жидас даскаловски – Kurir.mk

Даскаловски: Политиката на камшикар е погрешна и погубна, Заев ја турна Македонија во долгови и демократска нестабилност

Магдалена Андонова — Wed, 09 Dec 2020 18:12:43 +0000

- Политиката на камшикар, оние познати изјави на премиерот и на претседателот, дека ни треба камшикар, во смисла дека ни треба некој како ЕУ да не построи, подучи, турне и на некој начин да ни го одреди правиот пат. Таа политика е погрешна и погубна. Значи погрешна и погубна затоа што ние на крајот од денот сите можни промени внатре ги правиме за нас самите. Значи ние сакаме Македонија да биде земја каде што ќе владее право, ќе има демократија, и ќе има економски раст,истакна, Жидас Даскаловски при своето гостување во „24 анализа“. Даскаловски додаде дека ако во Македонија владее демократија, право и има економска стабилност ЕУ веднаш ќе ја покани и преговорите ќе завршат во рок од шест месеци. - Вие утре да ја повикате Швајцарија, зар мислите многу ќе преговара со ЕУ, веднаш ќе стане членка. Земја која што е богата, демократски напредни и со владеење на правото е земја која што може да влезе во ЕУ утре. Поентата на пристапните преговори и условеноста на минатите бранови на проширување беше да се помогне на демократските сили да го забрзаат тој процес. Меѓутоа кај нас процесот не се забрзува. Кај нас процесот се забавува, нагласи Даскаловски. Даскаловски посочи дека поради немање реформи Македонија секој ден се повеќе економски тоне. - Политика на камшикар е погубна и погрешна. Сами треба да знаеме што ни е целта, каде сакаме Македонија да биде и да ги достигнеме тие стандард час поскоро, рече Даскаловски.

Даскаловски: Говорот на Заев е непотребен и штетен, координираност помеѓу премиерот, Димитров и Османи нема, владее хаос кој штети на Македонија

Магдалена Андонова — Wed, 09 Dec 2020 17:41:48 +0000

- Говорот на Заев е непотребен и штетен на неколку нивоа. Во принцип кога ја разбркувате јавноста со едно интервју на БГНЕС и кажувате дека ние сме фактички дел од бугарскиот народ, а денеска зборувате Македонци, македонски народ е очигледно дека во една од овие две ситуации лажете. Во која ситуација лаже премиерот, сами ќе си проценат граѓаните и јавноста,истакна, Жидас Даскаловски при своето гостување во „24 анализа“. Даскаловски додаде дека очигледно е по говорот и изминатите изјави на Заев дека нема една конзистетна политика по ова прашање со Бугарија. Координираност помеѓу Заев, Димитров, Османи нема, тука владее тежок хаос. - Штетно е интервјуто бидејќи со ништо не придонесува да се мрднеме од точката во која што се наоѓаме сега. Штетно е и ова интетвју и изјави кои што ги слушнавме вчера дека ние сега, Македонија ќе биде во ситуација да ги чека изборите во Бугарија. А, изборите во Бугарија се во март месец. Што ќе чекаме до март? Да победи Борисов, или да изгуби Борисов? Многу нејасни работи кажуваат, не се фокусираат на работите како што треба. Кажуваат дека ова е прашање кое што ЕУ не смеела да го дозволи, дека во принцип не смеела да дозволи билатерален однос да влијае на проширувањето, дека не смеела да дозволи самоопределувањето да биде нарушено, не смеела ова, не смеела она, а всушност сето тоа тие го направија со Преспа, нагласи Даскаловски. Даскаловски посочи дека тажно, а и истовремено е смешно да слушаме од оваа влада дека се навредени, погодени од реакциите на Бугарија, кога истото тоа го правеше и Грција. А, владата тогаш реши да го смени името.

Даскаловски: Разбра некој која е штетата за државата од набавката на Мерцедесот?

Ивона Петрова — Tue, 29 Sep 2020 09:02:13 +0000

Универзитетскиот професот Жидас Даскаловски на Фејсбук по потврдата на затворската казна за поранешната министерка за внатрешни работи Гордана Јанкулоска прашува што се случи со незаконската набавка и која е штетата на државата. -И разбравте што е точно делото за кое е осудена Јанкуловска? МВР купило "луксузен" Мерцедес по желба на Груевски. И ? Што е со незаконската набавка? Која е користат за неа? Која е штетата за државата? Нигде не се објасни..., пишува Даскаловски на Фејсбук. https://www.facebook.com/daskalovski/posts/10157950453798406

Даскаловски: Промените во Уставот одат во правец кон создавање на една хибридна бинационална држава

Курир — Mon, 10 Dec 2018 13:23:52 +0000

Политичкиот аналитичар Жидас Даскаловски во изјава за порталот МКД.мк потсетува дека од аспект на безбедноста на регионот, Македонија е клучна на Балканот. -Тука се преплетуваат интересите на сите пет соседи, но и на Русија, Турција, САД како членка на НАТО и земјите на Европската Унија. Евентуалниот конфликт меѓу Косово и Србија, иако тоа е само локален проблем, нема да остане така затоа што се работи за поголем сет на интереси на локални и регионалните сили, вели Даскаловски. Тој додава дека за стабилноста на Македонија влегувањето во НАТО е многу битно, но тоа нема да ги исклучи внатрешните борби и конфликти. Тиранската платформа чекор по чекор се остварува -Тиранската платформа чекор по чекор се остварува. Изборното ветување на СДСМ за излегување од рамките на Охридскиот договор води кон тоа, потврдување и применување на Тиранската платформа. Дали е можна радикализација на барањето во северозападниот дел на Македонија, битно е да се следат и случувањата во Косово во однос на Србија. Тоа се споени лончиња, вели Даскаловски. Откако ќе се спроведе таа платформа, додава тој, логичен чекор ќе биде групирањето на Албанците во некаква автономија или регионализација. -Сите овие промени во Уставот одат во тој правец, кон создавање на една хибридна бинационална држава. Оттука сосема логично е да се очекува еден вид и на територијално разграничување на Македонија. Тоа е траекторијата исцртана во изборната програма на СДСМ. Многу веројатно е дека ова може да се оствари, вели Даскаловски во изјавата за МКД.мк.

Даскаловски: Уставниот суд одлучи под влијание на политичките околности

Матеја Петровски — Wed, 19 Sep 2018 19:16:26 +0000

Одлуката е фрапантна и изненадувачка во смисла на тоа дека судиите треба да се врвни правници и да го почитуваат правото. Очигледно е и за наjобичен граѓанин дека ова прашање како што е поставено на референдумот, не дава логична можност на граѓаните да се изјаснат доколку на пример се за влез во ЕУ и не се за влез во НАТО, или ако се против договорот кој што е наметнат и се за евроатланска интеграција, смета универзитетскиот професор Жидас Даскаловски. -И по логиката на нештата и по правната поставеност судот требаше да донесе поинаква одлука, но тој донесе видовме каква одлука, сметам дека во Македонија многу нешта се под влијание на политичките околности па и оваа одлука, оцени Даскаловски. Прашан за коментар околу ставот на поранешни уставни судии дека поинаква одлука на судиите би била удар врз темелите на државата, Даскаловски го нарече бесмисленот. -Тоа се некои бесмислени искази кои што немаат врска со реалноста. Единствено нешто што во Македонија треба и денес и вчера и утре да биде основен постулат е владеење на правото. Правната држава. И доколку некој смета дека било каква одлука на институција, меродавна и правна е спротивна на интересите на државата , е невкусно да се коментира, вели Даскаловски.

Даскаловски: Оваа влада има катастрофални резултати по сите параметри и треба час поскоро да си оди

Дарко Андоновски — Fri, 14 Sep 2018 09:57:42 +0000

Професорот и аналитичар Жидас Даскаловски на својот Фејсбук профил објави статус во врска со промената на името од страна на владата на СДСМ на чело со Зоран Заев. Тој во својот статус пишува: -Национален интерес на секоја држава е да ја зачува/зајакне: 1) сувереноста 2) безбедноста 3) економскиот прогрес 4) либералната демократија 5) внатрешната кохезија. Оваа влада има катастрофални резултати по сите параметри и треба час поскоро да си оди, пишува Даскаловски во својот статус.

Даскаловски: Хунто северна, време е за оставка

Катерина Бојаџиева — Sun, 15 Jul 2018 08:49:13 +0000

Синоќешната владина забава во 15 гради, која уште пред да започне се претвори во дебакл, го испровоцира професорот Жидас Даскаловски да побара оставка од СДСМ. „Хунто северна време е за оставка. Нит економија опраивте, нит корупција докажавте, нит демократија воведовте, нит криминал и насилство и непотизам спречивте, само име продавате за нејасни ветувања за светла иднина. Имате медиуми, имате МАНУ, имате МВР и служби, имате странци што ве фалат, имате и кеш и закани ама немате народ. Оставка сега, напиша Даскаловски синоќа на Фејсбук.

Даскаловски: Владата да покаже издржани позиции, ние имаме достоинство, идентитет и име кое не смееме да го продаваме

Курир — Sun, 25 Feb 2018 09:13:06 +0000

Македонската влада да покаже издржани позиции во преговорите за името со Грција, вели во изјава за Канал 5 телевизија професорот и политички аналитичар Жидас Даскаловски. Властите имаат обврска да се фокусираат на демократизација и европеизација на земјата без разлика во која фаза се преговорите со Грција. Колку најавата на Хан е реална? Со сите изјави на евро бирократијата. И политичари и парламентарци ова е реална најава очекувано е и извештајот за напредокот да биде позитивен од структурите на комисијата да е позитивен и да се даде препорака за почеток на преговори која што е веројатно советот да ја верификува во смисла да ја прифати доколку има некаков напредог во преговорите со името . Мислам дека ќе биде препорачано но. На крајот од денот европскиот совет ќе реши во однос на тоа како одат преговорите со името.. Мак влада треба да покаже издржани позиции, да не брза, на крајот на денот знаеме дека почеток на преговори не значи дека ќе бидеме членови. И дека ние имаме достоинство, идентитет и име кое не смееме да го продаваме. Ние сме тука една страна која треба Да работиме на демократизација и на европеизација на земјата без разлика во која фаза се тие разговори со Грција. Целиот разговор погледнете го во видеото на Канал 5.

Даскаловски: Нормална е реакцијата на ВМРО-ДПМНЕ со амандманите во услови кога немаше никаква дебата

Ивона Петрова — Thu, 08 Feb 2018 12:54:55 +0000

Нормална е реакцијата на ВМРО-ДПМНЕ со амандманите кога немаше никаква дебата. Законот е донесен со европско знаменце, кое се коси со Уставот, не може да се дејствува арогантно со опозицијата за такви битни прашања. Соработка треба да има со целата јавност, рече професорот Жидас Даскаловски во вчерашното гостување на телевизија Алфа, во емисијата “60 минути со Горан Момировски” каде дискутираа со Рубин Земан за актуелните прашања во Република Македонија. Според професорот Даскаловски нормално е однесувањето на најголемата опозициска партија ВМРО-ДПМНЕ за поднесувањето на 35 илјади амандмани. Во тој контекст тој рече не може да се носи закон на сила, особено таков закон без дебата, за кој Зоран Заев вети широка дебата. Исто така професорот Даскаловски вели дека во Република Македонија моментално не се спроведува мултикултурна политика во ниту една област, што тој отценува дека е голема грешка. -Нема потреба да се кршат закони и прават дополнителни проблеми и на една етничка заедница да се зголемат правата, а друга воопшто и да ги нема, само затоа што некој сака на сила да донесе некој закон, кој е против уставен, вели професорот Даскаловски.