпревар повеќе.

Зидан: Заслуживме реми со Борусија, мислам дека и повеќе од бод

Тале Кристо — Wed, 28 Oct 2020 07:45:14 +0000

Тренерот на Реал Мадрид, Зинедин Зидан ги сподели своите размислувања за ремито со Борусија Менхенгладбах (2:2) во второто коло од групната фаза во Лигата на шампионите. – Резултатот зборува многу за карактерот на тимот. Заслуживме нерешено – и дури мислам дека заслуживме повеќе. Ова е многу важен бод. Се разбира, ситуацијата на табелата е тешка, сега сме во иста позиција како и минатата година. Играчите се бореа до крајот и одиграа добро, сигурен сум дека сè ќе остане зад нас, изјави Зидан. Треба да се обидеме и да се избориме со заморот. Не застанавме, но бевме многу уморни. Тоа е тоа што е. Оваа година ќе биде тешка за сите. Но, денес треба да бидеме горди на резултатот, затоа што зедовме бод во тешко гостување. Да, нешто ни недостасуваше, бидејќи не победивме, но верувавме во нашиот план за игра, се претставивме добро и заслуживме нерешено. Содржината на натпреварот беше добра. Нема лесни средби во групната фаза. Ако играме така, ќе продолжиме понатаму, уверува Зидан. Реал синоќа се спаси од пораз на гостувањето кај Борусија Менхенгладбах играјќи 2:2, иако до 87. минута губеше со 2:0.

Зидан: Докажавме дека можеме да направиме големи работи со ротации

Тале Кристо — Fri, 16 Oct 2020 18:48:36 +0000

Тренерот на Реал Мадрид, Зинедин Зидан изјави дека неговите играчи се подготвени за ротации за да се справат со набиениот распоред на тимот, почнувајќи од натпреварот од Ла Лига во сабота на домашен терен против Кадиз. Реал потоа игра против Шахтјор Доњецк во првото коло од групната фаза во Лигата на шампионите во среда, пред „Ел Класико“ против Барселона во саботата – дел од серијата од седум натпревари за 22 дена. – Разговаравме многупати за ова. За да освоиме нешто во многу долга сезона, мора да правиме ротации. Имаме многу добри играчи, што ни овозможува да правиме промени. Луѓето треба да запомнат низ што помина овој тим, играчите никогаш не мируваат. Имаме серија од седум натпревари, а потоа сите повторно одат во своите репрезентации. Но, јас не се жалам, само објаснувам дека е потребно да се направат ротации и мислам дека само така можеме да победуваме, изјави Зидан на прес.

Зидан се искачи на второто место меѓу тренерите на Реал по бројот на победи во првенството на Шпанија

Тале Кристо — Mon, 15 Jun 2020 11:43:38 +0000

Тренерот на Реал, Зинедин Зидан во синоќешниот натпревар од 28. коло од шампионатот на Шпанија против Еибар, прослави јубилеј 200. пат предводник на „кралскиот клуб“, како и искачување на второто место кај тренерите по бројот на победи. Французинот има 90 победи како предводник на Реал во првенството на Шпанија. Повеќе триумфи од Зидан има само Мигел Муноз кој го водеше тимот до успех – 257 пати. На третото место падна Лео Бенхакер со 89 победи.

Зидан ги прекрши правилата за самоизолација во Мадрид

Тале Кристо — Mon, 25 May 2020 08:37:39 +0000

Главниот тренер на Реал Мадрид, Зинедин Зидан го напушти Мадрид, кршејќи ги правилата за самоизолација. Според „Sport.es“, 47-годишниот француски стручњак бил забележан во село во предградието на градот. Зидан дошол во куќата што ја купил една година порано. Во Мадрид постои забрана за патување надвор од градот, не земајќи ги предвид посебните ситуации. Тренерот може да бидат казнет со парична казна. Претходно се дозна дека шпанското првенство ќе продолжи во јуни. Реал Мадрид започна со тимски тренинзи.

Зидан ќе биде следниот селектор на „петлите“, убедени се во Франција

Тале Кристо — Thu, 23 Jan 2020 16:13:28 +0000

Претседателот на Француската фудбалска федерација, Ноел Ле Гре изјави дека Зинедин Зидан е приоритет број еден за заменик на францускиот селектор Дидие Дешан. Зизу и друг пат беше поврзуван со позицијата, но потоа се врати во Реал Мадрид. – Денот кога Дидие ќе одлучи да си замине или ќе истече неговиот договор, Зидан е човекот за работата. Секако, сè додека е слободен. Дешан ќе биде и во Катар, а потоа ќе видиме, изјави шефот на Француската федерација. Дешан, кој го постави своето име во историјата, откако стана светски шампион со Франција како капитен во 1998 година и како тренер во 2018 година, ја предводи репрезентацијата на својата земја од 2012 година, а исто така успеа да стигне до сребрените медали на домашниот европски шампионат во 2016 година. Претходниот договор на Дешан истекуваше по завршувањето на ЕП 2020, но тој ќе добие шанса да ја води Франција и на Светскиот куп во 2022 година. Дешан и Зидан го освоија трофејот заедно како играчи на СП во 1998 година, а во 2018 година Дидие го однесе тимот на врвот на светот и како ментор. Зидан, од друга страна, во својот прв престој во Реал Мадрид има освоено три последователни титули во Лигата на шампионите.